Jɔlɛ Difuɛ Mun 1:1 - NYANMIƐN NDƐ'N 1998

¹ Kɛ Zozie wuli'n, Izraɛlfuɛ'm be usali Anannganman kɛ: «?E nun akpasua onin yɛ ɔ nin Kanaanfuɛ'm be ´dun mmua ko kun-ɔn?»

Jɔlɛ Difuɛ Mun 1:1 ပူးပေါင်းရင်းမြစ်များ

1 Famiɛn Mun 22:5

Zozafat seli Izraɛl famiɛn'n ekun kɛ: «Dun mmua usa Anannganman ka.»

Ezipt Lɔ Tulɛ'n 18:15

Moiz tɛli i sia'n su kɛ: «Sa nga ti yɛ n yo i sɔ'n yɛlɛ kɛ sran'm be ba mín sin nan be ´wun nun weiin kɛ Nyanmiɛn yɛ o bu be ndɛ mun ti-ɔ.

Ezipt Lɔ Tulɛ'n 28:30

Wɔ Moiz, fa ninnge nga be fa si min klun sa'n sie be jɔlɛ dilɛ pata kaan'n nun, i liɛ'n, blɛ bɔ Aarɔn o min nyrun'n, be ´trɛn i anwlɛn ba'n su tititi. Afin ɔ fata kɛ Aarɔn sua Izraɛlfuɛ'm be jɔlɛ mun i anwlɛn ba'n su tititi blɛ b'ɔ o min nyrun'n kɛ ɔ ´yo nan ɔ'a si min klun sa nga n yi i nglo Izraɛlfuɛ'm be lika'n ti.»

Kalɛ 27:21

Sanngɛ man i bɔbɔ wɔ min nyrun jranfuɛ Eleazar sin. I yɛ ɔ wa fa like nga be fa si min klun sa'n ´fa usa min klun sa mun ´mɛn i-ɔ. Zozie nin Izraɛlfuɛ'm be kwlaa be `fɛ i nuan ndɛ'n su sa kwlaa nun.»

Jɔlɛ Difuɛ Mun 1:27

Manase i akpasua'n su sran'm b'a fuan-man Bɛt-Sean nin i asa'n su sran mun, nin Tanak nin i asa'n su sran mun, nin Dɔr nin i asa'n su sran mun, nin Zibleam nin i asa'n su sran mun, nin Megido nin i asa'n su sran mun. Kanaanfuɛ sɔ'm be kali lɛ.

Jɔlɛ Difuɛ Mun 2:21

i ti n kpa'n, n fuan-man nvle nga Zozie ´wu'n ɔ yacili be lɛ'n be wie fi.

Jɔlɛ Difuɛ Mun 2:8

Nɛn i wa Zozie b'ɔ ti Anannganman i sufuɛ'n ɔ wa wuli. Kɛ ɔ ´wu'n, wuun ɔ lɛ afuɛ ya afuɛ blu.

Jɔlɛ Difuɛ Mun 2:9

Be sieli i Timnat-Erɛs lɔ lika nga be mɛnnin i'n nun Efraim oka b'ɔ o Gaas oka i nglo lɔ lika'n nun.

Jɔlɛ Difuɛ Mun 20:18

Be jasoli, be ɔli Betɛl yɛ be usali Nyanmiɛn sa, be waan: «?E nun onin yɛ ɔ ´dun mmua nin Bɛnzamɛnfuɛ'm be ´ko kun-ɔn?» Anannganman waan: «Man Zida akpasua'n yɛ ɔ dun mmua-a.»

Jɔlɛ Difuɛ Mun 20:23

Izraɛlfuɛ'm be dun mmua be ko sunnin Anannganman nyrun lele nnɔsua, be usali Anannganman sa. Be usɛli i kɛ: «?E nin e niaan Bɛnzamɛn i akpasua'n su sran mun e `kun ekun?» Anannganman tɛli be su kɛ: «Amun nin be `ko kun ekun.»

Jɔlɛ Difuɛ Mun 20:27

Kɛ ɔ ´yo sɔ'n, wuun Nyanmiɛn i alaka'n wo lɛ'n, wuun Aarɔn i wa Eleazar i klun ba liɛ Fine yɛ ɔ ti Nyanmiɛn i nyrun jranfuɛ-ɔ. Ɔ usali Anannganman kɛ: «?E nin e niaan Bɛnzamɛnfuɛ mun e `kun alɛ'n ekun annzɛ nán e nin be e kun kun?» Anannganman tɛli bé su kɛ: «Amun nin be `ko kun, ainman n ´yi be n ´wla amún sa nun.»

1 Samiɛl 10:22

Yɛ be usali Anannganman ekun kɛ: «?Sran sɔ'n, ɔ bali wa?» Yɛ Anannganman waan: «Amun `nian trɔ'm be nun lɔ, ɔ fia lɔ.»