Jɔlɛ Difuɛ Mun 1:16 - NYANMIƐN NDƐ'N 1998

¹⁶ Moiz i sia b'ɔ ti Kenfuɛ'n, i osu nunfuɛ mun ɔ nin Zida akpasua su sran'm be tuli be bo mme klɔ'n su lɛ. Be ɔli Zida aawlɛ flɛnnɛn b'ɔ o Arad i ngua lɔ'n nun, nan b'a tran lɛfuɛ'm be afiɛn.

Jɔlɛ Difuɛ Mun 1:16 ပူးပေါင်းရင်းမြစ်များ

1 Be Nyoliɛ 2:15

i nsiɛn su'n yɛlɛ Ɔzɛm, i nso su'n yɛlɛ David.

1 Be Nyoliɛ 2:55

ɔ nin akpasua nga be ti fluwa klɛfuɛ bɔ be tran Zaɛbɛz'n. Fluwa klɛfuɛ sɔ mun yɛlɛ Tireatfuɛ mun, nin Simeatfuɛ mun, ɔ nin Sikatfuɛ mun. Be ti kɛnfuɛ mun. Be ti Amat b'ɔ ti Rekabfuɛ'm be nannan'n i osu'n nunfuɛ mun.

2 Be Nyoliɛ 28:16

Blɛ sɔ nun'n, famiɛn Akaz seli Asiri famiɛn'n kɛ ɔ wa ukɛ i,

Ezipt Lɔ Tulɛ'n 18:1

Moiz i sia Zetro b'ɔ ti sraka yifuɛ Madian lɔ'n tili junman nga Anannganman Nyanmiɛn'n dili mannin Moiz nin Izraɛl b'ɔ ti i nvle'n be ndɛ'n. Ɔ tili i kɛ Anannganman fali Izraɛlfuɛ mun Ezipt lɔ bali.

Ezipt Lɔ Tulɛ'n 18:12

Zetro yili tɛ nga be yrɛ i nnɛn'n kɔlikɔli'n ɔ nin bo kun yolɛ i su tɛ mun. Ɔ yili be mannin Nyanmiɛn. Yɛ Zetro, nin Moiz, nin Aarɔn, ɔ nin Izraɛl kpɛnngbɛn'm be kwlaa be wa dili like Nyanmiɛn nyrun lɛ-ɔ.

Ezipt Lɔ Tulɛ'n 18:27

Moiz yoli i sia Zetro i blandɛ nan Zetro ɔ'a sɛ sin i mɛn'n nun.

Ezipt Lɔ Tulɛ'n 18:7

Nan Moiz ɔ'a ko kpa be atin. Ɔ kotoli Zetro nyrun nan ɔ'a tɔ be nun. Moiz tili be jasin, yɛ be bo kleli i-ɔ, yɛ Moiz kɛnnin i liɛ'n kle be-ɔ. I sin be ɔli Moiz i tannin sua'n nun lɔ.

Ezipt Lɔ Tulɛ'n 3:1

Moiz kɛnkɛn i sia Zetro b'ɔ ti Madian lɔ sraka yifuɛ'n i bua mun nin i boli mun. Cɛn kun ɔ kankannin nnɛn mun ɔli aawlɛ flɛnnɛn'n i sin lɔ, kpɛkuun ɔ ɔli Nyanmiɛn i oka nga be flɛ i Orɛb'n su lɔ.

Ezipt Lɔ Tulɛ'n 4:18

Moiz sɛli i sin i sia Zetro wun lɔ, ɔ seli i kɛ: «Ɔ fata kɛ n wɔ min niaan Izraɛlfuɛ nga be o Ezipt lɔ'n be osu nianlɛ. N ´ko nian sɛ be tɛ o nguan nun o.» Zetro seli Moiz kɛ: «N tili. Nanti ye o!»

Zeremi 35:2

«Kɔ ko to Rekab osu'n nunfuɛ mun, flɛ be man be nin wɔ be wɔ min sua'n nun lɔ sua ba'n kun nun nan `man be nzan man be nɔn.»

