Jɔlɛ Difuɛ Mun 11:26 - NYANMIƐN NDƐ'N 1998

²⁶ Izraɛlfuɛ'm be trannin Ɛsbɔn nin i asa'n su, be trannin Arɔɛr nin i asa'n su, yɛ be trannin klɔklɔ nga be o Arnɔn nzue ba'n i nuan lɔ'n be kwlaa be su. Kɛ be trannin lɔ i afuɛ ya nsan yɛ. ?Lalaa'n, ɔ yo sɛ yɛ amu'an de-man lika sɔ mun bé sa nun-ɔn?

Jɔlɛ Difuɛ Mun 11:26 ပူးပေါင်းရင်းမြစ်များ

Zeremi 48:19

Arɔɛrfuɛ mun, an `jran atin'n su be nian. Be bɔ b'a nyan-man be b'a kun-man be bɔ be wanndi'n, amun usa be kɛ: ‹?Nguɛ sa-a?›

Sa nga bé yôli'n 13:19

Kɛ ɔ nunnunnin nvle nso Kanaan mɛn nun'n , ɔ fali nvle sɔ'n be mɛn'n mannin be

Mmla'n 2:24

Anannganman seli e kɛ: «Amun `jaso amun `wɔ, amun `kpɛ Arnɔn nzue ba'n. An `nian, Siɔn b'ɔ ti Amɔrfuɛ'n b'ɔ ti Ɛsbɔn famiɛn'n ɔ nin i mɛn'n, m'an fa be m'an wla amún sa nun. Amun `bo i falɛ bo. Amun `fa alɛ wla be sin.

Mmla'n 2:36

Kɛ ɔ fɛ i Arɔɛr b'ɔ o Arnɔn nzue ba'n i nuan'n, ɔ nin klɔ ng'ɔ o kongo nun'n lɔ lele b'ɔ ´fa ju Galaad mɛn'n nun'n, klɔ ba kun sa ɔ'a kwla jran-man e nyrun. Anannganman e Nyanmiɛn'n fali be kwlakwla mannin ye.

Mmla'n 3:2

Yɛ Anannganman seli min kɛ: «Nán sro i, m'an fɛ i, nin i sonja mun, ɔ nin i mɛn'n m'an wla ɔ́ sa nun. Sa nga a fa yoli Siɔn b'ɔ ti Amɔr famiɛn'n b'ɔ tran Ɛsbɔn'n laa'n, i kunngba'n yɛ a wa fa yo i-ɔ.»

Mmla'n 3:6

E sacili be kwlakwla kɛ e fa yoli Siɔn b'ɔ ti Ɛsbɔn famiɛn'n i liɛ'n sa. E nunnunnin be su sran mun. I yasua o, i bla o, i bakan o, e nunnunnin be ngba.

Zozie 11:18

Alɛ ng'ɔ nin be kunnin'n ɔ cɛli.

Zozie 12:2

I klikli'n yɛlɛ Siɔn, Amɔrfuɛ'm be famiɛn ng'ɔ tran Ɛsbɔn lɔ'n. Lika ng'ɔ sie'n, ɔ fɛ i Arnɔn i kongo'n i bue, ɔ bo i bo Arɔɛr klɔ'n su lɛ, i kunngba'n, ɔ fa Galaad mɛn'n i bue, ɔ kɔ lele ju Zabɔk nzue ba'n i nuan. Nzue sɔ'n yɛ ɔ ti be nin Amɔnfuɛ'm be awɛ nin-ɔn.

Zozie 12:5

Ɛrmɔn oka'n nin Salka klɔ'n, ɔ nin Bazan mɛn'n kwlaa b'ɔ fa ju Gesirfuɛ nin Maakatfuɛ'm be awɛ'n su'n, ɔ nin Galaad lika'n i bue bɔ i awɛ yɛlɛ famiɛn Siɔn i nvle'n bɔ be flɛ i Ɛsbɔn'n, i kwlaa sɔ'n ti famiɛn sɔ'n i liɛ.

Zozie 13:10

Amɔrfuɛ'm be famiɛn bɔ be flɛ i Siɔn'n i klɔ ng'ɔ sie be kɛ ɔ fɛ i Ɛsbɔn lele fa ju Amɔnfuɛ'm be lika'n i nuan'n, be o nun wie.

Zozie 13:16

i nuan su yɛlɛ Arɔɛr klɔ'n b'ɔ o Arnɔn nzue ba nuan'n ɔ nin klɔ ng'ɔ o kongo i afiɛn'n. Lika kpɛtɛkplɛɛ ng'ɔ sin yia Medɛba'n,

Zozie 13:17

ɔ nin Ɛsbɔn'n, nin lika kpɛtɛkplɛɛ i su klɔ ngba: Dibɔn, nin Bamɔt-Baal, nin Bɛt-Baal-Mɛɔn, nin

Zozie 23:1

Kɛ Anannganman deli Izraɛlfuɛ'm be kpɔfuɛ nga be bo sin yia be'n be kwlaa bé sa nun'n, b'ɔ man be dili alaje'n, i osu ɔ'a la nun. Zozie a yo oke.

Jɔlɛ Difuɛ Mun 10:8

Nvle sɔ'm be yoli be tɛtɛ kpa. Kɛ ɔ fɛ afuɛ sɔ'n nun lele b'ɔ ´fa di afuɛ blu-nin-mɔcuɛ'n, Izraɛlfuɛ nga be tran Zurdɛn i bue kun lɔ'n wia afiliɛ lɔ lika nun Amɔrfuɛ'm be lika ng'ɔ o Galaad lɔ'n, be wunnin nyrɛnnɛn dan.

Jɔlɛ Difuɛ Mun 3:11

Izraɛl nvle'n tɔli fɔuun afuɛ ablanan. Yɛ Kɛnaz i wa Ɔtniɛl wuli-ɔ.

Jɔlɛ Difuɛ Mun 3:30

Kɛ ɔ fin le kun sɔ nun'n, Moabfuɛ'm be ti'n wo Izraɛlfuɛ'm bé bo. Lika'n wa tɔli bliin afuɛ ablaɔcuɛ.

Jɔlɛ Difuɛ Mun 5:31

Anannganman, man ɔ kpɔfuɛ'm be wu sa tititi! Sanngɛ man be nga be klo wɔ'n be yo kɛ wia bɔ ɔ'a man su b'ɔ su bo kpa'n sa.» Kɛ ɔ yoli sɔ'n, lika'n tɔli bliin afuɛ ablanan.

Jɔlɛ Difuɛ Mun 8:28

Madianfuɛ'm be suli Izraɛlfuɛ mun. B'a kwla man-man be ti su kun. Blɛ bɔ Zedeɔn i nyin tɛ o su'n lele b'ɔ fa wu'n, lika'n tɔli bliin afuɛ ablanan.

Jɔlɛ Difuɛ Mun 9:22

Abimelɛk sieli Izraɛl nvle'n afuɛ nsan.