Jɔlɛ Difuɛ Mun 10:4 - NYANMIƐN NDƐ'N 1998

⁴ Ɔ wuli ba yasua ablasan. Be lɛ be aflunmun ablasan yɛ be fu su-ɔ. Be lɛ klɔ ablasan Galaad nvle'n nun lɔ. Lele ndɛ be tɛ flɛ be kɛ Zair klɔ.

Jɔlɛ Difuɛ Mun 10:4 ပူးပေါင်းရင်းမြစ်များ

2 Samiɛl 16:2

Famiɛn'n usɛli i kɛ: «?A wa yo nga sɛ?» Ziba waan: «Aflunmun'm be ti a nin ɔ osufuɛ mun amun liɛ, amun `fu be su. Kpaun nin wawa nun waka mma'n be ti dilɛ liɛ, gbanflɛn'm be liɛ-ɔ. Nzan'n ti be nga aawlɛ flɛnnɛn'n nun nantilɛ'n ɔ man b'a fɛ'n be liɛ.»

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Kalɛ 32:41

Zair b'ɔ ti Manase i wa kun ekun'n, i osu nunfuɛ'm be ko fali Amɔrfuɛ'm be klɔ kanngan mun, nan b'a flɛ be kɛ «Zair i klɔ mun.»

Mmla'n 3:14

Manase i wa Zair i osu nunfuɛ'm be fali Argɔb lika wunmuan'n Bazan lika'n nun lɔ lele kpɛn Gesirfuɛ mun nin Maakatfuɛ'm be awɛ'n su. Be fali be dunman sieli lɛ klɔ'm be su. Be flɛ be kɛ Zair klɔ, lele ndɛ be tɛ flɛ be sɔ.

Jɔlɛ Difuɛ Mun 10:3

Sran ng'ɔ sinnin Tola i ajalɛ nun'n yɛlɛ Zair b'ɔ fin Galaad'n. Ɔ sieli Izraɛl afuɛ ablaɔn-nin-nnyɔn.

Jɔlɛ Difuɛ Mun 10:5

Zair ɔ wa wuli nan b'a sie i Kamɔn lɔ.

Jɔlɛ Difuɛ Mun 12:14

Ɔ wuli ba ablanan yɛ i anunman'm be ti ablasan. Be lɛ be aflunmun ableso yɛ be fu be su-ɔ. Ilɛl i wa Abdɔn yoli Izraɛlfuɛ'm be jɔlɛ difuɛ afuɛ mɔcuɛ nan ɔ'a wu. Be sieli i Piratɔn b'ɔ o Efraim nvle'n nun lɔ, Amalɛk oka'n su.

Jɔlɛ Difuɛ Mun 5:10

Amun nga be fu aflunmun ufue'm bé su'n, amun nga amun tran tapi nglanman'm bé su'n, ɔ nin amun nga amun kɔ atin sin'n, amun `to jue be manman Anannganman'n.