Jɔlɛ Difuɛ Mun 11:18 - NYANMIƐN NDƐ'N 1998

¹⁸ Be ko sannin Edɔm mɛn'n ɔ nin Moab mɛn'n bé wun. Be sinnin Moab i wia afiliɛ lɔ yɛ be bali-ɔ, sanngɛ b'a kpɛn-man lɔ. Be wa boli be nanmue Arnɔn nzue ba'n i bue kun lɔ, sanngɛ b'a wlu-man Moab nvle'n nun, afin Arnɔn nzue ba'n wo Moab i nuan su.

Jɔlɛ Difuɛ Mun 11:18 ပူးပေါင်းရင်းမြစ်များ

Kalɛ 20:22

Izraɛlfuɛ'm be kwlakwla be tuli bé bo Kadɛs be ko juli Ɔr oka'n su.

Kalɛ 22:36

Balak tili i kɛ Balaam su ba. Ɔ ɔli i atin kpalɛ lele juli Moab klɔ ng'ɔ o Arnɔn nzue ba'n i wun lɛ'n. Klɔ sɔ'n wo be mɛn'n anyialiɛ'n su.

Mmla'n 2:18

«Amun `kpɛ Moab awɛ'n siɛn'n, amun `sin Ar mɛn'n nun.

Mmla'n 2:24

Anannganman seli e kɛ: «Amun `jaso amun `wɔ, amun `kpɛ Arnɔn nzue ba'n. An `nian, Siɔn b'ɔ ti Amɔrfuɛ'n b'ɔ ti Ɛsbɔn famiɛn'n ɔ nin i mɛn'n, m'an fa be m'an wla amún sa nun. Amun `bo i falɛ bo. Amun `fa alɛ wla be sin.

Mmla'n 2:9

Yɛ Anannganman seli min kɛ: «Nán amun klɔklɔ Moabfuɛ mun. Nán amun se kɛ amun nin be ´kun alɛ. N su man-man amun lika fi be mɛn'n nun. Afin Ar mɛn'n ti Lɔt i osu nunfuɛ'm be liɛ, n fa mannin be.»