Jacques 5:16 - NYANMIƐN NDƐ'N 1998

¹⁶ I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

Nyanmien nde Ufle

¹⁶ I so'n ti, ke o yô nan amuan yô dyuédyué'n, anh kan sa nga an yôli'n klé amun wiéngu, anh sre Nyanmien man amun wun ke o man amun dyasô. Se swran kpa kun sre liké Nyanmien sa nun b'o dyran su kpa'n, i srele so'n yô sa yé dan.

Jacques 5:16 ပူးပေါင်းရင်းမြစ်များ

Bo Bolɛ 19:29

Kɛ Nyanmiɛn ´nunnun lika sɔ'm be nun klɔ mun'n, i nyin ɔ'a tra-man Abraam su. Ɔ yili Lɔt klɔ sɔ bɔ i waan ɔ ´nunnun be'n be nun fiteli.

Bo Bolɛ 20:17

Abraam i yi Sara dunman nun ti Nyanmiɛn yoli man Abimelɛk i awlo'n nun bla'm be kwlaa be klun yoli kpan. Nan Abraam ɔ'a srɛ Nyanmiɛn ɔ'a man Abimelɛk nin i yi nin i sran mun nan b'a sin be osu b'a kwla wu ba ekun.

Bo Bolɛ 20:7

Ɔ man fa bian'n i yi'n mɛn i. Man ɔ srɛ min man wɔ nan w'a wu-man. Ɔ ti min nuan ijɔfuɛ. Sɛ a fa mɛn-mɛn i'n, a nin ɔ́ wun sran'm be kwlakwla, amun ´wu.»

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

2 Samiɛl 19:19

Alie'n fali famiɛn'n i awlofuɛ mun kpɛli nzue'n. Kɛ famiɛn'n ɔ wa kpɛ i liɛ'n cɛ'n, kpɛkuun Simɛi bali wa kotoli i bo.

1 Famiɛn Mun 13:6

Yɛ famiɛn'n seli Nyanmiɛn i nuan ijɔfuɛ'n kɛ: «Kpata Anannganman ɔ Nyanmiɛn man min. Srɛ i man n kwla yi mín sa'n.» Yɛ Nyanmiɛn i nuan ijɔfuɛ'n kpatali Anannganman-an, kpɛkuun famiɛn'n kwla yili i sa'n. I sa sɔ'n sinnin i osu.

2 Be Nyoliɛ 30:20

Anannganman tɛli Ezekias srɛlɛ'n su. Ɔ'a tu-man be fɔ nga i waan ɔ ´tu be'n kun.

Zɔb I Nyrɛnnɛn Wunlɛ 42:8

I sɔ'n ti, amun `fa nannin tola nso nin bua nene nso nan amun ko to min sufuɛ Zɔb lɔ, nan amun `fa nnɛn sɔ mun amun `yi tɛ nga be yrɛ i nnɛn'n kɔlikɔli'n amun `fa kpata amún ti. Yɛ min sufuɛ Zɔb ɔ ´srɛ man amun. N ´tɛ i srɛlɛ'n su, ɔ man sinnzin bɔ amun yoli'n, n su nian-man su n yo-man amun sa. Afin amu'an kan-man mín wun ndɛ kpa kɛ min sufuɛ Zɔb i liɛ'n b'ɔ kannin'n sa.»

Jue Mun 34:15

Ɔ wla sa tɛtɛ'n i ase, ɔ yo sa kpa. Man ɔ nin sran kwlaa be nuan sɛ. Man sran'm be afiɛn siesielɛ'n ɔ kaci i junman.

Ezipt Lɔ Tulɛ'n 17:11

Kɛ Moiz mɛn i sa'n su'n, Izraɛlfuɛ'm bé sa ti Amalɛkfuɛ mun, sanngɛ kɛ ɔ kɛn i sa'n i ase'n, Amalɛkfuɛ mun yɛ bé sa ti be-ɔ.

Ezipt Lɔ Tulɛ'n 9:33

Moiz tuli i bo famiɛn'n i wun lɔ, ɔ fin klɔ'n nun fiteli. Ɔ ko mannin i sa'm bé su, ɔ srɛli Nyanmiɛn. Kpɛkuun fɔuun ngblannan'n ɔ'a tɛ-man kun, yɛ nzraama'n yacili gualɛ-ɔ. Nzue'n kusu kpɛli kpe.

Nyanndra Mun 15:29

Anannganman i ndɛ nun-man klunwifuɛ'm be ndɛ nun. Sran kpa'm be liɛ'n, be srɛlɛ nga be srɛ'n, ɔ fɛ i su sie i bo.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 28:9

Sran nga bɔ kɛ be ´kan Nyanmiɛn mmla'n ɔ klo-man kɛ ɔ `ti wie'n, i Nyanmiɛn ng'ɔ srɛ'n bɔbɔ ɔ jɔ-man Nyanmiɛn i klun .

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 33:3

«Flɛ min, yɛ n ´tɛ wɔ su. M ´bo sa dandan kpa'm be su n ´kle wɔ. Sa nga a si-man be'n, m ´bo be su n ´kle wɔ.

Zeremi 42:2

«E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Kalɛ 11:2

Sran'm be kpannin kekle, be sun flɛli Moiz, nan Moiz a kpata Nyanmiɛn, kpɛkuun fɔun yɛ sin'n nuannin-ɔn.

Matthieu 21:22

Like kwlaa nga an kan kle Nyanmiɛn kɛ ɔ yo bɔ an lafi i su kɛ ɔ ´yo'n, ɔ ´yo man amun.»

