Jɔlɛ Difuɛ Mun 13:12 - NYANMIƐN NDƐ'N 1998

¹² Manɔak seli kɛ: «Ndɛ'n yɛ a kɛnnin i lɛ-ɔ. ?Sɛ sa sɔ'n i nuan yia'n, nguɛ yɛ e ´yo e man ba nin-ɔn?»

Jɔlɛ Difuɛ Mun 13:12 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Jue Mun 143:8

Nglɛmun'n, kɛ be ´se kɛ lika'n ɔ'a cɛn cɛ'n, man n wun ɔ klun-ufue'n nun weiin, afin ɔ su yɛ n fa min wla'n gua-a. Atin ng'ɔ ti bɔ n `fa su'n, kle min, afin ɔ́ su yɛ n lafi-ɔ.

Nyanndra Mun 22:6

Atin b'ɔ ti klanman bɔ bakan'n ko fa su'n, kle i i bakan nun. I liɛ'n, kɛ ɔ ´fa yo kpɛnngbɛn'n, ɔ su yaci ko fa-man uflɛ.

Nyanndra Mun 4:4

Mín si'n kleli min ngwlɛlɛ, ɔ seli min kɛ yoo: «Min ndɛ nga n kan kle wɔ'n, man be tran ɔ klun. Mín nuan su ndɛ nga n kan be'n, sɛ a di su'n a lɛ nguan.

Efɛzfuɛ Mun 6:4

Nja mun, amun kusu, nán an yo sa b'ɔ kun amun mma'm be ya, sanngɛ an `ta be kpa e Min'n liɛ'n su, yɛ an `tu be fɔ, an `kle be ngwlɛlɛ.

Jɔlɛ Difuɛ Mun 13:11

Yɛ Manɔak jaso suli i yi su, yɛ be wa toli sran nin-ɔn. Nan Manɔak ɔ'a usɛ i kɛ: «?Wɔ yɛ a kannin ndɛ kleli bla nga nin-ɔn?» Bian tɛli i su kɛ: «Ɛɛn, min-ɔn.»

Jɔlɛ Difuɛ Mun 13:13

Anannganman i anz'n seli Manɔak kɛ: «Like kwlaa nga n seli bla'n kɛ nán ɔ di'n, man ɔ ci. Like kwlaa b'ɔ fin vinyi i mma nun'n, nán ɔ kɛn i nuan.