Jɔlɛ Difuɛ Mun 13:20 - NYANMIƐN NDƐ'N 1998

²⁰ Kɛ sin'n ´jue Nyanmiɛn sɔwlɛ su'n, Anannganman i anz'n fuli sin taaman nun ɔli. Kɛ be wunnin i sɔ'n, be tɔli nan b'a utu bé nyin ase.

Jɔlɛ Difuɛ Mun 13:20 ပူးပေါင်းရင်းမြစ်များ

Bo Bolɛ 17:3

Abram bubu guali asiɛ wun gblo! Ɔ utuli i nyin ase nan Nyanmiɛn'n ɔ'a se i kɛ:

2 Famiɛn Mun 2:11

Kɛ be ´kɔ bɔ be ´koko yalɛ'n, kpɛkuun kakaklolo kun, ɔ ti sin ngunmin, ɔ nin nnɛn kpanngɔ mun, be ti sin ngunmin, be fin lɔ be wa tili be nun, kpɛkuun seke kun wa mannin Eli su ɔli nyanmiɛn su lɔ.

1 Be Nyoliɛ 21:16

Kɛ David ´nian'n, anz'n o nyanmiɛn'n nin asiɛ'n be afiɛn ɔ'a tinngɛ i tokofi'n Zerizalɛm ndɛnman. Yɛ David nin Izraɛl kpɛnngbɛn mun bɔ bajɛ tralɛ o bé wun, be tɔli nan b'a utu bé nyin ase.

1 Be Nyoliɛ 21:21

Kɛ David juli Ɔrnan wun koko lɛ'n, Ɔrnan mɛnnin i ti'n su nan ɔ'a wun i. Ɔrnan fin ble bowlɛ nun lɔ fiteli, ɔ wa kotoli David bo, yɛ ɔ utuli i nyin ase-ɔ.

1 Be Nyoliɛ 21:26

David kplannin Anannganman i sɔwlɛ kun lɛ, nan ɔ'a yi tɛ nga be yra be nnɛn'n kɔlikɔli'n nin bo kun yolɛ i su tɛ mun. Ɔ srɛli Anannganman, nan ɔ'a ti i srɛlɛ'n. Anannganman man sin fin nglo lɔ tɔli i sɔwlɛ'n su.

Jue Mun 47:5

Ɔ kpali e lika b'ɔ ti e aja like'n mannin ye. Lika sɔ'n, ɔ ti e bɔ e ti Zakɔb i nvle'n nunfuɛ bɔ Nyanmiɛn klo ye'n e anyrunnyan like .

Ezekiɛl 1:26

Like sɔ'n, like kun o su, ɔ yo kɛ yɛbuɛ kpa bɔ be flɛ safir'n sa. Yɛ ɔ fa famiɛn bia. Yɛ like b'ɔ ti kɛ sran sa'n, ɔ ti like b'ɔ ti kɛ famiɛn bia sa'n su .

Ezekiɛl 1:28

Lika ng'ɔ kpaja weiin ng'ɔ sin yiɛ i'n, ɔ ti kɛ nyanngondin b'ɔ fite nzue tɔlɛ cɛn'n nun'n sa. Nyanmiɛn i nyannyan'n yɛ ɔ o lɛ-ɔ . Kɛ n wunnin i sɔ'n, n tɔli yɛ n utuli mín nyin ase. Kpɛkuun n tili sran kun i nɛn.

Daniɛl 10:9

N tili sran sɔ'n i ndɛ ng'ɔ kan be'n. I aniɛn b'ɔ tɛ'n ti, mín nyrun bluli, n tɔli yɛ n utuli n nyin ase.

Saun Yolɛ 9:24

Be ´nian-an sin yɛ ɔ'a kpɛn Nyanmiɛn i sɔwlɛ'n su yɛ. Ɔ yrali tɛ nga be yrɛ i nnɛn'n kɔlikɔli'n nin tɛ nnɛn kun'm be lui'n. Kɛ Izraɛlfuɛ'm be wunnin i sɔ'n, kpɛkuun yɛ be bo be sroli woo-ɔ! Kpɛkuun yɛ be utuli bé nyin'n i ase-ɔ.

Matthieu 17:6

Kɛ i sɔnnzɔnfuɛ'm be tili sran nɛn sɔ'n, srɛ dan kpa kunnin be nan b'a tɔ b'a utu bé nyin ase.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Jɔlɛ Difuɛ Mun 6:19

Zedeɔn ɔli i awlo lɔ, ɔ ko kunnin boli bɔ b'a kpɛ cro'n kun, ɔ tɔnnin, ɔ fɛli i nnɛn'n guɛli gbogbo kun nun, yɛ ɔ fɛ i bo tro'n guɛli i talie kun nun. Ɔ fali kpaun nzuɛn kilo ablasan fa tɔnnin kpaun bɔ kpaun ayre nun-man nun'n. Ɔ fa sieli su, ɔ fa bali waka bɔ be flɛ i terebɛnt'n i bo lɛ, nan ɔ'a fa man Anannganman i anz'n.

Jɔlɛ Difuɛ Mun 6:21

Kpɔnman kun wo Anannganman i anz'n i sa nun. Ɔ fali waka sɔ'n i ti'n kannin nnɛn nin kpaun'n bɔ kpaun ayre nun-man nun'n, kpɛkuun sin fiteli yɛbuɛ'n nun ɔ yrali nnɛn nin kpaun'n. Kpɛkuun Anannganman i anz'n mlinnin i nyrun lɛ.