Jɔlɛ Difuɛ Mun 11:10 - NYANMIƐN NDƐ'N 1998

¹⁰ Yɛ be tɛli i su kɛ: «E kan Anannganman ti, sɛ y'a yo-man sɔ cɛ'n, man ɔ bu e fɔ.»

Jɔlɛ Difuɛ Mun 11:10 ပူးပေါင်းရင်းမြစ်များ

Bo Bolɛ 16:5

Yɛ Sarai seli Abram kɛ: «Fiaan nga be ´yo min lɛ'n, e sran nnyɔn'n yɛ be ´yo e lɛ-ɔ. M bɔbɔ min yɛ n fali min afanniɛn bla'n m mannin wɔ kɛ amun si sua nan ɔ `wunnzɛ-ɔ, kpɛkuun ɔ bu-man min like fi kun. Man Anannganman bɔbɔ di e nin wɔ e sran nnyɔn'n ye afiɛn jɔlɛ.»

Bo Bolɛ 21:23

I sɔ'n ti, fa Nyanmiɛn dunman'n fua kle min ndɛ kɛ a su yo-man m bɔbɔ annzɛ min mma mun, annzɛ min anunman mun e tɛ, nan kpa nga n fa yoli wɔ'n, a ´nian su yo min nin mín mɛn nga a o nun yɛ'n e wie.»

Bo Bolɛ 31:50

Sɛ a fa bla uflɛ nan a yo min mma'm be tɛtɛ'n, nian ɔ wun kpa, afin nán sran yɛ ɔ ti e afiɛn lalofuɛ-ɔ, Nyanmiɛn-ɔn.

Bo Bolɛ 31:53

Man Abraam nin Nakɔr be Nyanmiɛn'n ɔ yo ye afiɛn ndɛ siesiefuɛ.» Yɛ Zakɔb fali Nyanmiɛn nga i si Izaak sro i'n i dunman'n tali nda-a.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Zeremi 29:23

Sa ti b'ɔ ´yo sɔ'n yɛlɛ kɛ be boli tete Izraɛl nvle'n nun. Be kunndɛli be wiengu'm bé yi mun, yɛ m'an sunman-man be kpɛkuun be ɔli kɛ be su ijɔ mín nuan. N si i kwlakwla ng'ɔ o lɛ'n nun, ɔ yoli min nyrun.› » Anannganman'n yɛ ɔ kan sɔ-ɔ.

Zeremi 42:5

Be kusu be waan: «Anannganman'n ti e lalofuɛ. Sa nga i waan e `yo'n, sɛ i yolɛ ti kekle o, sɛ ɔ ti pɔpɔ o, kɛ e bɔbɔ y'a se wɔ kɛ a wun i wun man e yɛ'n, san i yolɛ cɛ yɛ e ´yo-ɔ. E ´yo nga Anannganman e Nyanmiɛn'n kan'n nan y'a di alaje.»

Mise 1:2

Nvle-nvlefuɛ mun, amun kwlaa amun `sie amun su `tie. Asiɛ, a nin be nga be tran ɔ su'n be kwlaa amun `sie amún su kpa! Anannganman'n fin i tranwlɛ lɔ ´ba, ɔ nin amun be wa yia nun.

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

2 Korɛntfuɛ Mun 11:31

E Min Jésus i Si Nyanmiɛn bɔ be bo i dunman tititi'n, ɔ si kɛ m bua-man ato.

Mmla'n 1:16

Yɛ n seli amun jɔlɛ difuɛ'm be kɛ: Sɛ ndɛ tɔ amun niaan'm be afiɛn nan be wa kan kle amun'n, amun `tie be ndɛ'n. Sɛ be ti sran nnyɔn'n nan kun ti Izraɛlfuɛ o, nan kun ekun'n ti aofuɛ o, amun `di be ndɛ mun nanwlɛ su.

Jɔlɛ Difuɛ Mun 11:9

Zɛfte seli be kɛ: «?Amun waan, sɛ e nin amun e kɔ nan e nin Amɔnfuɛ mun e ko kun nan Anannganman yi be man min'n, min yɛ n ´yo amun kpɛn-ɔn?»

1 Samiɛl 12:5

Yɛ Samiɛl waan: «?Nán Anannganman ɔ nin famiɛn'n b'ɔ sieli'n be nyrun yɛ amun waan m'an yo-man amun sa fi yɛ?» Be waan: «Ɛɛn be nyrun-ɔn.»

1 Samiɛl 24:12

Nannan, ɔ li nian. Ɔ tralɛ'n i nuan njɔlɛ'n yɛ ɔ o mín sa nun yɛ. N kpɛli ɔ tralɛ nuan njɔlɛ sanngɛ m'an kun-man wɔ. ?Kɛlɛ sɛ m bu ɔ́ wun akunndan tɛ'n, sɛ n waan n ´yo nyin kekle ɔ́ su'n, wuun kɛ n ´yo sɔ-ɔ? M'an yo-man wɔ tɛ. Sanngɛ kpɛkuun kunlɛ cɛ yɛ ɔ waan a ´kun min-ɔn, i ti a su mín su sa cɔcɔcɔ.