Jɔlɛ Difuɛ Mun 10:6 - NYANMIƐN NDƐ'N 1998

⁶ Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.

Jɔlɛ Difuɛ Mun 10:6 ပူးပေါင်းရင်းမြစ်များ

1 Famiɛn Mun 11:33

Sa ti bɔ n ´yo sɔ'n, yɛlɛ kɛ be kacili be sin sili min, be ko sɔli Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. B'a fa-man min atin'n su b'a yo-man nga n klo i'n. B'a fa-man min mmla fanunfanun'm bé su kɛ Salomɔn i si David liɛ'n sa,

1 Famiɛn Mun 11:5

Salomɔn ko sɔli Sidɔnfuɛ'm be amuɛn bɔ be flɛ i Astarte'n, ɔ nin Amɔnfuɛ'm be amuɛn nga be flɛ i Milkɔm'n. Amɔnfuɛ'm be amuɛn sɔ'n ti tete like dan .

1 Famiɛn Mun 11:7

Salomɔn kplannin sraka yiwlɛ lika kun oka ng'ɔ o Zerizalɛm i ndɛnman lɛ'n i su. Ɔ kplan mannin Moabfuɛ'm be amuɛn bɔ be flɛ i Kɛmɔs'n. Amuɛn sɔ'n ti tete like dan. Ɔ kplannin kun ekun mannin Amɔnfuɛ'm be amuɛn bɔ be flɛ i Mɔlɔk'n. I kusu ti tete like dan.

1 Famiɛn Mun 16:31

Nɛbat i wa Zeroboam i sa tɛ b'ɔ yoli'n, i kunngba'n yɛ ɔ yoli-ɔ. Ɔ'a ka-man ng'ɔ o lɛ'n su, ɔ jali Ɛtbaal b'ɔ ti Sidɔnfuɛ'm be famiɛn'n i wa bla bɔ be flɛ i Zezabɛl'n, kpɛkuun ɔ ko kotoli Baal bo, yɛ ɔ sɔli i.

2 Famiɛn Mun 17:16

Be yili Anannganman be Nyanmiɛn'n i ndɛ'n kwlaa i ase. Be kloli sika ɔkwlɛ be fa yoli nannin ba nnyɔn. Be takali waka nga bɔ be sɔ'n, be suli nglo lɔ ninnge'm be kwlaa. Be suli Baal.

2 Famiɛn Mun 23:13

Sraka yiwlɛ lika'n bɔ be o Zerizalɛm ndɛnman'n, bɔ Salomɔn b'ɔ ti Izraɛl famiɛn'n kplannin be Olivie Oka'n su'n, Zozias sacili be. Salomɔn kplannin amuɛn sua sɔ mun mannin Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. Amuɛn sɔ'm be kwlaa be ti tete like ngunmin.

2 Be Nyoliɛ 28:23

Damas amuɛn mun bɔ be ti yɛ man ɔ'a nyan-man jranwlɛ'n, ɔ yili sraka mannin be, afin ɔ seli i wun kɛ: «Siri famiɛn'm be like nga be jran bé sin'n, n ´sɔ be wie nan be jran min sin wie.» Sanngɛ amuɛn sɔ'm be yɛ man Akaz nin Izraɛlfuɛ'm be tɔli mlɔnmlɔn nin-ɔn.

Jue Mun 106:36

Be amuɛn nga be sɔ be'n, be ko sɔli wie. I sɔ amuɛn liɛ'm be kacili kɛ aya sa mannin be.

Ezai 23:4

Sidɔn klɔ, ɔ bɔ a ti jenvie i sasalɛ like'n, man nyannzuɛn kun wɔ. Sɛ jenvie'n ti sran'n, wuun n ´se kɛ i waan: «N klun ɔ'a yo-man min ya, m'an wu-man ba, m'an ta-man ba yasua, m'an ta-man ba bla.»

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Ezekiɛl 27:16

Edɔmfuɛ'm be to ɔ́ sa nun trɔ kpanngban, yɛ be fa emɛrɔd, nin tannin ɔkwlɛ kankankan, nin tannin bɔ be di i nuan aba'n, nin lɛn tannin kplɔkɔɔ, nin kɔrail, ɔ nin ribi, be fa be ba atɛ ɔ gua'm be bo.

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 31:16

Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Mmla'n 31:17

Kɛ be ko yo sɔ'n, n wa fa ya bé wun, n ´yi be ase, n ´kaci mín sin n ´si be. Nvle kun nga'm be ´nunnun be. Sa yalɛ sunman kpa nin nyrɛnnɛn sa'm be wa tɔ bé su. Kpɛkuun be wa wun i wlɛ kɛ Nyanmiɛn b'ɔ nun-man be afiɛn'n i ti yɛ sa sɔ'm be tɔ bé su nin-ɔn.

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Zozie 13:31

Galaad mɛn'n i bue, ɔ nin Astarɔt klɔ'n nin Edrei klɔ'n, be fa lika sɔ'n kwlaa mannin Manase akpasua nga bé nannan yɛlɛ Makir'n. Astarɔt nin Edrei be ti Bazan mɛn'n i famiɛn'n bɔ be flɛ i Ɔg'n i famiɛn klɔ mun.

Jɔlɛ Difuɛ Mun 10:5

Zair ɔ wa wuli nan b'a sie i Kamɔn lɔ.

Jɔlɛ Difuɛ Mun 11:24

?Lika nga Kɛmɔs b'ɔ ti wɔ amuɛn'n fa man wɔ kɛ a tran nun'n, nɛ́n i yɛ a tran nun-ɔn? ?Yɛ e li yɛ lika kwlaa nga Anannganman b'ɔ ti e Nyanmiɛn'n fa man e kɛ e tran nun'n yɛ e su tran-man nun-ɔn?

Jɔlɛ Difuɛ Mun 13:1

Izraɛlfuɛ'm be yoli like nga Anannganman klo-mɛn i ekun. Yɛ Anannganman fali be wlɛli i Filistifuɛ'm be sa nun afuɛ ablanan.

Jɔlɛ Difuɛ Mun 16:23

Le kun Filisti kpɛnngbɛn'm be yiali kɛ be ´yi tɛ be man be amuɛn bɔ be flɛ i Dagɔn'n, nan be ´di Samsɔn i tralɛ'n i ti cɛn. Be waan: «Ye amuɛn'n yili Samsɔn b'ɔ ti e kpɔfuɛ'n wlali e sa nun.»

Jɔlɛ Difuɛ Mun 3:7

Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.

Jɔlɛ Difuɛ Mun 4:1

Kɛ Eid wuli'n, Izraɛlfuɛ'm be wa yoli like nga Anannganman klo-mɛn i ekun.

Jɔlɛ Difuɛ Mun 6:1

Izraɛlfuɛ'm be yoli like nga Anannganman klo-mɛn i ekun, nan Anannganman ɔ'a fa be a wlɛ i Madianfuɛ'm bé sa nun afuɛ nso.

Jɔlɛ Difuɛ Mun 8:33

Kɛ Zedeɔn wuli'n, Izraɛlfuɛ'm be sali bé sin be ko sɔli Baal. Be takali Baal-Bɛrit, ɔ yoli be amuɛn yɛ be sɔ-ɔ.

1 Samiɛl 5:2

Be fali Nyanmiɛn i alaka'n be wluli be amuɛn nga be flɛ Dagɔn'n i sua'n nun. Be sieli i Dagɔn wun lɛ.