Jacques 5:7 - NYANMIƐN NDƐ'N 1998

⁷ I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.

Nyanmien nde Ufle

⁷ I so'n ti, aniaan mun, anh tra amun awlen lélé mon o fa dyu é Min'n i bale. Anh nian fié difue mun, bé tra bé awlen lélé bé nyan bé fié'n su liké kpakpa. Bé tra bé awlen lélé kôfié bôle nzué'n nin wawa nzué'n o to su.

Jacques 5:7 ပူးပေါင်းရင်းမြစ်များ

Zeremi 5:24

An bu-man akunndan se-man kɛ: ‹Man e nyin yi Anannganman e Nyanmiɛn'n, afin i yɛ kɛ nzue'n ju i blɛ'n, ɔ tɔ man ye-ɔ. Ɔ tɔ nzue klikli nin afuɛ nuan nzue kasiɛn'n. I yɛ man afuɛ nuan kwlakwla e nyan blɛ e ti e fie su ninnge mun-ɔn.›

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Zoɛl 2:23

Siɔnfuɛ mun amun kusu, man amun klun jɔ, man amún wun blibli amun Anannganman amun Nyanmiɛn'n i dunman nun. Afin kɛ ɔ ko tɔ nzue nga amun fa di amun fie'm be su junman'n, bɔ wawa'n ju i kɔmin su'n, ɔ ´tɔ kɔnguɛ nzue'n ´man amun.

Zakari 10:1

An `srɛ Anannganman man nzue'n `tɔ munngun nun. Afin nzue dandan nga be tɔ'n, i yɛ ɔ tɔ be-ɔ. Ɔ ´tɔ nzue dan kpa ´man amun nan amun kwlaa amun fie'm be su ninnge be `wla nnya klanman kpa.

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 24:27

Afin kɛ nyanmiɛn'n kpa sin wia afiliɛ lɔ b'ɔ kpaja lele ju wia atɔliɛ lɔ'n, kɛ m bɔ n kacili Sran'n m balɛ'n ɔ ´yo sɔ-ɔ.

Matthieu 24:44

I sɔ'n ti, amun kusu an `buabua amún wun sie, afin m bɔ n kacili Sran'n m ´ba dɔ nga an bu-man min akunndan'n su.»

JÉSUS-CHRIST I DYASIN FE'N BO LUC KLELI'N 18:8

Cɛcɛ, ɔ ´jran bé sin di be jɔlɛ sɔ'n ndɛndɛ kpa. ?Sanngɛ kɛ m bɔ n kacili Sran'n m ´ba'n, n ´wun sran bɔ kun b'ɔ lafi Nyanmiɛn su asiɛ'n su wa-a?»

JÉSUS-CHRIST I DYASIN FE'N BO LUC KLELI'N 21:27

Yɛ be ´wun M Bɔ N Kacili Sran'n kɛ n wo nyanmiɛn ble'n su n su ba , m ´ba yasua su, min nyrun nyannyan kɛ sɛnzɛ'n sa, ɔ yo sro.

JÉSUS-CHRIST I DYASIN FE'N BO LUC KLELI'N 8:15

Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Jean 21:22

Yɛ Jésus tɛli i su kɛ: «?Sɛ n klo kɛ ɔ tran lɛ lele man ɔ fa ju m balɛ'n, ɔ ndɛ o nun? Ɔ li, su n su.»

Jean 21:23

Ɔ man ndɛ sɔ'n truli e niaan'm be afiɛn kɛ i waan i sɔnnzɔnfuɛ sɔ'n su wu-man. Sanngɛ Jésus a se-man Piɛr kɛ ɔ su wu-man, i waan, sɛ ɔ klo kɛ ɔ tran lɛ man ɔ fa ju i balɛ'n, i ndɛ nun-man nun.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

1 Korɛntfuɛ Mun 1:7

I sɔ'n ti, kɛ amun ´minndɛ e Min Jésus-Krist i wun nglo yilɛ cɛn'n, Nyanmiɛn i ninnge b'ɔ fa man sran mun'n, i wie fi su mian-man amun.

Galasifuɛ Mun 5:5

E liɛ'n, é wla o Nyanmiɛn su kpa kɛ ɔ ´bu ye sran kpa i su bɔ i Wawɛ'n man e lafi'n ti, e minndɛ kɛ ɔ ´yo e sɔ.

Galasifuɛ Mun 6:9

Nán man é sa sin bubu ye sa kpa yolɛ'n nun, afin sɛ y'a fɛ-man'n, cɛn wie e ´nyɛn i nuan like.

Mmla'n 11:14

ɔ ju i blɛ-ɔ, ɔ ´tɔ nzue amun asiɛ'n su. Ɔ ´tɔ junman yolɛ blɛ nzue'n, nin wawa nzue'n. Ɔ man amun ´nyan ble, nin nzan, nin ngo kaka.

Kolɔsfuɛ Mun 1:11

E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Tɛsalonikfuɛ Mun 2:19

?Sɛ e Min Jésus ´ba bɔ e ´jrɛn i nyrun'n, nzu su yɛ e ´fa é wla gua-a? ?Nguɛ yɛ man e klun ´jɔ-ɔ? ?Nzu yɛ ɔ kle kɛ e kwlali bɔ e ´fa di e nuan-an? ?Nán amun-ɔn?

1 Tɛsalonikfuɛ Mun 3:13

Kɛ ɔ ko yo sɔ'n, ɔ man amun ´nyan anwlɛn, yɛ kɛ e Min Jésus nin i sran'm be kwlaa be ´ba'n, e Si Nyanmiɛn ´wun kɛ an ti i liɛ klonglonglo bɔ be kwla saci-man amun wun kaan sa!

Hébreu 6:15

Ɔ man i sɔ'n ti'n, kɛ Abraam trɛli i anwlɛn lele'n, ɔ nyannin like nga Nyanmiɛn seli kɛ ɔ ´mɛn i'n.

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

Jacques 5:10

Aniaan mun, Nyanmiɛn nuan ijɔfuɛ bɔ be kannin ndɛ e Min'n i dunman nun'n, kɛ be ´kle be nyrɛnnɛn'n, be trali be anwlɛn. An `nian be liɛ'n su.

Jacques 5:3

Amun sika ɔkwlɛ'n nin amun jɛtɛ ufue'm b'a dun, i dunlɛ sɔ'n ɔ ´yiyi amún bo, yɛ ɔ ´yra amun kɛ sin sa. Mɛn nga y'a ju i bue nuan yɛ'n, amu'an tian amun ninnge'm bé nuan!

2 Piɛr 3:4

be ´se kɛ: «?Ɔ seli amun kɛ ɔ ´ba, nɛ́n i-ɔ? ?Yɛ ɔ o nin? Kɛ ɔ fin lalaa'n bɔ e nannan'm be wuli'n, like nga Nyanmiɛn yili be'n, be kwlaa be tɛ o be osu'n nun.»