Kalɛ 21:1

Kanaan famiɛn b'ɔ tran Arad b'ɔ o mɛn i gua lɔ'n, ɔ tili i kɛ Izraɛlfuɛ'm b'a fa Atarim atin'n su be su ba. Ɔ nin be kunnin, kpɛkuun ɔ trali wie mun lomuɛn.

Matthieu 3:1

Blɛ sɔ'n nun'n, Zan b'ɔ ti batɛm yofuɛ'n bali, ɔ kan Nyanmiɛn ndɛ Zide aawlɛ flɛnnɛn nun lɔ.

Mmla'n 34:3

ɔ nin mɛn i ngua lɔ lika'n, ɔ nin Zeriko asa'n b'ɔ o Zurdɛn'n i kongo'n nun lɔ'n lele fa ju Zɔar'n. Zeriko i dunman kun ekun yɛlɛ Mme Klɔ.

Mmla'n 34:4

Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Zozie 12:14

Ɔrma, Arad,

Zozie 18:21

Klɔ dandan nga Bɛnzamɛn awlo'm be fali'n yɛlɛ Zeriko, Bɛt-Ɔgla, Emɛk-Keziz,

Jɔlɛ Difuɛ Mun 1:15

Yɛ ɔ tɛli i su kɛ: «Ɛɛn! Min waan n ´srɛ wɔ like. Min waan a man min nzue ti lika'n wie yɛlɛ kɛ lika nga a fa mannin min'n ti kee.» Yɛ Kalɛb fali nzue ti nga be o nglo lɔ ɔ nin nzue ti nga be o ngua wa'n mɛnnin i-ɔ.

Jɔlɛ Difuɛ Mun 3:13

Eglɔn fali Amɔnfuɛ nin Amalɛkfuɛ mun ukali i su nan ɔ nin Izraɛlfuɛ'm b'a ɔ kunlɛ. Be kwlali Izraɛlfuɛ mun, be fali Zeriko .

Jɔlɛ Difuɛ Mun 4:11

Ebɛr b'ɔ ti Kenfuɛ'n, ɔ nin Moiz i sia liɛ Ɔbab i osu'n nunfuɛ mun b'a kwla tran-man. Ɔbab ti Kenfuɛ'm be nannan. Ebɛr ko kplɛnnin i tannin sua liɛ'n Zananim lɔ Sɛni waka'n i wun lɔ, lika sɔ'n ɔ o Kedɛs klɔ i wun koko lɛ.

Jɔlɛ Difuɛ Mun 4:17

Kɛ ɔ ´yo sɔ'n, wuun Sizɛra ɔ ´wanndi i ja nun ´kɔ. Ɔ ko fiali Ebɛr b'ɔ ti Kenfuɛ'n i yi Zaɛl, i tannin sua'n i bo lɔ, afin Zabɛn b'ɔ ti Azɔr famiɛn'n ɔ nin Ebɛr b'ɔ ti Kenfuɛ'n i awlofuɛ'm be di anuansɛ.

1 Samiɛl 15:6

Yɛ ɔ seli Kenfuɛ'm be kɛ: «Amun `jaso Amalɛkfuɛ'm bé wun wa wɔ mmua. Sɛ ɔ'a yo-man sɔ-ɔ, ɔ cɛ-man nan m'an kun amun wie. Amun liɛ'n, kɛ Izraɛlfuɛ'm be fin Ezipt ´ba'n, amun yoli be kpa.» Yɛ Kenfuɛ'm be cuɛnnin bé wun-ɔn.

1 Samiɛl 27:10

Yɛ Akis a usɛ i kɛ: «?Ninfan yɛ amun kunnin alɛ'n ndɛ-ɔ?» Cɛn wie David waan: «Zida i ngua lika'n nun-ɔn.» Cɛn wie kusu i waan: «Zɛrakmeɛl i ngua lika'n nun,» annzɛ «Kenfuɛ'm be lika ng'ɔ o ngua lɔ'n.»

1 Samiɛl 30:29

nin Rakal klɔ'm be kpɛnngbɛn'm be wie. Ɔ ko mannin Zɛrakmeɛl, nin Kenfuɛ'm be klɔklɔ'm be su kpɛnngbɛn mun be wie.