Jɔlɛ Difuɛ Mun 12:6 - NYANMIƐN NDƐ'N 1998

⁶ Kɛ b'ɔ si-mɛn se'n, kpɛkuun i waan, «Zibɔlɛt.» E ijɔwa-a, b'a tɔ i su b'a kpɛ i kɔmin. Kan be kpɛ nzue'n bé ja nun lɛ'n yɛ be yo i sɔ sa nin-ɔn. Blɛ sɔ nun'n, Efraim akpasua su sran nga be tɔli'n be ti sran akpi-akpi ablanan-nin-nnyɔn (42.000).

Jɔlɛ Difuɛ Mun 12:6 ပူးပေါင်းရင်းမြစ်များ

Jue Mun 69:15

Yi min nnɔtiɛ'n nun, nán man m mlɔn. De min min kpɔfuɛ'm bé sa nun, yi min nzue kploun'n nun fite.

Jue Mun 69:2

Ee Nyanmiɛn, de min, nzue'n ɔ'a yi lele ɔ'a ju min kɔmin nun.

Nyanndra Mun 17:14

Kɛ be ´bo akplowa silɛ'n bo'n, ɔ ti kɛ ce wie yɛ be su bu i sa. I sɔ'n ti, kɛ ngondin'n nian tɔ-man'n, ɔ fata kɛ a cuɛn ɔ́ wun.

Nyanndra Mun 18:19

Sɛ ndɛ tɔ a nin ɔ niaan amun afiɛn'n, i mantanlɛ'n yo ya tra klɔ wun talɛ bulɛ. Utre'n wie yo sro kɛ bisua anuan nun gboklo sa.

Akunndanfuɛ'n 10:12

Akunndanfuɛ'n i nuan nun ndɛ'n yo man sran'm bé nyin yi i. Sanngɛ sinnglinfuɛ'n i nuan ndɛ'n mlin i bɔbɔ.

Ezai 27:12

I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Matthieu 12:25

Kɛ Jésus wunnin be akunndan'n, ɔ seli be kɛ: «Sɛ famiɛn kun i sran b'ɔ sie be'n be bu be wun nun'n, i mɛn ɔ ´saci, yɛ klɔ kwlaa annzɛ awlo kwlaa bɔ be nunfuɛ'm bu nun'n be su kwla cɛ-man.

Matthieu 26:73

Kɛ ɔ cɛli kan'n, be nga be o lɛ'n be wunngeli Piɛr wun lɛ nan b'a se i kɛ: «Nanwlɛ, wɔ, a o minniɛn nga'm be nun wie, afin wɔ aniɛn'n kle sɔ.»

Marc 14:70

Nan ɔ'a se kɛ ɔ ti-man sɔ. Kɛ ɔ cɛli kan'n, be nga be o lɛ'n be seli Piɛr ekun kɛ: «Nanwlɛ, wɔ-ɔ, a o be nga be o lɛ'n be nun wie, afin a ti Galilefuɛ.»

Galasifuɛ Mun 5:15

Sanngɛ sɛ an kaka amun wun bɔ an titi amun wiengu sa bui'n, an `nian amún wun kpa, sɛ ɔ ti-man sɔ'n, amun wiengu saci amun.

Jɔlɛ Difuɛ Mun 12:5

Galaadfuɛ'm be jrannin Efraim lika nga be nanti bé ja nun be kpɛ Zurdɛn lɛ'n, yɛ kɛ Efraim akpasua'n su sran wie su wanndi'n b'ɔ ju lɛ'n b'ɔ se kɛ: «Amun man min atin man n kpɛ nzue'n.» Galaadfuɛ'm be usɛ i kɛ: «?A ti Efraimfuɛ?» Sɛ ɔ tɛ su kɛ: «Cɛcɛ'n!» Kpɛkuun Galaadfuɛ'm be se i kɛ: «Se kɛ ‹Sibɔlɛt› man e nian e!»

Jɔlɛ Difuɛ Mun 12:7

Zɛfte b'ɔ ti Galaadfuɛ'n, ɔ yoli Izraɛlfuɛ'm be jɔlɛ difuɛ afuɛ nsiɛn. I sin ɔ wa wuli yɛ be sieli i Galaad klɔ'm be nun kun su .