Jɔlɛ Difuɛ Mun 11:13 - NYANMIƐN NDƐ'N 1998

¹³ Amɔn famiɛn'n tɛli Zɛfte i sran'm bé su kɛ: «Sa ti b'ɔ yoli sɔ'n yɛlɛ kɛ i blɛ nga Izraɛlfuɛ'm be fin Ezipt be ´ba'n, be fali min lika ng'ɔ fɛ i Arnɔn lele fa ju Zabɔk ɔ nin Zurdɛn nuan'n. Nan i sɔ'n ti, fa min lika'n man min wɛtɛɛ su.»

Jɔlɛ Difuɛ Mun 11:13 ပူးပေါင်းရင်းမြစ်များ

Bo Bolɛ 32:22

Be fali ninnge sɔ'm be dunnin mmua. Le kun sɔ i bɔbɔ kusu lali ngblaliɛ'n nun lɔ.

Nyanndra Mun 19:5

Lalofuɛ ng'ɔ bua ato'n, san be ´tu i fɔ. Fɔ ng'ɔ fata kɛ be tu gblɛfuɛ'n, san be ´tu i.

Nyanndra Mun 19:9

Lalofuɛ ng'ɔ bua ato'n, san be ´tu i fɔ. Gblɛfuɛ'n i bɔbɔ wun mlinlɛ yɛ ɔ mlin-ɔn.

Mmla'n 2:37

Sanngɛ y'a kan-man Amɔnfuɛ'm be mɛn'n, y'a kan-man lika ng'ɔ o Zabɔk nzue ba'n i wia afiliɛ lɔ'n nin oka'm bé su klɔ mun. Lika nga Anannganman e Nyanmiɛn'n waan nán e kan be'n, y'a kan-man wie fi.

Mmla'n 3:16

N fali lika ng'ɔ o Galaad nin Arnɔn nzue ba'n be afiɛn'n m mannin Ribɛnfuɛ mun nin Gadfuɛ'm be osu nunfuɛ mun. Be lika'n i nuan su yɛlɛ Arnɔn nzue ba'n. Zabɔk nzue ba'n kusu ti be nin Amɔnfuɛ'm be awɛ.

Jɔlɛ Difuɛ Mun 11:12

Zɛfte sunmannin sran Amɔnfuɛ'm be famiɛn'n sin kɛ be usa i kɛ: «?Nguɛ sa yɛ n yoli bɔ i ti yɛ amu'an ba min mɛn'n nun wa kɛ amun nin min ´kun alɛ nin-ɔn?»

Jɔlɛ Difuɛ Mun 11:14

Yɛ Zɛfte sunmannin sran Amɔnfuɛ'm be famiɛn sin ekun-ɔn.