Jɔlɛ Difuɛ Mun 11:11 - NYANMIƐN NDƐ'N 1998

¹¹ Yɛ Zɛfte nin Galaad kpɛnngbɛn'm be ɔli-ɔ. Izraɛlfuɛ'm be fɛ i sieli kpɛn. I kunngba'n ɔ ti sonja'm be su kpɛn. Ndɛ kunngba nga be kɛnnin i lɔ'n, Zɛfte ko kɛnnin i Anannganman nyrun Mizpa lɔ.

Jɔlɛ Difuɛ Mun 11:11 ပူးပေါင်းရင်းမြစ်များ

2 Korɛntfuɛ Mun 3:5

Nán kɛ e kwla sa wie yo b'ɔ man e bu e wun kɛ e bɔbɔ e kwla yo like wie-ɔ. Sanngɛ sa nga e yo be'n, Nyanmiɛn yɛ man e yo-ɔ.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Zozie 15:38

Sian, Mizpe, Zɔkteɛl,

Jɔlɛ Difuɛ Mun 10:17

Amɔnfuɛ'm be yiali, be ko kpɛli be ngblaliɛ'n Galaad nvle'n nun. Izraɛlfuɛ'm be kusu be yiali nan b'a kpɛ be ngblaliɛ Mizpa lɔ.

Jɔlɛ Difuɛ Mun 11:12

Zɛfte sunmannin sran Amɔnfuɛ'm be famiɛn'n sin kɛ be usa i kɛ: «?Nguɛ sa yɛ n yoli bɔ i ti yɛ amu'an ba min mɛn'n nun wa kɛ amun nin min ´kun alɛ nin-ɔn?»

Jɔlɛ Difuɛ Mun 11:29

Yɛ Anannganman i Wawɛ'n jrali Zɛfte su-ɔ. Ɔ sinnin Galaad nvle'n nin Manase nvle'n nun. Ɔ sinnin Mizpe, kpɛkuun ɔ fɛli i lɛ nan ɔ nin Amɔnfuɛ'm b'a ɔ kunlɛ.

Jɔlɛ Difuɛ Mun 11:34

Zɛfte ɔ ´sɛ i sin ´bɛ i awlo Mizpa lɔ'n, ɔ ´nian-an, i wa bla'n ɔ'a fite ɔ'a bɛ i atin kpalɛ. Ɔ ´ba'n, wuun ɔ ´bo klɛn ´si able. Zɛfte i wa ng'ɔ lɛ i yɛ ɔ o lɛ-ɔ. Zɛfte lɛ-man ba yasua fi, ɔ lɛ-man ba bla uflɛ fi.

Jɔlɛ Difuɛ Mun 20:1

Izraɛlfuɛ'm bɔ be o kan ɔ fɛ i Dan b'ɔ o nglo lɔ'n b'ɔ fa ju Beɛr-Seba b'ɔ o ngua lɔ'n, be kwlaa be bali. Be nga be o Galaad b'ɔ o wia afiliɛ lɔ'n be bali wie. Bé nuan yoli kun be yiali Anannganman nyrun Mizpa lɔ.

1 Samiɛl 10:17

Samiɛl yiali Izraɛlfuɛ mun Mizpa lɔ Anannganman sua'n nun lɔ.

1 Samiɛl 11:15

Izraɛlfuɛ'm be kwlakwla be sua bé wun ɔli Gilgal, nan b'a fa Sail b'a sie famiɛn Anannganman sua'n nun, kpɛkuun be yili bo kun yolɛ i su tɛ mannin Anannganman. Sail nin Izraɛlfuɛ'm be kwlaa be dili cɛn dan kpa.

1 Samiɛl 8:21

Samiɛl sieli i su tieli ndɛ nga Izraɛlfuɛ'm be kannin'n. Ɔ kan kleli Anannganman.