Matthieu 3:6

Kɛ be di sa nga be yoli'n i nanwlɛ'n, ɔ yo be batɛm nzue ba bɔ be flɛ i kɛ Zurdɛn'n i nun.

Marc 1:5

Zide mɛn wunmuan'n nin Zerizalɛmfuɛ'm be kwlaa be ɔli Zan wun lɔ. Kɛ be kannin sa tɛ nga be yoli'n, ɔ yoli be batɛm Zurdɛn nzue ba'n nun.

JÉSUS-CHRIST I DYASIN FE'N BO LUC KLELI'N 9:6

Be ɔli, be wlannin klɔ'm be su, be kannin jasin fɛ'n, yɛ be yoli tukpacɛfuɛ'm be juejue lika kwlaa.

Jean 9:31

E si kɛ sɛ sa tɛ yofuɛ se Nyanmiɛn kɛ ɔ yo sa'n, ɔ tɛ-man su, sanngɛ sran ng'ɔ bu i sran bɔ i nyin yi'n, i sɔfuɛ'n yɛ ɔ tɛ i su-ɔ.

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Sa nga bé yôli'n 19:18

Be nga be fali Nyanmiɛn ndɛ'n su'n, be kpanngban be wa dili sa nga be yoli'n i nanwlɛ nzra'n nun.

Sa nga bé yôli'n 8:24

Yɛ Simɔn seli be kɛ: «Amun bɔbɔ an `kpata e Min Nyanmiɛn'n man min kɛ ɔ ´yo nan sa nga an kɛn i ndɛ'n i wie fi ɔ'a tɔ-man n su'n ti.»

Rɔmfuɛ Mun 3:10

Afin be klɛli kɛ: «Sran kpa bɔ kun sa nun-man lɛ, ɔ lɛ-man be nun bɔ kun.

Rɔmfuɛ Mun 5:19

Kɛ sran kunngba i nyin kekle'n ti ɔ man sran kpanngban be kacili sa tɛ yofuɛ'n, sran kun kusu i anyinyiɛ ti, ɔ man sran kpanngban be ´kaci sran kpa.

Kolɔsfuɛ Mun 1:9

I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

1 Tɛsalonikfuɛ Mun 5:17

An `koko yalɛ kle Nyanmiɛn titi, nán an yaci.

1 Tɛsalonikfuɛ Mun 5:23

Man Nyanmiɛn b'ɔ man sran di alaje'n ɔ yo man an kaci i liɛ mlɔnmlɔn, man ɔ nian amun wunmuan'n su, amun klun akunndan'n, nin amun wawɛ'n, nin amun wunnɛn'n, nan cɛn nga e Min Jésus-Krist ´ba'n b'a kputu-man amun!

1 Tɛsalonikfuɛ Mun 5:25

Aniaan mun, an `srɛ Nyanmiɛn man ye.

Hébreu 11:4

Nyanmiɛn su bɔ Abɛl lafi'n ti yɛ i like nga ɔ fa sɔli i'n i kpa trali Kaɛn liɛ nin-ɔn. I su b'ɔ lafi'n ti'n, Nyanmiɛn bɔbɔ seli kɛ ɔ ti sran kpa, afin ɔ sɔli like nga ɔ fa mɛnnin i'n nun. Ɔ wuli, sanngɛ Nyanmiɛn su b'ɔ lafi'n ti'n, ɔ tɛ ijɔ .

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 12:13

An `kpɛ atin nga an sin nun'n kpa nan sran nga i ja ti-man kpa'n i ja'n ɔ'a fɔnndɔn-man, sanngɛ ɔ'a yo juejue'n ti.

Hébreu 13:18

An `srɛ Nyanmiɛn titi kɛ ɔ nian e su. E si e klun lɔ weiin kɛ y'a yo-man sa fi, afin sa'n kwlaa nun e klo kɛ e ´yo sa ng'ɔ ti kpa'n.

Zozie 10:12

Kɛ Anannganman fali Amɔrfuɛ mun wlali Izraɛlfuɛ'm bé sa nun, cɛn sɔ nun'n, yɛ Zozie srɛli Anannganman Izraɛlfuɛ'm be nyrun lɛ, ɔ seli kɛ: «Wia, jran Gabaɔn ti su nglo lɛ! Anglo, nán tu ɔ bo Azalɔn kongo'n su!»

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

1 Jean 3:22

Like kwlaa nga e srɛ i'n, ɔ ´fa man e yɛlɛ kɛ e fɛ i ndɛ'n su, yɛ e yo sa ng'ɔ jɔ i klun'n.

1 Samiɛl 1:12

Ani srɛli Anannganman cɛli kpa, Eli niɛn i nuan'n siin,

1 Samiɛl 12:17

?Kɛ e o yɛ, e nun-man ble kpɛlɛ blɛ bɔ nzue tɔ-man'n i nun? Sanngɛ n wa kpan flɛ Anannganman. Nzue'n wa bo nun. Ɔ wa tɔ nan amu'an wun kɛ famiɛn nga bɔ amun usali'n ɔ ti sa tɛ dan kpa kun yɛ amun yoli Anannganman-an.»

1 Samiɛl 12:18

Samiɛl kpan flɛli Anannganman, kpɛkuun Anannganman man nzue'n boli nun. Nzue'n tɔli cɛn sɔ'n nun. Izraɛlfuɛ'm be kwlaa be sroli Anannganman ɔ nin Samiɛl.