Jɔlɛ Difuɛ Mun 1:27 - NYANMIƐN NDƐ'N 1998

²⁷ Manase i akpasua'n su sran'm b'a fuan-man Bɛt-Sean nin i asa'n su sran mun, nin Tanak nin i asa'n su sran mun, nin Dɔr nin i asa'n su sran mun, nin Zibleam nin i asa'n su sran mun, nin Megido nin i asa'n su sran mun. Kanaanfuɛ sɔ'm be kali lɛ.

Jɔlɛ Difuɛ Mun 1:27 ပူးပေါင်းရင်းမြစ်များ

2 Famiɛn Mun 23:29

I blɛ su'n, Ezipt famiɛn'n bɔ be flɛ i Neko'n fɛli i alɛ mma mun ɔli Efrat nzue ba'n i bue liɛ'n su lɔ Asiri famiɛn'n i ukalɛ. Famiɛn Zozias ɔli ko buli i nyrun Megido lɔ. Kɛ Ezipt famiɛn'n wunnin Zozias cɛ'n, yɛ ɔ kunnin i-ɔ.

2 Famiɛn Mun 9:27

Kɛ Akazia b'ɔ ti Zida famiɛn'n wunnin i sɔ'n, ɔ fali fie'n su atin'n, i kɔlɛ nun-ɔn. Zei suli i su. I waan: «Amun `kun i wie, amun `kun i kakaklolo'n nun.» Kɛ be juli Gir kpɔlɛ'n su Zibleam wun koko lɔ'n yɛ bé sa kɛnnin i-ɔ, sanngɛ ɔ wanndi ɔli Megido lɔ, lɔ yɛ ɔ ko wuli-ɔ.

Ezipt Lɔ Tulɛ'n 23:32

Nán amun nin be tra aenguɛ, nán amun fa be amuɛn mun.

Zeremi 48:10

Sran ng'ɔ fa nvɛɛ yo Anannganman i junman'n, i yako! Sran ng'ɔ se kɛ yoo: ‹Kɛ n `tra kaka'n nun n `kun be'n ɔ yo min ya'n.› I sɔ sran liɛ'n b'ɔ se sɔ'n i yako!

Mmla'n 7:2

Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.

Zozie 21:25

Manase i akpasua bue ng'ɔ o wia afiliɛ lɛ lika nun'n be nyannin klɔ dandan nnyɔn lɔ ekun, be yɛlɛ Tanak ɔ nin Zibleam ɔ nin nnɛn didiwlɛ mun.

Jɔlɛ Difuɛ Mun 1:1

Kɛ Zozie wuli'n, Izraɛlfuɛ'm be usali Anannganman kɛ: «?E nun akpasua onin yɛ ɔ nin Kanaanfuɛ'm be ´dun mmua ko kun-ɔn?»

Jɔlɛ Difuɛ Mun 1:21

Bɛnzamɛn i osu nun sran'm b'a fuan-man Zɛbisfuɛ nga be tran Zerizalɛm lɛ'n. Ɔ man lele ndɛ Zɛbisfuɛ'm be nin be yɛ be o Zerizalɛm lɛ-ɔ.

Jɔlɛ Difuɛ Mun 1:26

Bian sɔ'n ɔ ɔli Ɛtfuɛ'm be mɛn'n nun ko kplannin klɔ kun nan ɔ'a tɔn i dunman Liz. Be tɛ flɛ i sɔ lele ndɛ.

Jɔlɛ Difuɛ Mun 1:28

Kɛ Izraɛlfuɛ'm be wa nyannin fanngan'n, be miannin Kanaanfuɛ mun kɛ be di junman man be. B'a fuan-man be.

Jɔlɛ Difuɛ Mun 5:19

Famiɛn'm be bali, Kanaan famiɛn'm be wa kunnin alɛ'n Tanak ɔ nin Megido nzue ti'm bé wun lɛ lele ngbɛn. B'a nyan-man be kpɔfuɛ'm bé bo like fi mlɔnmlɔn nan se kɛ sika yɛ be ´nyɛn i-ɔ.

1 Samiɛl 15:9

Sail nin i sa nun sran'm be yacili Agag lɛ. Nannin kpakpa mun, nin bua kpakpa mun, nin nnɛn nin nannin ba nga b'a lo mun, nin ninnge nga be ti kpa mun be yacili be lɛ, b'a saci-man be. San nga bɔ be bɔn-man like fi'n, bɔ be fa-a, ɔ fa-man'n, yɛ be nunnunnin be-ɔ.

1 Samiɛl 31:10

I sin, be sieli ninnge sɔ mun amuɛn nga be flɛ i Astarte'n i sua'n nun. Kpɛkuun be fali Sail i fuɛn'n be boboli i talɛ ng'ɔ sisi Bɛt-Sean klɔ'n wun'n su.