Jɔlɛ Difuɛ Mun 1:26 - NYANMIƐN NDƐ'N 1998

²⁶ Bian sɔ'n ɔ ɔli Ɛtfuɛ'm be mɛn'n nun ko kplannin klɔ kun nan ɔ'a tɔn i dunman Liz. Be tɛ flɛ i sɔ lele ndɛ.

Jɔlɛ Difuɛ Mun 1:26 ပူးပေါင်းရင်းမြစ်များ

2 Famiɛn Mun 7:6

Kannzu Anannganman man nganniɛn wie tɛli Sirifuɛ'm be nanmue'n nun lɔ. Nganniɛn sɔ'n ti kɛ alɛ kunfuɛ kpanngban kpa wie be kakaklolo mun, ɔ nin be nnɛn kpanngɔ'm be nganniɛn sa. Yɛ Sirifuɛ'm be seli kɛ: «Kɛlɛ, Izraɛl famiɛn'n ɔ'a ko yia Ɛtfuɛ mun nin Eziptfuɛ'm be famiɛn mun kɛ be nin ye wa kun!»

2 Be Nyoliɛ 1:17

Aata difuɛ sɔ'n be to kakaklolo kun Ezipt lɔ jɛtɛ ufue ya nsiɛn, yɛ be to nnɛn kpanngɔ kun jɛtɛ ufue ya kun jɛtɛ ufue ablenun. Aata difuɛ kunngba sɔ'n be to wie blɛ Ɛtfuɛ'm be famiɛn mun nin Sirifuɛ'm be famiɛn mun.

Jɔlɛ Difuɛ Mun 1:25

Yɛ ɔ kleli be-ɔ. Efraim nin Manase be osu'n nun sran mun bɔ be ti Zozɛf i akpasua sufuɛ'n, be kunnin klɔ'n nun sran'm be kwlaa, san bian sɔ'n nin i osufuɛ mun yɛ be yacili be lɛ-ɔ.

Jɔlɛ Difuɛ Mun 1:27

Manase i akpasua'n su sran'm b'a fuan-man Bɛt-Sean nin i asa'n su sran mun, nin Tanak nin i asa'n su sran mun, nin Dɔr nin i asa'n su sran mun, nin Zibleam nin i asa'n su sran mun, nin Megido nin i asa'n su sran mun. Kanaanfuɛ sɔ'm be kali lɛ.