Jacques 5:13 - NYANMIƐN NDƐ'N 1998

¹³ Sɛ nyrɛnnɛn wo amun nun wie su'n, man ɔ koko kle Nyanmiɛn. Sɛ amun nun wie klun ti jɔwa'n, man ɔ to jue manman Nyanmiɛn.

Nyanmien nde Ufle

¹³ Se nyrennen ô amun nun wié su'n, mon o kôkô klé Nyanmien. Se amun nun wié klun ti dyowa'n, mon o tô dyué manman Nyanmien.

Jacques 5:13 ပူးပေါင်းရင်းမြစ်များ

1 Be Nyoliɛ 16:9

Amun `sro jue be mɛnmɛn i, amun `to jue be bo flɛ i. Amun `kan abonuan sa ng'ɔ yo be mun.

Zɔb I Nyrɛnnɛn Wunlɛ 33:26

Sɛ ɔ srɛ Nyanmiɛn'n, ɔ tɛ i su klanman. Sɛ ɔ ´kɔ Nyanmiɛn nyrun'n, i wun kpɛjɛ i, afin Nyanmiɛn man ɔ'a sɛ i sin ɔ'a yo sran ekun.

Jue Mun 105:2

An `to jue be mɛn i. An `to jue be bo flɛ i! I sa nyɛnmɛn-nyɛnmɛn ng'ɔ yo be'n, an `bu be kwlaa be akunndan.

Jue Mun 118:5

I nun bɔ n la nyrɛnnɛn'n nun'n, n kpan n flɛli Anannganman, yɛ ɔ tɛli min su. Ɔ man n nyannin min ti.

Jue Mun 18:6

Blɔlɔ lɔ nyanman'n blablali mín wun. Wie'n i aya'n ɔ trali min wieli.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 91:15

Sɛ ɔ kpan flɛ min'n, n ´tɛ i su, Sɛ ɔ o nyrɛnnɛn nun'n, e nin i-ɔ.

Jue Mun 95:2

E `bla i nyrun lɛ nan e `yi i ayɛ. E `to jue, yɛ e `bo jue tolɛ ninnge mun e `mɛnmɛn i.

Ezai 65:14

Be klun ´jɔ lele tratra su, i ti be ´bo sro, sanngɛ amun liɛ'n, nyrɛnnɛn b'ɔ wa tɔ amun su'n ti amun ´kplin. Yɛ awlaboɛ b'ɔ ´kun amun kpo'n ti, amun ´fɛfɛ.

Daniɛl 5:4

Be kwlaa sɔ'm be nɔnnin nzan, ɔ tili be kpa, kpɛkuun be manmannin amuɛn nga be fali sika ɔkwlɛ, nin jɛtɛ ufue, nin aaba, nin blalɛ, nin waka, ɔ nin yɛbuɛ be yoli'n.

Ndɛ Nga Nyanmiɛn I Nuan Ijɔfuɛ Oze Kannin'n 6:1

Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Zonas 2:2

Kɛ Zonas o jue'n i klun lɔ'n , ɔ srɛli Anannganman i Nyanmiɛn'n seli kɛ:

Zonas 2:7

N jrali lele n juli kan oka'm be bo'n fin lɔ'n. Blɔlɔ lɔ anuan dan'n nyinnin min su mlɔnmlɔn. Sanngɛ Anannganman min Nyanmiɛn, wɔ man n fin ngblɔn sɔ'n nun n fiteli sa bɔ cɛ, like fi sa ɔ'a yo-man min.

Mise 4:5

Like nga nvle kun nga'm be ko yo nan ɔ'a jɔ be amuɛn'm be klun'n, yɛ be yo-ɔ. E kusu e liɛ nga e ko yo nan ɔ ko jɔ Anannganman e Nyanmiɛn'n i klun titi'n yɛ e yo-ɔ.

Matthieu 26:30

Kɛ be toli Nyanmiɛn manmanlɛ jue'n, be ɔli Olivie Oka'n su lɔ.

JÉSUS-CHRIST I DYASIN FE'N BO LUC KLELI'N 22:44

Kɛ i awlaboɛ'n ´yo dan'n, ɔ miɛn i nyin kan ndɛ kle Nyanmiɛn cinnjin kpa, nvufle kpa'n tu i pataa, nvufle sɔ'n ɔ kaci kɛ mmoja sa, ɔ gua srosrosrosro.]

JÉSUS-CHRIST I DYASIN FE'N BO LUC KLELI'N 23:42

Yɛ ɔ seli kɛ: «Jésus, blɛ nga a wa di ɔ famiɛn'n, bu min akunndan.»

1 Korɛntfuɛ Mun 14:15

?Kɛ ɔ ti kɛ nga sa'n, n ´yo i sɛ? Sɛ ɔ ti sɔ'n, kɛ n ´kan ndɛ kle Nyanmiɛn'n, ndɛ ng'ɔ fa wla min nuan kɛ n kan'n yɛ n ´kan-an, sanngɛ kusu n ´wun i wlɛ yɛ n ´kan-an. Jue nga Nyanmiɛn fa wla min nuan kɛ n to'n yɛ n to-ɔ, sanngɛ kusu n ´wun i wlɛ yɛ n ´to-ɔ.

1 Korɛntfuɛ Mun 14:26

?Aniaan mun, sɛ ɔ ti sɔ'n, kɛ amun yia'n bɔ amun kwlaa an lɛ like bɔ an yo'n, bɔ kun to jue, kun kusu kle like wie, kun kan ndɛ bɔ Nyanmiɛn kan kleli i'n, kun ijɔ aniɛn wie'n, kun kusu kaci aniɛn wie, e yo i sɛ? An `yo i kwlaa sɔ'n man asɔnun'n yo kpa.

Efɛzfuɛ Mun 5:19

Kɛ amun ´koko yalɛ'n, an `kan Nyanmiɛn Jue fluwa nun ndɛ, yɛ an `to Nyanmiɛn manmanlɛ jue. An `tu amun klun to jue manman e Min'n, yɛ an `bo flɛ i.

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.

Jacques 5:10

Aniaan mun, Nyanmiɛn nuan ijɔfuɛ bɔ be kannin ndɛ e Min'n i dunman nun'n, kɛ be ´kle be nyrɛnnɛn'n, be trali be anwlɛn. An `nian be liɛ'n su.

Sa nglô yile 14:3

Be to jue uflɛ uflɛ kun bia'n, nin like nnan bɔ be ti kɛ nnɛn sa'n, ɔ nin kpɛnngbɛn'm be nyrun lɛ. Sran fi kwla-man jue sɔ'n suan, san sran akpi-akpi ya sran akpi-akpi ablanan-nin-nnan (144.000) bɔ be kpɔli be ti asiɛ'n su'n be ngunmin cɛ.

Sa nglô yile 7:10

Be kpan kekle kpa be se kɛ: «E Nyanmiɛn b'ɔ ti bia'n su'n, nin Bua Gbanflɛn'n, be ti yɛ e nyannin é ti-ɔ.»