Jacques 5:3 - NYANMIƐN NDƐ'N 1998

³ Amun sika ɔkwlɛ'n nin amun jɛtɛ ufue'm b'a dun, i dunlɛ sɔ'n ɔ ´yiyi amún bo, yɛ ɔ ´yra amun kɛ sin sa. Mɛn nga y'a ju i bue nuan yɛ'n, amu'an tian amun ninnge'm bé nuan!

Nyanmien nde Ufle

³ Amun sika okwle'n nin amun dyete ufué'm ba dun, i dunle so'n oh yiyih amun bô, oh yrah amun ke sin sa. Men nga ya dyu i bué nuan ye'n, amuan tian amun ninngé'm bé nuan!

Jacques 5:3 ပူးပေါင်းရင်းမြစ်များ

Bo Bolɛ 31:48

Yɛ Laban waan: «Yɛbuɛ kwle nga ti ye afiɛn lalofuɛ.» I ti yɛ be flɛli i Galɛd nin-ɔn.

Bo Bolɛ 31:52

Be ti e lalofuɛ. N lɛ-man atin kɛ n ´tra be su e nin wɔ e ´ba kunlɛ. Wɔ kusu a lɛ-man atin kɛ a ´tra be su a wa yo min sa.

Bo Bolɛ 49:1

Zakɔb flɛli i mma mun, ɔ seli be kɛ: «An `yia man n kan sa nga ɔ wa ju amun su cɛn wie'n n kle amun.

Zɔb I Nyrɛnnɛn Wunlɛ 16:8

Min nyrun bɔ ɔ'a tɔtɔ nun'n, ɔ nin koklo bɔ m'an yo'n, be di min wun lalo yɛ be bu min fɔ.

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Zeremi 19:9

Be kpɔfuɛ mun nin be bɔ be klo-man be nin nguan'n, be wa sanngan be nun. Nyrɛnnɛn nga be ´fa yi be su'n, i dan liɛ'n be flɛ-man. N ti man be ´di be mma'm be nnɛn'n, yɛ be ´di be wiengu nnɛn.»

Mise 3:3

Be di min sran'm be nnɛn'n, be yi bé kplo'n, be bu be owie mun, be kpɛkpɛ be nun kpekpe kɛ nnɛn bɔ be su fa wlɛ i sɛ nun be ´tɔn'n sa.

Mise 4:1

Cɛn wie lele Anannganman i kpɔlɛ'n su sua'n, oka ndɛnndɛn kpa'm bé ti su lɔ yɛ be ´ko kplɛn i-ɔ. Kpɛkuun mɛn nunfuɛ'm be kwlaa be ti wa yia lɛ.

Sa nga bé yôli'n 2:17

‹Nyanmiɛn waan: An `nian, sa nga cɛn wie lele kɛ mɛn'n ɔ ´kɔ i bue nuan'n, m ma yo'n yɛ: N ´fa n Wawɛ'n man sran kwlaa. Amún mma yasua nin amun mma mmla'm be ´ijɔ min nuan, amun mma gbanflɛn'm be ´wun like aolia nun, yɛ amún si ngbɛn-ngbɛn'm be ´cɛn laliɛ.

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

2 Timote 2:17

Bé nuan nun ndɛ'n ɔ ´yo kɛ kannin sa, ɔ ´trɛ. Be nun wie yɛlɛ Imene nin Filɛt

Zozie 24:27

I sin ɔ seli Izraɛlfuɛ'm be kɛ: «Amun `nian yɛbuɛ nga kpa. Ɔ ti lalofuɛ, afin sɛ ɔ ti sran'n, wuun n ´se kɛ ɔ tili ndɛ nga Anannganman kan kleli ye'n i kwlaa. Ɔ wa yo amun lalofuɛ man amun su yaci-man amun Nyanmiɛn'n i sulɛ.»

2 Piɛr 3:3

Man an si kpa kɛ cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´yo sa nga be klun klo'n, yɛ be ´sri amun ,

Sa nglô yile 17:16

I wuɛ blu bɔ a wunnin be'n, nin nnɛn'n be ´kpɔ tekle bla'n, be ´de i wun ninnge'n, be ´kpɛ i wun, be ´di i nnɛn, yɛ be ´yrɛ i sin nun mlɔnmlɔn.

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»