Jacques 5:9 - NYANMIƐN NDƐ'N 1998

⁹ Aniaan mun, nán an kan amun wiengu wun ndɛ tɛ man Nyanmiɛn bu amun fɔ, afin i yɛ ɔ ti Jɔlɛ Difuɛ nin-ɔn, ɔ jin anuan'n sin.

Nyanmien nde Ufle

⁹ Aniaan mun, nanh an kan amun wiéngu wun nde, man Nyanmien bu amun fo, afin i ye o ti Dyole Difue nion, o dyin anuan'n sin.

Jacques 5:9 ပူးပေါင်းရင်းမြစ်များ

Bo Bolɛ 4:7

Nian, sɛ a nanti kɛ ɔ fata'n sa'n, a ´nyan kɔmin cɛn wie. Sɛ ɔ'a yo-man sɔ'n, sa tɛ'n yɛ ɔ sa wɔ anuan'n nun lɛ-ɔ. Ɔ ´kunndɛ tran ɔ su, sanngɛ wɔ yɛ a ti bɔ a kwlɛ i-ɔ.»

Jue Mun 59:15

Nnɔsua kɛ a ´nian-an, be yɛ b'a ba ekun yɛ. Be bo kɛ alua sa, be bo sin yia klɔ'n.

Ezekiɛl 7:12

Blɛ'n su ba, cɛn'n ɔ'a mantan koko. Nán man like tofuɛ'n i klun jɔ. Nán man like atɛ yofuɛ'n i wla bo i wun, afin min ya dan'n ɔ'a jaso sran kpanngban nga be o klɔ'n nun'n be kwlaa bé wun.

Saun Yolɛ 19:18

Nán amun se kɛ sran nga sa ɔ'a yo amun sa ti amun ´yo i wie. Nán amun fa amun wiengu wun ndɛ be sie amun klun. Ɔ fata kɛ sran kun klo i wiengu kɛ ɔ fa klo i bɔbɔ wun'n sa. Min yɛ n ti Anannganman nin-ɔn .

Matthieu 24:33

I kunngba nin-ɔn, amun kusu kɛ an wun ninnge sɔ'm be kwlaa'n, man amun si kɛ m bɔ n kacili sran'n min nin amun a mantan yɛ n jin anuan'n sin.

Marc 13:29

I kunngba nin-ɔn, amun kusu kɛ an wun kɛ ninnge sɔ'm be su yo'n, man amun si kɛ m bɔ n kacili Sran'n min nin amun a mantan, n jin anuan'n sin.

Marc 6:19

Erɔdias fali Zan wun ndɛ sieli i klun, ɔ klo kɛ ɔ ´kun i, sanngɛ ɔ'a kwlɛ-mɛn i yo.

1 Korɛntfuɛ Mun 10:11

Sa sɔ'n bɔ be tɔli bé su'n, be kle sa b'ɔ wa ba'n, yɛ be klɛli be kɛ be ´fa tu e bɔ y'a ju mɛn'n i bue nuan'n e fɔ.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 9:7

Man sran kun i like ng'ɔ bu i akunndan kɛ sɛ ɔ man-an ɔ ti kpa'n, ɔ fa man, nán man ɔ yo i klunngbɔ su nin mianlɛ su, afin sran ng'ɔ man Nyanmiɛn like i klun-ufue su'n, i klun jɔ i wun .

Galasifuɛ Mun 5:14

Afin be boli mmla'n kwlaa kpɔlɛ ndɛ kun nun seli kɛ: «Klo ɔ wiengu kɛ a fa klo ɔ bɔbɔ wun'n sa .»

Galasifuɛ Mun 5:26

Nán man e kunndɛ dunman, nán man e yo sa b'ɔ kun e wiengu ya, yɛ nán man e fa é nyin ci e wiengu.

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

Jacques 4:12

Nyanmiɛn kunngba'n b'ɔ sieli mmla'n, b'ɔ jran su di jɔlɛ'n, i yɛ ɔ man sran nguan-an, i yɛ man sran wu-ɔ. ?A ti ɔ liɛ sɛ bɔ a bu ɔ niaan fɔ-ɔ?

Jacques 5:10

Aniaan mun, Nyanmiɛn nuan ijɔfuɛ bɔ be kannin ndɛ e Min'n i dunman nun'n, kɛ be ´kle be nyrɛnnɛn'n, be trali be anwlɛn. An `nian be liɛ'n su.

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.

1 Piɛr 4:5

Sanngɛ be wa kan sa nga be yoli'n kle Nyanmiɛn b'ɔ wa di be nga bé nyin o su'n, nin be nga be wuli'n be jɔlɛ'n.

1 Piɛr 4:9

Sran ng'ɔ to amun'n, an `sike i, nán an ijɔ amun konviabo.

Sa nglô yile 3:20

An `nian, n jin anuan sin, m bobo. Sran ng'ɔ ti min nɛn'n nan ɔ tike'n, n ´wlu i lika lɔ, yɛ min nin i e ´di like.