Jacques 5:20 - NYANMIƐN NDƐ'N 1998

²⁰ sran sɔ'n b'ɔ kle sa tɛ yofuɛ'n i atin kpa'n, ɔ ´de i wie'n sa nun, yɛ ɔ man i wun sa kpanngban'n be ´wie .

Nyanmien nde Ufle

²⁰ swran so'n b'o klé sa te yôfue i atin kpa'n, oh dééh wié'n sa nun, ye o man i wun sa kpanngban'n béh wiéh.

Jacques 5:20 ပူးပေါင်းရင်းမြစ်များ

Jue Mun 32:1

Jue nga ti David liɛ. I waan: Sran nga Nyanmiɛn yaci i fɔnlɛ cɛ i'n, i liɛ su ti ye! Sran nga Nyanmiɛn yaci i wun sa'n cɛ i'n, i liɛ su ti ye!

Nyanndra Mun 10:12

Sran kpɔlɛ'n yɛ ɔ nin utre'n ba-a. Sanngɛ sran ng'ɔ klo sran'n, sɛ be yo i sa-a, ɔ yaci i kwlaa cɛ .

Nyanndra Mun 10:2

Aeliɛ tɛ trɔ'n, be nyan-man su. Sanngɛ aeliɛ kpa'n man be nguan.

Nyanndra Mun 11:30

Like nga klun-ufuefuɛ'n yo'n, ɔ mɛn i nguan tɛnndɛn. Akunndanfuɛ'n i nuan nun ndɛ'n ti, sran'm be su i su .

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 17:9

Sran nga be yo i sa b'ɔ fa sie-mɛn i klun'n, ɔ kunndɛ klolɛ. Sran nga kusu b'ɔ be yo i sa b'ɔ kan sin'n, ɔ fuɛn i wun sran.

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Rɔmfuɛ Mun 11:14

N yo i sɔ nan min nvlefuɛ'm be fa bé nyin ci amun nan be nun wie'm be nyan bé ti.

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

1 Korɛntfuɛ Mun 9:22

Kɛ n ko yo nan m'an nyan be nga be nian wun-man Nyanmiɛn ndɛ'n i wlɛ kpa'n, n yo min wun kɛ be sa. Sran wafa'n kwlaa bɔ n to be'n, kɛ n ko yo nan m'an de be'n, n yo min wun kɛ be sa, yɛ n yo like kwlaa nga n kwlɛ i yo'n.

1 Timote 4:16

Nian ɔ bɔbɔ ɔ wun su ɔ nin ɔ ninnge bɔ a kle'n su kpa, afin sɛ a yo sɔ tititi'n, a ´de ɔ bɔbɔ nin be nga bé ti ɔ ndɛ'n.

Filemɔn 1:19

Nian, ń sa nuan yɛ: M bɔbɔ m Pɔl m ma tannin kalɛ sɔ'n man wɔ. Ɔ nin i sɔ'n ngba n su se-man wɔ kɛ n ti yɛ man w'a nyan nguan-an.

Jacques 1:15

Sɛ konvi'n ti sran'n, wuun e ´se kɛ, ɔ wunnzɛ, yɛ ɔ wu sa tɛ'n. Kɛ sa tɛ sɔ'n i nyin ko ti kpa'n, i like b'ɔ su i su'n yɛlɛ wie'n.

Jacques 1:21

I sɔ'n ti, an `wla nzuɛn tɛtɛ'n nin klunwi'n kwlaa be ase. An `yo amún wun aenvuɛ, an `fa ndɛ nga Nyanmiɛn kan kle amun'n su. I yɛ man amun ´nyan amún ti-ɔ.

Jacques 5:15

Nyanmiɛn su bɔ be lafi'n ti'n, Nyanmiɛn srɛlɛ sɔ'n man tukpacɛfuɛ sɔ'n ´nyɛn i ti, yɛ e Min'n man ɔ ´jaso. Yɛ sɛ ɔ yoli sa wie'n, ɔ ´yaci cɛ i.

Jacques 5:19

N niaan mun, an si kɛ sɛ amun nun sran wie yaci atin kpa'n b'ɔ fa-man ndɛ nanwlɛ'n su kun'n nan sran wie kle i atin kpafuɛ'n,

1 Piɛr 4:8

Sa ng'ɔ ti dan trɛ i ngba'n yɛlɛ kɛ an `klo amún wun, afin sran ng'ɔ klo sran'n, ɔ yaci sa tɛ kpanngban nga be yo i cɛ .

Sa nglô yile 20:6

Be nga be ko cɛn klikli sɔ'n wie'n, be liɛ su ti ye, be ti Nyanmiɛn liɛ sakpa! Wie i nnyɔn su'n su kwla-man be, be ´yo Nyanmiɛn nin Krist be nyrun jranfuɛ, be nin Krist yɛ be ´di famiɛn afuɛ akpi nin-ɔn.