Jacques 5:1 - NYANMIƐN NDƐ'N 1998

¹ Anyanbeunfuɛ mun, an `sie amún su! Nyrɛnnɛn b'ɔ wa tɔ amún su'n ti'n, an `bo awuyomo, yɛ an `sun!

Nyanmien nde Ufle

¹ Anya béunfue mun, anh sié amun su! Nyrennen b'o wa to amun su'n ti, anh bô auyé, anh sun!

Jacques 5:1 ပူးပေါင်းရင်းမြစ်များ

Jue Mun 17:14

Anannganman, yo man n fin bé sa nun n fite. Bu klunwifuɛ mun nin be mma mun, ɔ nin be anunman mun be fɔ.

Nyanndra Mun 11:28

Sran ng'ɔ fɛ i wla'n kwlakwla guɛ i anyanbeun'n su'n, san tɔlɛ yɛ ɔ ´tɔ-ɔ. Klun-ufuefuɛ'm be liɛ'n, be bua kɛ waka nnya sa.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Ezai 13:6

Amun `bo awuyomo, afin Anannganman i cɛn'n ɔ'a mantan koko. Ɔ ´ba kɛ Anannganman b'ɔ kwla like'n kwlaa yo'n i like b'ɔ saci like'n kwlaa'n sa .

Ezai 15:3

Klɔ'm be atin'm be nun'n, a ´wun sran mun-ɔn, bajɛ tralɛ yɛ ɔ wla bé wun-ɔn. Sran'm be fu sua'm bé ti gbagblagba'm be su, annzɛ be tran gua'm be su be yi ngwlɛ, yɛ be sun kpa piaan.

Zeremi 4:8

I ti-ɔ, an `wla bajɛ tralɛ. An `sun, an `man sunlɛ jue'n su, afin é wun ya dan bɔ Anannganman fali'n, ɔ nian wie-mɛn i klun.

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Ezekiɛl 19:2

n se kɛ: «?Laa amún nin ti sɛ? Ɔ ti kɛ asɔmɔli bla b'ɔ la asɔmɔli yasua'm be afiɛn'n sa. Ɔ la asɔmɔli nga b'a kpɛ cro'n be afiɛn, yɛ ɔ tɛ i mma kanngan mun-ɔn.

Ezekiɛl 30:2

«Klɔ sran, kan sa nga be wa ju'n mun. Se kɛ ndɛ nga min Anannganman Nyanmiɛn n kan'n yɛ: ‹Amun `bo awuyomo! Ee nguɛ cɛn yɛlɛ nga!

Zoɛl 1:11

Fie difuɛ'm bé wun ɔ'a fɔ, vinyi fie difuɛ'm be su fɛfɛ. Ble nin ɔrz bɔ b'a saci'n ti be su fɛfɛ. Like nga afuɛ nuan'n yiali bɔ be nyɛnnin i fie su lɔ'n, i sɔ like'n kwlaa sacili.

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Zoɛl 1:5

Nzannunmunfuɛ mun, an `tinnge nan amun `sun! Nzan nɔnfuɛ mun, amun ngba an `koko, afin vinyi mma nzue'n ɔ'a wie. Amun su nyan-man nzan lɔflɛ be ko nɔn-mɛn i kun.

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Jacques 1:11

Wia'n fi, ɔ bo waka'n fiaan, i nyrɛ'n gua, kpɛkuun i nyrunnyan'n ɔ'a kpa. Anyanbeunfuɛ'n kusu, kɛ ɔ wa yaci i ninnge ng'ɔ yo be'n ɔ kpɛ kpo wu sɔ-ɔ .

Jacques 2:6

Sanngɛ amun liɛ'n, an bu-man yalɛfuɛ'm be sran. ?Nán anyanbeunfuɛ mun yɛ be mianmian amun be fa amun kɔ jɔlɛ difuɛ'm be ja su nin-ɔn?

Jacques 4:13

Amun bɔ an se kɛ: « Ndɛ annzɛ ainman e ´kɔ klɔ nga su, e ´di afuɛ kun lɔ, e ´di aata, yɛ e ´nyan sika'n,» an `sie amun su.

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.