Jɔlɛ Difuɛ Mun 1:6 - NYANMIƐN NDƐ'N 1998

⁶ Adɔni-Bezɛk wanndili. Be suli i su be ko trɛli i, nan b'a kpɛkpɛ i sama kokotre nin i ja mma kokotre'n,

Jɔlɛ Difuɛ Mun 1:6 ပူးပေါင်းရင်းမြစ်များ

Ɛstɛr 8:12

Cɛn kunngba yɛ famiɛn Asieris sieli i kɛ be `yo sɔ i mɛn'n i akpasua-akpasua kwlaa su-ɔ. Cɛn sɔ'n yɛlɛ Adar anglo b'ɔ ti anglo blu-nin-nnyɔn su'n i le blu-nin-nsan'n.

Jue Mun 107:40

Nyanmiɛn'n kuakua be wlengbi mun. Ɔ yo man be wlan aawlɛ flɛnnɛn bɔ atin nun-man nun'n i nun sa daan.

Jue Mun 149:8

Man be fa jrɔkɔ ci famiɛn mun. Man bé bo famiɛn'm be mantanfuɛ'm bé kpaun.

Jue Mun 59:11

Min Nyanmiɛn bɔ i klun ti ufue'n, ɔ ´wunnge min wun wa. Ɔ wa yo man kɛ min kpɔfuɛ'm be ´tɔ'n, n ´wun nun.

Ezipt Lɔ Tulɛ'n 14:26

Anannganman seli Moiz kɛ: «Tinngɛ ɔ́ sa'n nzue'n su nan ɔ yi sin i osu'n nun man ɔ kata Eziptfuɛ'm be nin be kakaklolo mun, ɔ nin be nnɛn kpanngɔ su fufuɛ'm be su.»

Ezipt Lɔ Tulɛ'n 21:24

Sɛ ɔ bo sran kun nyinma'n, be `bo i liɛ'n wie sie i osu. Sɛ ɔ tu sran kun je'n, be `tu i liɛ'n wie sie i osu. Sɛ ɔ bu sran wie sa'n, be `bu i liɛ'n wie sie i osu. Sɛ ɔ bu sran wie ja'n, be bu i liɛ wie sie i osu.

Ezipt Lɔ Tulɛ'n 29:20

I sin kpɛ bua nene'n i kɔmin, sɔ i mmoja'n gua like kun nun, fɛ i mmoja sɔ'n wie klikli Aarɔn nin i mma'm bé su fama'm be pɛkɛpɛkɛ'n su, fa wie ekun klikli bé sama kokotre fama'm be su, yɛ fa wie ekun klikli bé ja mma kokotre fama'n be su. Kpɛkuun mmoja ng'ɔ ka lɛ'n, fa guagua min sɔwlɛ'n i nuan'n su tɛɛn sin yiɛ i.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Zeremi 50:15

Amun `bo sin yiɛ i nan amun `kpan alɛ kpanlɛ. An `nian, ɔ'a mɛn i sa'n su. I sasawlɛ sua'm be su bu be gua. I klɔ wun talɛ'n ɔ'a wie bu. Anannganman'n su tu i klunngbɔ. An `tu amun klunngbɔ be guɛ i su. Sa ng'ɔ fa yo sran mun'n, an `fa yo i wie.

Zozie 15:16

Kalɛb tali nda, i waan ɔ ´fɛ i wa bla Aksa man sran ng'ɔ ´kwla Kirzat-Sefɛrfuɛ mun'n.

Jɔlɛ Difuɛ Mun 1:5

Be toli Adɔni-Bezɛk lɛ. Be nin i be kunnin. Be kwlali Kanaanfuɛ nin Ferezfuɛ mun.

Jɔlɛ Difuɛ Mun 1:7

kpɛkuun Adɔni-Bezɛk seli kɛ: «N kpɛkpɛli famiɛn ableso bé sama kokotre nin bé ja mma kokotre mun. Tabli nga n di su like'n, be o i bo yɛ aliɛ ng'ɔ flo mín sa nun tɔ'n yɛ be isa be di-ɔ. Nga n yoli'n yɛ Nyanmiɛn ɔ'a yi ɔ'a man min yɛ.» Be fɛli i bali Zerizalɛm, lɛ yɛ ɔ wa wuli-ɔ.