Jɔlɛ Difuɛ Mun 12:4 - NYANMIƐN NDƐ'N 1998

⁴ Yɛ Zɛfte yiali Galaadfuɛ'm be kwlakwla yɛ ɔ nin Efraim akpasua'n su sran'm be ´kun-ɔn. Galaadfuɛ'm be kwlali Efraim akpasua'n su sran'm bɔ be waan: «Amun Galaadfuɛ mun, amun ti aofuɛ yɛ amun wa fiali Efraim akpasua'n su sran mun nin Manase akpasua'n su sran mun be afiɛn-ɔn.»

Jɔlɛ Difuɛ Mun 12:4 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

Neemi 4:4

Zidafuɛ'm be waan: «Junman difuɛ'm b'a fɛ. E kplan talɛ nga-a, ɔ su yo-man ye, afin ɔ bubuli dan.»

Jue Mun 78:9

Efraimfuɛ mun bɔ be ti ta tofuɛ kpakpa'n be wanndili alɛ kunlɛ cɛn'n nun,

Nyanndra Mun 12:13

Sran tɛfuɛ'n i ato ng'ɔ bua'n, ɔ ti kɛ i bɔbɔ wun aya sa yɛ ɔ sua-a. Sanngɛ sran kpafuɛ'n, man sa'n bɔ tɔ i su sɛ, san ɔ ´fin nun fite.

Nyanndra Mun 15:1

Sɛ sran fa ya kan ndɛ tɛ kle wɔ nan a tɛ i su amanniɛn su'n, i ya'n ɔ jɔ. Jɔlɛ tɛ'n ɔ klɔklɔ ya.

Jɔlɛ Difuɛ Mun 11:10

Yɛ be tɛli i su kɛ: «E kan Anannganman ti, sɛ y'a yo-man sɔ cɛ'n, man ɔ bu e fɔ.»

Jɔlɛ Difuɛ Mun 12:3

Kɛ n nian bɔ amun ba-man min ukalɛ'n, yɛ n waan wie-o-wie nguan-o-nguan, yɛ e nin Amɔnfuɛ mun e ko kunnin-ɔn. Yɛ Anannganman kusu yili be mannin min-ɔn. Ɔ man alɛ nga amun nin min a bɛ i kunlɛ ndɛ yɛ'n, n wun-mɛn i wlɛ.»

Jɔlɛ Difuɛ Mun 12:5

Galaadfuɛ'm be jrannin Efraim lika nga be nanti bé ja nun be kpɛ Zurdɛn lɛ'n, yɛ kɛ Efraim akpasua'n su sran wie su wanndi'n b'ɔ ju lɛ'n b'ɔ se kɛ: «Amun man min atin man n kpɛ nzue'n.» Galaadfuɛ'm be usɛ i kɛ: «?A ti Efraimfuɛ?» Sɛ ɔ tɛ su kɛ: «Cɛcɛ'n!» Kpɛkuun Galaadfuɛ'm be se i kɛ: «Se kɛ ‹Sibɔlɛt› man e nian e!»

1 Samiɛl 25:10

Kpɛkuun Nabal liɛ ng'ɔ ´fa tɛ bé su'n yɛlɛ kɛ: «?Wan yɛ be flɛ i David nin-ɔn? ?Wan yɛlɛ Izai i wa'n? Le nnyɔn nun kanga nga be wanndi bé si'm bé sa nun'n be di-man be yalɛ.