Jɔlɛ Difuɛ Mun 10:16 - NYANMIƐN NDƐ'N 1998

¹⁶ Be guali nvle uflɛ'm be amuɛn ng'ɔ o be sa nun'n be blo, kpɛkuun be suli Anannganman. Kɛ Anannganman wunnin i sɔ'n, ɔ yaci be nyrɛnnɛn nun-ɔn, ɔ yo-man ye.

Jɔlɛ Difuɛ Mun 10:16 ပူးပေါင်းရင်းမြစ်များ

Bo Bolɛ 6:6

Ɔ yoli Anannganman i ya dan, i sran yilɛ b'ɔ yili'n, ɔ yoli i nsisɔ.

2 Famiɛn Mun 13:23

Sanngɛ Anannganman sili be aunnvuɛ, yɛ aenguɛ b'ɔ nin Abraam, nin Izaak, ɔ nin Zakɔb be trali'n ti ɔ'a nunnun-man be, ɔ yacili bé wun sa'n cɛli be. Ɔ'a fuan-man be lele yɛ ɔ'a fa ju yɛ.

2 Be Nyoliɛ 15:8

Kɛ Aza tili ndɛ nga Obɛd wa Azaria b'ɔ ti Nyanmiɛn nuan ijɔfuɛ'n kannin'n, ɔ trɛli i anwlɛn fi. Ɔ nunnunnin tete ninnge nga be o Zida mɛn wunmuan'n nun'n nin Bɛnzamɛn mɛn wunmuan'n nun'n. Ɔ yoli sa kunngba sɔ'n klɔ ng'ɔ fali be Efraim oka-oka lika'm be nun lɔ'n be su wie. I sin'n, Anannganman i sɔwlɛ'n b'ɔ jin Anannganman bɔbɔ i sua'n nyrun lɛ'n, ɔ siesieli i ye.

2 Be Nyoliɛ 33:15

Amuɛn mun nin amuɛn kun wie b'ɔ fali be sieli Anannganman i sua'n nun lɔ'n, ɔ yili be lɔ. Amuɛn sɔwlɛ ng'ɔ kplannin be oka nga Anannganman i sua'n wo su'n i su'n, ɔ nin ng'ɔ kplannin be Zerizalɛm klɔ'n nun'n, ɔ bubuli be kwlaa'n. Ɔ ko guali be buebue'n blo klɔ'n sin lɔ.

2 Be Nyoliɛ 7:14

amun bɔ amun ti min nvle nunfuɛ'm bɔ min dunman'n wo amun su'n, sɛ amun kan amun wun ase'n, sɛ amun srɛ min'n, sɛ amun fa amun wun mantan min'n, yɛ sɛ amun yaci amun nzuɛn tɛtɛ'n, kɛ n wo nyanmiɛn su lɔ'n, n ´sie min su n ´tie amun srɛlɛ'n. N ´yaci amún wun sa mun n ´cɛ amun, yɛ n ´yo man amun mɛn'n ´yo kpa sin i osu laa'n nun.

Jue Mun 73:21

I nun bɔ sa sɔ'm be ´yo min ya fiaan'n, bɔ min anwlɛn'n ´be min klun'n,

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Ndɛ Nga Nyanmiɛn I Nuan Ijɔfuɛ Oze Kannin'n 14:8

Be nga be ti min liɛ'n, sɛ n ´kwla se'n be wa tran min fɔnvɔ'n bo, be wa lua ble mma, be ´nyin kɛ vinyi sa, be dunman'n ´fu kɛ Liban nzan'n sa.

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

JÉSUS-CHRIST I DYASIN FE'N BO LUC KLELI'N 15:20

Ɔ jao ɔli i si sin. Kɛ ɔ ´kɔ b'ɔ wa ju lɔ bɔ i si wunnin i mmua lɔ'n, ɔ yoli i annvɔ nan ɔ'a wanndi a ko tɔ i nun.

JÉSUS-CHRIST I DYASIN FE'N BO LUC KLELI'N 19:41

Kɛ be wa ju klɔ lɔ bɔ Jésus wunnin klɔ'n, ɔ sunnin,

Jean 11:34

Ɔ usali be kɛ: «?An sieli i nin?» Be seli i kɛ: «Nannan, bla wa nian.»

Efɛzfuɛ Mun 4:32

An `yo amún wun ye, an `si amún wun aunnvuɛ, sa nga amun wiengu yo amun'n, an `yaci cɛ i kɛ Nyanmiɛn kusu yaci sa nga an yoli i'n cɛli amun Krist ti'n sa.

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Hébreu 3:10

I sɔ'n ti yɛ n fali ya sran sɔ'm bé wun nin-ɔn. N seli kɛ: ‹Be ti sran bɔ be akunndan'n tran-man lika kun, yɛ be si-man min nzuɛn'n mlɔnmlɔn.›

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

Zozie 24:23

Yɛ Zozie seli be kɛ: «Amun `gua amuɛn nga be o amún sa nun'n be blo nan amun `fa amún wun mantan Anannganman b'ɔ ti Izraɛl Nyanmiɛn'n.»

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

1 Samiɛl 12:10

Be kpan flɛli Anannganman ekun, be waan: ‹Y'a yo tɛ. E yacili Anannganman lɛ e ko sɔli Baal nin Astarte mun. De ye e kpɔfuɛ'm bé sa nun nan e ´su wɔ.›

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»

1 Samiɛl 7:4

Yɛ Izraɛlfuɛ'm be guali amuɛn nga be flɛ be Baal nin Astarte'm be blo nan b'a su Anannganman i kunngba.