Jacques 5:5 - NYANMIƐN NDƐ'N 1998

⁵ An di amun klun like, yɛ an di mɛn'n, ɔ man amu'an yo kɛ nnɛn bɔ ɔ'a lo kpa bɔ i kunlɛ a ju'n sa.

Nyanmien nde Ufle

⁵ An di amun klun liké, an di men'n, o man amuan yô ke nnen bo wa lô kpa bo i kunle a dyu sa.

Jacques 5:5 ပူးပေါင်းရင်းမြစ်များ

Jue Mun 17:14

Anannganman, yo man n fin bé sa nun n fite. Bu klunwifuɛ mun nin be mma mun, ɔ nin be anunman mun be fɔ.

Jue Mun 73:7

Be anyanbeun'n ti be bu-man sran nga'm be sran. Be klun akunndan be ti-man fiawa.

Nyanndra Mun 17:1

Sɛ a nyan ɔ kpaun kee sin kan a di nan ndɛnngan nun-mɛn i sin'n, i li flunman tra kɛ a nyan aliɛ fɛ di sanngɛ awlo nga a o nun'n ɔ ti ndɛnngan-ndɛnngan ngunmin'n.

Nyanndra Mun 7:14

«Min bo kun yolɛ i su tɛ wie yilɛ o mín wun, m'an yi i ndɛ. Like nga n fua kleli Nyanmiɛn'n, m'an fa mɛn i ndɛ.

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Ezai 22:13

Sanngɛ amun klun ti jɔwa, yɛ able yɛ amun si-ɔ. Amun kun nannin, amun kun bua, amun di nnɛn, yɛ amun nɔn nzan. Amun se kɛ: «Man e di like e nɔn nzan, afin sɛ ainman e wu'n wuun e liɛ a wie .»

Ezai 3:16

Anannganman waan: «Kɛ bɔ Siɔn bla'm be tu bé wun'n, kɛ bɔ be ´nanti-ɔ be tinngɛ be kɔmin'n nun'n, kɛ bɔ be ´nian sran-an, be kacikaci be nyinma'n nan be `kannvun be'n, kɛ bɔ be ´nanti-ɔ, be tu bé ja'n kunngun-kunngun wuun bé ja nga'm be ´tɛ gleinglein'n ti'n,

Ezai 47:8

Mmo b'ɔ klo mɛn dilɛ'n, b'ɔ tran ase fouun'n, bɔ i klun ti-mɛn i'n, b'ɔ se i klun lɔ kɛ: ‹M bɔbɔ min'n, sran fi nin min sɛ-man'n, n su di-man angboti le'n, min mma'm be su fi-man mín sa le'n,› sie ɔ su siɛn'n.

Ezai 56:12

Be se kɛ: «Man e wɔ e ko kunndɛ nzan, man e nɔn nzan kekle mun nan ɔ `ti ye! Ainman'n, e ´yo kɛ ndɛkɛn sa'n ekun. Ng'ɔ ka lɛ bɔ e ´nɔn'n tɛ sɔn.»

Zeremi 12:3

N liɛ'n, a si min, Anannganman, a wun min, a si kɛ min anwlɛn'n wo ɔ su. Sran sɔ'm be liɛ'n, yi be sie be lɛ kɛ nnɛn bɔ be su wa ko kun be'n sa. Sie be ngunmin man be minndɛ be kunlɛ cɛn'n.

Zeremi 25:34

Izraɛl su kpɛn mun, an `sun, an `kpan. Min nvle'n i su nianfuɛ mun, an `la kondo. Amun kɔmin kpɛlɛ liɛ'n ɔ'a ju. Be wa kun amun kɛ be fa kun bua nene kpakpa mun'n sa.

Ezekiɛl 16:49

Sa nga ɔ niaan bla Sodɔm yoli'n yɛ ɔ o yɛ: ɔ tu i wun. I ku yi titi. Alaje b'ɔ di'n ti, ɔ bu-man akunndan kun kɛ sa kwla tɔ i su. Ɔ'a uka-man yalɛfuɛ nin nyrɛnnɛnfuɛ mun. Sodɔm nin i mma mun yɛ be yo sɔ-ɔ.

