Jɔlɛ Difuɛ Mun 1:20 - NYANMIƐN NDƐ'N 1998

²⁰ Be fali Ebrɔn klɔ'n be mannin Kalɛb kɛ Moiz kan kleli be'n sa . I sɔ'n ti, Kalɛb fuannin Anak i mma nsan'm be akpasua su sran mun.

Jɔlɛ Difuɛ Mun 1:20 ပူးပေါင်းရင်းမြစ်များ

Kalɛ 13:22

Be ´kɔ'n, be sinnin ngua lɔ lika'n nun, be ɔli lele be juli Ebrɔn, kan Anak i mma Aiman nin Sesai, ɔ nin Talmai be osu'n nunfuɛ'm be tran lɛ'n. Ba sɔ'm be ti blamiɛn. Sran nga be kplannin Ebrɔn klɔ'n be dun mmua kplannin ɔ dili afuɛ nso kwlaa nan sran uflɛ'm b'a kplan Zɔan b'ɔ wo Ezipt lɔ'n.

Kalɛ 14:24

Kɛ bɔ min sufuɛ Kalɛb fali akunndan kpa, b'ɔ yoli min klun sa'n ti, i liɛ'n, n ´yo man lika nga i ja tiali lɔ lɛ'n, ɔ ´kaci i ɔ nin i mma'm be liɛ .

Mmla'n 1:36

Sanngɛ Zɛfine i wa Kalɛb i liɛ'n, ɔ ´wun mɛn sɔ'n. Kɛ bɔ ɔ'a kpɔci-man min'n ti'n, lika ng'ɔ sinnin lɛ'n, n ´fa mɛn i nin i mma mun.›

Zozie 10:36

Kɛ Zozie nin Izraɛlfuɛ'm be fɛ i Eglɔn lɛ'n be ɔli Ebrɔn. Be fali alɛ'n wlali klɔfuɛ'm bé sin,

Zozie 11:21

I blɛ kunngba'n nun, Zozie nin Anakfuɛ nga be tran oka'm be su Ebrɔn lɔ'n, nin Debir lɔ'n, ɔ nin Anab lɔ'n, nin Zida'n, ɔ nin Izraɛl oka-oka lika'm be nun'n be kunnin. Ɔ nunnunnin be klɔ'n mlɔnmlɔnmlɔn.

Zozie 14:15

Laa, Ebrɔn i dunman yɛlɛ Kirzat-Arba. I bo kle kɛ: Arba klɔ. Laa Anakfuɛ'm be nun'n, Arba yɛ ɔ lɛ nyrun tra be kwlaa-a. Kɛ ɔ yoli sɔ'n, lika'n tɔli bliin, Izraɛlfuɛ'm be deli wunmiɛn alɛ kunlɛ nun.

Jɔlɛ Difuɛ Mun 1:10

I sin ekun be nin Kanaanfuɛ nga be tran Ebrɔn'n be kunnin. Laa Ebrɔn i dunman yɛlɛ Kirzat-Arba. Zida akpasua'n su sran'm be nin be kunnin nan b'a kwla Sesai, nin Aiman, ɔ nin Talmai.