Jɔlɛ Difuɛ Mun 1:18 - NYANMIƐN NDƐ'N 1998

^18-19 Anannganman ukali Zida i akpasua'n su sran mun ɔ man be fali oka-oka lika mun. Be fali Gaza klɔ'n, nin Askalɔn klɔ'n, nin Ekrɔn klɔ'n ɔ nin be asa'n su lika mun. Be nga be tran jenvie nuan'n be lɛ blalɛ kakaklolo. I sɔ'n ti, Zida akpasua su sran'm b'a kwla fuan-man be.

Jɔlɛ Difuɛ Mun 1:18 ပူးပေါင်းရင်းမြစ်များ

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Zeremi 25:20

N fa mannin Ezipt lɔ nvle fanunfanun'm be nunfuɛ mun. N fa mannin Iz mɛn nun lɔ famiɛn'n be kwlakwla. N fa mannin Filisti mɛn'n nun lɔ famiɛn'm be kwlakwla, i Askalɔn lɔ liɛ mun o, nin Gaza lɔ liɛ mun o, nin Ekrɔn lɔ liɛ mun o, ɔ nin Asdɔd mɛn nunfuɛ'n be onga nga be ka'n.

Zeremi 47:5

Gaza lɔ sran'm b'a kpu bé ti'n su, afin sɛ o be su. Askalɔn nin lika nga be mɛntɛn i lɛ'm be nun ɔ'a tɔ srolo! N se kɛ yoo: ‹Nan sɛ'n b'ɔ o amun su'n ti amun ´bobo amun wun kannin sa tititi?

Mmla'n 2:23

Avafuɛ'm be kusu bɔ be tran Gaza bue liɛ'n su'n, sran wie'm be fin Kaftɔr be wa nunnunnin be, nan b'a tran be osu.

Zozie 11:22

Anakfuɛ ba kun sa ɔ'a ka-man Izraɛl mɛn'n nun san Gaza, nin Gat, ɔ nin Asdɔd lɔ yɛ wie kali-ɔ.

Zozie 13:3

b'ɔ fɛ i Ezipt nuan su, Siɔn nzue ba nuan'n, lele fa ju Ekrɔn b'ɔ o nglo lɔ lika nun'n. Lika sɔ'm be ka be wla Kanaan lika'n nun. Filistifuɛ'm be kpɛnngbɛn nnun'n: Gaza liɛ'n, Asdɔd liɛ'n, Askalɔn liɛ'n, Gat liɛ'n, ɔ nin Ekrɔn liɛ'n, lika sɔ'n ti be liɛ.

Zozie 15:11

Ɔ kɔ Ekrɔn klɔ'n i kongo'n i ndɛnman, ɔ bli Sikrɔn wun lɔ, kpɛkuun ɔ sin Baala oka wun lɛ kɔ Zabne lɔ lika nun, nan ɔ'a kpɛn Mediterane jenvie'n nuan lɔ.

Jɔlɛ Difuɛ Mun 14:19

Yɛ Anannganman i Wawɛ'n jrali i su-ɔ, nan ɔ'a ɔ Askalɔn lɔ ɔ'a ko kun sran ablasan. Ɔ fali bé bo ninnge mun, nan ɔ'a fa be wun tralɛ mun ɔ'a man be nga be tuli i taletale'n i bo'n. Ɔ fali ya dan kpa nan ɔ'a ɔ i si awlo.

Jɔlɛ Difuɛ Mun 16:21

Filistifuɛ'm be trɛli i, be boboli i nyinma nnyɔn'n, be fɛ i be ɔli Gaza. Be cili i nin aaba jrɔkɔ nnyɔn, yɛ be miɛnnin i kɛ ɔ kpɛ be bisua sua lɔ mannzin ng'ɔ si ble'n i wun.

Jɔlɛ Difuɛ Mun 3:3

Nvle sɔ mun yɛ: Filistifuɛ'm be famiɛn diwlɛ nnun mun, Kanaanfuɛ'm be kwlaa, ɔ nin Sidɔnfuɛ mun, ɔ nin Evfuɛ nga be o Liban oka-oka'n nun mun ɔ fɛ i Baal-Ɛrmɔn oka'n su lele fa ju Amat klɔ'n i wun lɔ.

1 Samiɛl 6:17

Putɛputɛ'n i ba nga Filistifuɛ'm be fa sika ɔkwlɛ be yoli'n, ɔ ti sa nga be yoli'n i ti kpatalɛ like. Be fa mannin Anannganman. Be nga be yoli mun be yɛ: Asdɔdfuɛ mun, Gazafuɛ mun, Askalɔnfuɛ mun, Gatfuɛ mun, yɛ Ekrɔnfuɛ mun. Klɔ kun su be yo kun klɔ kun su be yo kun.