Jacques 5:11 - NYANMIƐN NDƐ'N 1998

¹¹ Be nga be jrannin kekle'n, e se kɛ be liɛ su ti ye. An tili Zɔb i anwlɛn b'ɔ trali'n yɛ an wunnin i agualiɛ nga e Min'n man ɔ guɛli i'n, afin sran yo e Min'n i annvɔ, yɛ ɔ si i aunnvuɛ .

Nyanmien nde Ufle

¹¹ Bé nga bé dyraan kéklé'n, é sé ke, bé lie su ti yé. An tii Job i awlen b'o trelii'n, ye an wuun i agualie nga é Min'n mon o guelii'n, afin swran yô é Min'n i annvo, o si bé aunnvue.

Jacques 5:11 ပူးပေါင်းရင်းမြစ်များ

1 Be Nyoliɛ 21:13

David tɛli Gad su kɛ: «Min akunndan'n ɔ'a sanngan ɔ'a tra su. Sɛ n tɔ Anannganman sa nun'n, ɔ flunman tra kɛ n tɔ sran sa nun'n. Anannganman liɛ'n i aunnvuɛ silɛ'n lɛ-man sin.»

2 Be Nyoliɛ 30:9

Sɛ amun sa amún sin ba Anannganman wun'n, be nga be wa trali amún niaan mun nin amun mma mun'n, be ´si be aunnvuɛ, yɛ be ´yaci be nun be ´ba mɛn nga nun wa ekun. Afin sɛ amun sa amún sin ba Anannganman amun Nyanmiɛn'n sin'n, ɔ su kaci-mɛn i sin si-man amun, afin i klun ti kpa, yɛ ɔ si aunnvuɛ.»

Neemi 9:17

Bé nyin ɔ'a yi-man wɔ. Bé wla fili atrɛ fanunfanun nga a yili be'n. Be kpali be bɔbɔ bé su kpɛn. Be waan san be ´sa be sin Ezipt lɔ be ko yo kanga ekun. Sanngɛ ɔ liɛ'n, a ti Nyanmiɛn kun bɔ a yaci sa tɛ'n cɛ. A si aunnvuɛ, sran yo wɔ annvɔ. A fa-man ya ndɛndɛ, ɔ klun-ufue liɛ'n be kan-man, ɔ man w'a yi-man be ase.

Neemi 9:31

Sanngɛ wɔ aunnvuɛ silɛ dan'n ti w'a nunnun-man be, w'a yi-man be blo, afin a ti Nyanmiɛn kun b'ɔ si aunnvuɛ yɛ ɔ klun ti ufue.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 1:2

Ɔ wuli ba yasua nso nin ba bla nsan.

Zɔb I Nyrɛnnɛn Wunlɛ 2:10

Zɔb tɛli i su kɛ: «A kan ndɛ kɛ bla b'ɔ lɛ-man akunndan sa. ?Sɛ e nyan ye Nyanmiɛn sa nun'n, ɔ fata-man kɛ e nyan wlɛ?» I kwlaa sɔ nun'n, ndɛ tɛ kun sa ɔ'a fin-man Zɔb nuan ɔ'a fite-man.

Zɔb I Nyrɛnnɛn Wunlɛ 23:10

Sanngɛ ɔ si min ajalɛ nga n tu'n. Sa nianlɛ ng'ɔ su sa min nian yɛ, n ´fin nun n ´fite sa cɛ kɛ b'a wla sika ɔkwlɛ sin nun b'a yi sa .

Jue Mun 103:13

Kɛ siɛ kun fa si i mma'm be aunnvuɛ ju'n yɛ Anannganman kusu fa si be bɔ bé nyin yi'n be aunnvuɛ-ɔ.

Jue Mun 103:8

Anannganman klun ti ufue, ɔ si aunnvuɛ. Ɔ fa-man ya ndɛndɛ, i kpa liɛ'n, be flɛ-man .

Jue Mun 116:5

Anannganman yaci sa cɛ, ɔ yo sa i nuan su. E Nyanmiɛn'n si aunnvuɛ.

Jue Mun 119:132

Kaci ɔ́ nyin min wun wa, si min aunnvuɛ kɛ a fa si be bɔ be klo wɔ'n be aunnvuɛ'n sa.

Jue Mun 145:8

Anannganman yaci sa cɛ, ɔ si aunnvuɛ, ɔ fa-man ya ndɛndɛ, i kpa liɛ'n, be flɛ-man.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Jue Mun 51:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ David nin Bat-Seba be sili sua bɔ Natan b'ɔ ti Nyanmiɛn nuan ijɔfuɛ'n ko wunnin i wun'n, i sin yɛ ɔ kpɛli jue sɔ nin-ɔn . I waan:

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Jue Mun 94:12

Ee! Anannganman, sran nga a tu i fɔ'n, i liɛ su ti ye. Sran nga a fa ɔ mmla'n kle i ngwlɛlɛ'n, i liɛ su ti ye!