Ezekiɛl 39:17

Anannganman seli min kɛ yoo: «Klɔ sran, flɛ anunman fanunfanun mun nin blo nnɛn mun kɛ sran mun sa nan se be kɛ: ‹Amun `yia, amun `fin lika'n kwlaa nun be bla min sraka kun bɔ be ´yi i amun ti'n i bo. Be ´yi i cɛn dan kun bɔ n ´siesie man amun Izraɛl oka'm be su'n nun. Amun ´di nnɛn, amun ´nɔn mmoja.

Amɔs 6:1

Amun bɔ an ti Siɔn lɔ be ´di pɔɔ'n, bɔ an gua Samari kpɔlɛ'n su lɔ bɔ an bu i kɛ amu'an nyan amun ti'n, an yako lele! Be blɔ kɛ mɛn'n nun be nga be lɛ nyrun'n, amun yɛ be ti be klikli nin-ɔn, yɛ Izraɛlfuɛ'm be kɔ amun sin-ɔn .

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

JÉSUS-CHRIST I DYASIN FE'N BO LUC KLELI'N 16:25

Yɛ Abraam seli i kɛ: ‹?N wa, ɔ́ wla fi kɛ kɛ a wo asiɛ'n su lɔ'n, a nyannin ɔ ninnge kpakpa'n kwlaa? Lazar kusu wunnin i nyrun. Siɛn'n, ɔ o wa, i wla a gua ase, ɔ kusu a su wun ɔ nyrun.

Rɔmfuɛ Mun 13:13

Man e yo sa bɔ be ti nanwlɛ'n kɛ e o wia klengle kpa'n nun sa. Man e yaci aliɛ sa'n, nin nzanboɛ'n, nin bé wun wannzo yolɛ'n, bɔ yɛlɛ bla nin bian kunndɛlɛ'n, nin wlaka bolɛ'n, man e yaci utre'n, nin sran nyin cilɛ'n.

1 Timote 5:6

Sanngɛ angboti nga mɛn dilɛ'n yo i fɛ'n, kannzɛ i nyin o su'n, ɔ ti kɛ ɔ'a wu sa.

2 Timote 3:4

be ´yi be janvuɛ mun man, be ´yo like-ɔ be su bu-mɛn i akunndan, be ´di tutre, be ´klo mɛn dilɛ'n tra Nyanmiɛn,

2 Piɛr 2:13

Sa nga be fa yo sran wie mun'n, i kunngba'n yɛ be ´fa yo be-ɔ. Kɛ aliɛ ko cɛn'n, sa ng'ɔ yo be fɛ'n yɛlɛ mɛn dilɛ'n, kɛ a wun be'n, nyannzuɛn kun wɔ. Kɛ amun nin be yia aliɛ'n su'n, amún nyin gua ase, be saci amun wun, yɛ be gblɛgblɛ sa nga be yo'n ɔ yo be fɛ.

Jude 1:12

Kɛ amun nin be yia aliɛ su'n, be saci amún wun, be di like'n lele, nyannzuɛn kun-man be. Be bu-man sran uflɛ akunndan, be bɔbɔ bé wun akunndan yɛ be bu-ɔ. Kɛ nzue'n mlan tuun'n, b'ɔ tɔ-man'n, bɔ aunngban'n fa kɔ'n, kɛ be ti sɔ-ɔ. Waka bɔ i sulɛ blɛ nun ɔ su-man'n, bɔ b'a tu i bo bɔ ɔ'a wu'n, kɛ be ti sɔ-ɔ.

Sa nglô yile 18:7

Tutre nin mɛn ng'ɔ dili'n, an `fɛ i wunsu nyrɛnnɛn'n kle i, man ɔ wun i nyin su! Afin ɔ se kɛ: ‹N su di famiɛn, n ti-man angboti, n su yo-man sɛnvuɛ le.›

1 Samiɛl 25:36

Kɛ Abigail ´sɛ i sin Nabal wun lɔ'n, wuun cɛn nga be su di i awlo nun'n ɔ ti kɛ famiɛn wie yɛ ɔ su di cɛn sa. Nabal klun ti jɔwa dan, ɔ'a nɔn nzan'n lele ɔ'a tratra su, ɔ'a bo i. Ɔ man Abigail ɔ'a kan-man ndɛ fi ɔ'a kle-mɛn i lele san aliɛ'n cɛnnin.

1 Samiɛl 25:6

Amun `se i kɛ: ‹Man afuɛ nga yo kpa man wɔ. Man wɔ awlo'n nin ɔ́ sa nun ninnge'n kwlaa yo ye.