Jacques 5:10 - NYANMIƐN NDƐ'N 1998

¹⁰ Aniaan mun, Nyanmiɛn nuan ijɔfuɛ bɔ be kannin ndɛ e Min'n i dunman nun'n, kɛ be ´kle be nyrɛnnɛn'n, be trali be anwlɛn. An `nian be liɛ'n su.

Nyanmien nde Ufle

¹⁰ Aniaan mun, Nyanmien nuan idyofue bo bé kan nde é Min'n i dunman nun'n, ke béh kléh bé nyrennen'n bé tra bé awlen. Anh nian bé lie'n su.

Jacques 5:10 ပူးပေါင်းရင်းမြစ်များ

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Ezai 39:8

Ezekias tɛli Ezai su kɛ: «Jasin nga Anannganman fa wlali ɔ́ nuan kɛ a bo kle min'n ti jasin fɛ, afin min blɛ su'n, aunjuɛ cɛ yɛ e ´nyɛn i-ɔ, yɛ alaje cɛ yɛ e ´di-ɔ!»

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 23:22

Sɛ ɔ ti kɛ e nin min sran mun e ´koko e yalɛ-ɔ be trɛnnin i bo'n, wuun ndɛ nga e kannin'n be ko kan kleli min sran mun man be yacili ajalɛ tɛ tulɛ'n, wuun be guali be aeliɛ tɛtɛ'm be ase.»

Zeremi 26:16

Kpɛkuun famiɛn i awlo lɔ sran dandan mun nin sran nga be o lɛ'm be kwlaa be seli Nyanmiɛn nyrun jranfuɛ mun nin Nyanmiɛn nuan ijɔfuɛ'm be kɛ: «Bian nga nin wulɛ fata-man. Anannganman e Nyanmiɛn'n yɛ ɔ fali ndɛ ng'ɔ kannin'n wlɛli i nuan kɛ ɔ `kan-an.»

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

JÉSUS-CHRIST I DYASIN FE'N BO LUC KLELI'N 6:23

Kɛ be ´yo amun sɔ'n, man amun klun jɔ, yɛ an `si able, yɛlɛ kɛ amun mo'n ɔ wa yo dan nyanmiɛn su lɔ, afin kɛ be nannan'm be yoli Nyanmiɛn nuan ijɔfuɛ'm be sɔ-ɔ.

Sa nga bé yôli'n 3:21

Kɛ e o yɛ liɛ'n, ɔ fata kɛ ɔ tran nyanmiɛn su lɔ lele san ɔ ´ju blɛ nga Nyanmiɛn ´yo ninnge'n kwlaa be uflɛ ekun'n. Ɔ man i nuan ijɔfuɛ'm be dun mmua kɛnnin i sɔ laa.

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.

Hébreu 13:7

An `bu amun kpɛnngbɛn bɔ laa be kan Nyanmiɛn ndɛ kleli amun'n be akunndan. An `nian be nzuɛn'n nin be agualiɛ'n, an `nian kɛ be fa lafili Nyanmiɛn su'n, an `lafi i su sɔ wie.

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

Jacques 5:13

Sɛ nyrɛnnɛn wo amun nun wie su'n, man ɔ koko kle Nyanmiɛn. Sɛ amun nun wie klun ti jɔwa'n, man ɔ to jue manman Nyanmiɛn.

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.

Jacques 5:9

Aniaan mun, nán an kan amun wiengu wun ndɛ tɛ man Nyanmiɛn bu amun fɔ, afin i yɛ ɔ ti Jɔlɛ Difuɛ nin-ɔn, ɔ jin anuan'n sin.