Ezipt Lɔ Tulɛ'n 34:6

I sin ɔ sinnin Moiz i nyrun lɛ, ɔ seli i ekun kɛ: «N ti Anannganman. N ti Nyanmiɛn aklunyefuɛ, nin aunnvuɛ sifuɛ, n fa-man ya ndɛndɛ. Min aklunye'n ti dan, yɛ sa nga n kan kɛ n ´yo be'n, n ´yo be.

Akunndanfuɛ'n 7:8

Like kwlaa i agualiɛ'n ɔ ti kpa trɛ i bo bolɛ'n. Amlin dilɛ ti kpa tra bé wun tulɛ.

Ezai 63:7

N ´kan Anannganman i klun-ufue b'ɔ ti'n i wun ndɛ, n ´kan n ´flan nun. Yɛ n ´kan ye b'ɔ yo ye'n, b'ɔ i ti yɛ e mɛnmɛn i'n, i kwlaa i wun ndɛ. Yɛ n ´kɛn i klun-ufue b'ɔ yi i nglo Izraɛlfuɛ'm be lika'n i wun ndɛ. Like ng'ɔ yoli mannin be i klolɛ'n nin i klun-ufue dan'n ti, n ´kɛn i kwlaa i wun ndɛ.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Ngwlɛ Yilɛ 3:22

Anannganman i klun-ufue'n ɔ nian wie-man, i sran klolɛ'n ɔ tɛ o lɛ.

Daniɛl 9:9

Sanngɛ ɔ liɛ'n e Min, e Nyanmiɛn, wɔ bɔ a si aunnvuɛ'n, bɔ ɔ klun ti ufue'n, kannzɛ bɔ e jasoli ɔ́ wun'n, a yacili e wun sa'n a cɛli ye.

Zoɛl 2:13

Amún wun tralɛ'm be nun titilɛ'n ti ngbɛn, amun anwlɛn ba'n yɛ ɔ fata kɛ an `kaci i-ɔ. An `kaci i nan an `sa amun sin Anannganman amun Nyanmiɛn'n i sin. I klun ti ufue, ɔ si aunnvuɛ. Ɔ fa-man ya ndɛndɛ. I klun-ufue liɛ'n gua lɛ ngbɛn yɛ be isa-a. Kɛ ɔ ko fua kɛ ɔ fa nyrɛnnɛn yi sran kun su'n, kpɛkuun i kunngba'n i sa sin ɔ'a bubu i, ɔ yo-mɛn i kun.

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›

Matthieu 10:22

Sran'm be kwlaa be wa kpɔ amun min ti, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

JÉSUS-CHRIST I DYASIN FE'N BO LUC KLELI'N 1:50

Kɛ ɔ fin lalafuɛ nun lele b'ɔ ´fa ju ndɛ'n, ɔ si be bɔ be sro i'n be aunnvuɛ titi.

JÉSUS-CHRIST I DYASIN FE'N BO LUC KLELI'N 11:10

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

JÉSUS-CHRIST I DYASIN FE'N BO LUC KLELI'N 6:36

An `si aunnvuɛ, kɛ amun Si kusu si aunnvuɛ'n sa.»

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Efɛzfuɛ Mun 1:6

nan y'a bo i dunman ye dan b'ɔ fɛli i anwlɛn su Ba'n yoli ye'n ti.

Efɛzfuɛ Mun 2:4

Sanngɛ Nyanmiɛn ti aunnvuɛ sifuɛ dan, ɔ man kɛ e tɛ yo kɛ sran bɔ ɔ'a wu sa i nyrun'n, klolɛ b'ɔ fa klo ye'n ti, ɔ mannin e nin Krist e nguan. Ye bɔ Nyanmiɛn yoli amun'n ti'n, ɔ yoli man amu'an nyan amún ti.

Hébreu 10:39

E liɛ'n, nán be nga be cuɛn bé wun kɔ siɛn'n b'ɔ man be mlin'n be wie yɛlɛ ye, sanngɛ e ti be nga be lafi Nyanmiɛn su bɔ be nyan bé ti'n be wie.

Hébreu 3:14

Afin sɛ e fa é wla gua Krist su lele guɛ i ti nin i bo kɛ i bo bolɛ nun sa'n, wuun e nin i e ti wiengu.

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 1:2

N niaan mun, sa fanunfanun ng'ɔ tɔ amun su'n, an `bu i amun cenjele like,

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

1 Piɛr 3:14

Sɛ bɔ an yo sa kpa nan i sɔ'n ti an wun nyrɛnnɛn'n, amun liɛ su ti ye! Nán an sro sran mun, nán amun akunndan sanngan.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.