Jacques 5:19 - NYANMIƐN NDƐ'N 1998

¹⁹ N niaan mun, an si kɛ sɛ amun nun sran wie yaci atin kpa'n b'ɔ fa-man ndɛ nanwlɛ'n su kun'n nan sran wie kle i atin kpafuɛ'n,

Nyanmien nde Ufle

¹⁹ N niaan mun, an si ke, se amun nun swran wié yatyi atin kpa'n b'o fa'a nde nanwle'n su kun'n, nan swran wié klé i atin kpafue'n,

Jacques 5:19 ပူးပေါင်းရင်းမြစ်များ

Jue Mun 119:118

Be nga be yo-man ɔ klun sa'n a fuan be, afin be saci ɔ sran'm bé wun ngbɛn.

Jue Mun 119:21

Wun tufuɛ tɛ nga be fa-man ɔ mmla'n su mlɔnmlɔn'n, a nin be `yia nun.

Nyanndra Mun 19:27

Mín wa, afɔtuɛ nga be man wɔ'n, sɛ a su fa-man su'n nan a ´kaci ɔ́ sin si ngwlɛlɛ'n, wuun nán bo wɛ sie ɔ́ su tie.

Ezai 3:12

Ba kanngan mun yɛ be yo min sran'm be tɛtɛ-ɔ, bla mun yɛ be sie be-ɔ. Min sran mun, amun nyrun dunfuɛ'm be mlinnin amun. Be kata atin nga amun sin nun'n.

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ezekiɛl 34:4

Amu'an wla-man nga be lɛ-man wunmiɛn'm be nun wunmiɛn. Amu'an yo-man ng'ɔ ti fukɛfukɛ'n i ayre. Nga kannin tuli i'n, amu'an cici-man su, yɛ nga bɔ ɔ'a fa mlinlɛ i atin'n, amu'an fɛ-mɛn i b'a sɛ-mɛn i sin. Amu'an kunndɛ-man be nga be mlinnin mun. Amun yoli be kpokokpoko, amun yoli be tɛtɛ.

Matthieu 18:15

«Sɛ ɔ niaan kun yo wɔ sa'n, flɛ i aamiɛn kan kle i. Sɛ ɔ wun i wlɛ'n, wuun w'a nyan ɔ niaan'n.

JÉSUS-CHRIST I DYASIN FE'N BO LUC KLELI'N 22:32

Sanngɛ n kan ɔ ndɛ n kleli Nyanmiɛn kɛ n su bɔ a lafi'n, nán man a kpɔnzɔ. Ɔ kusu sɛ a kaci'n, wla ɔ niaan'm be fanngan.»

Galasifuɛ Mun 6:1

Aniaan mun, sɛ an wun kɛ amun niaan kun su yo sa wie b'ɔ ti-man kpa'n, amun bɔ Nyanmiɛn Wawɛ'n sie amun'n, an `kle i atin ng'ɔ ti kpa'n amanniɛn su. Sanngɛ an `nian amun bɔbɔ amun wun nan amu'an yo-man sa kunngba sɔ'n wie.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

1 Timote 6:21

Sran wie'm be bu bé wun kɛ be si sa, ɔ man be lafi-man Nyanmiɛn su kpa kun. N ´yra ń nuan kɛ an nyan ye!

2 Timote 2:18

bɔ b'a yaci ndɛ nanwlɛ'n. Be se sran'm be kɛ be nga be wuli'n b'a cɛn, ɔ man be wie'm be lafi-man Nyanmiɛn su kpa kun.

Hébreu 5:2

Kɛ i bɔbɔ ti sran b'ɔ kwla-man like fi yo'n ti'n, ɔ kwla wun be nga be wun-man sa wlɛ'n, nin be nga be fɔn'n, be aunnvuɛ.

Jacques 1:16

N niaan kpa mun, nán an laka amun wun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 3:14

Sanngɛ sɛ amun klunwi'n ti amún nyin ci sran yɛ an bu amun bɔbɔ amun wun akunndan'n, nán an fa amun ngwlɛlɛ'n di amún nuan, yɛ nán an fa nanwlɛ'n kaci ato.

Jacques 5:20

sran sɔ'n b'ɔ kle sa tɛ yofuɛ'n i atin kpa'n, ɔ ´de i wie'n sa nun, yɛ ɔ man i wun sa kpanngban'n be ´wie .

2 Piɛr 3:17

Sanngɛ amun bɔ an ti n sran kpa'n, bɔ an si sɔ laa'n, an `nian amun wun, kɛ ɔ ´yo nan amu'an su-man sran tɛtɛ bɔ be yo sa b'ɔ ti-mɛn i su'n, bé su nan amun ta a kpɔ-man.

Jude 1:11

I sɔfuɛ'm be yako! Afin atin kunngba nga Kaɛn fali su'n, be fa su wie. Kɛ ɔ ´yo nan b'a nyan sika'n, be fa bé wun wlali sa tɛtɛ yolɛ'n nun kɛ Balaam liɛ'n sa. Be mlinnin, afin be yoli nyin kekle kɛ Kɔre liɛ'n sa .