Jacques 4:8 - NYANMIƐN NDƐ'N 1998

⁸ An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

Nyanmien nde Ufle

⁸ Anh fa amun wun mantan Nyanmien, ye i kusu feh i wun mantan amuon. Sa te yôfue mun, anh wunnzin amun sa, akunndan nnyonnyonfue mun, anh yatyi akunndan tete'n.

Jacques 4:8 ပူးပေါင်းရင်းမြစ်များ

Bo Bolɛ 18:23

Abraam wunngeli Anannganman wun lɔ, ɔ usɛli i kɛ: «?Nan a ´kan sran kpa mun nin sran tɛ mun bo nun a ´nunnun be ngba?

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

Zɔb I Nyrɛnnɛn Wunlɛ 16:17

Kusu wuun m'an yo-man sa tɛ. Kɛ n ´srɛ Nyanmiɛn'n, min akunndan nun ti weiin.

Zɔb I Nyrɛnnɛn Wunlɛ 17:9

Man be bɔ be ti sɛsɛ'n, be tran cinnjin atin bɔ be fali'n i su. Man be bɔ be ti saun'n, be tra be anwlɛn.

Zɔb I Nyrɛnnɛn Wunlɛ 9:30

Man min li n wunnzin sanmlan nun, man n fa blɔ n wunnzin n sa nun,

Jue Mun 119:113

N klo-man sran nga be akunndan'n ti nnyɔn-nnyɔn'n bé sa. Min liɛ'n, ɔ mmla'n yɛ n klo i-ɔ.

Jue Mun 145:18

Be kwlaa nga be kpan flɛ Anannganman'n, ɔ mantan be. Sɛ be kpan flɛ i bɔ gblɛ nun-man nun'n, ɔ mantan be.

Jue Mun 18:20

Ɔ yili min fiteli, ɔ deli min, afin ɔ klo min.

Jue Mun 24:4

?Nán sran nga ɔ'a yo-man sa tɛ fi, b'ɔ sa tɛ nun-mɛn i anwlɛn'n nun, b'ɔ ti-man ato buafuɛ, b'ɔ ta-man nda ngbɛn-ngbɛn nin-ɔn ?

Jue Mun 26:6

Anannganman, n ´wunnzin mín sa nun man be ´wun kɛ m'an yo-man sa. M ´bo sin yia ɔ sɔwlɛ'n.

Jue Mun 51:10

Kan ndɛ fɛ kle min man min wun kpaja min nan n klun jɔ. Sɛ a yo sɔ'n, min bɔ a kleli min nun'n, min wun ɔ ´sanndi min.

Jue Mun 73:13

Yoo! Min waan n ´tran sein nan n yo-man sa tɛ'n, kannzu n yoli sɔ ngbɛn!

Jue Mun 73:28

Sanngɛ Nyanmiɛn i tranlɛ bɔ e nin wɔ tran'n ɔ ti min anyanbeun like. Min min Anannganman, n ´fa mín wla'n n gua ɔ su. N ´kan sa kpakpa nga a yoli be'n mun n ´kle sran'm be kwlaa.

Ezai 13:15

Be nun sran kwlaa nga be to i'n, be ´fa ta be ´srɛn-srɛn i, be kwlaa nga be tra be'n, be ´kun be nin tokofi.

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Zeremi 4:11

Kpɛkuun Anannganman'n ´se Zerizalɛmfuɛ'm be kɛ: «Aunngban klakla'n ng'ɔ fin aawlɛ flɛnnɛn'n nun ba kpɔlɛ'm be su'n, ɔ wa fita min nvle'n su. Nán aunngban kanngan ng'ɔ ´fita-a, be fa kpaja ninnge'm be nun nin-ɔn.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Ngwlɛ Yilɛ 3:57

Kɛ n flɛli wɔ'n, a wunngeli mín wun. A seli min kɛ: «Nán srɛ kun wɔ .»

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Malasi 3:7

ajalɛ kunngba nga amún si nin amun nannan'm be tuli'n, yɛ amun wo su lɛ-ɔ. Ndɛ nga n kan kleli amun'n, ɔ guali amún su sin, amu'an fa-man su. Amun `fa amún wun be `mantan min nan n kusu n `fa mín wun m `mantan amun. Min Anannganman b'ɔ n sie mɛn wunmuan'n yɛ n kɛn i sɔ n kle amun-ɔn. Sanngɛ amun ko usa kɛ yoo: ‹?E sin salɛ sɛ yɛ ɔ waan e `sa-a?›

Matthieu 12:33

«Man be se kɛ waka ng'ɔ ti kpa'n ɔ su mma kpakpa, yɛ waka ng'ɔ ti-man kpa'n ɔ su-man mma kpakpa, afin kɛ waka kun ti'n, yɛ i mma'n ti-ɔ .

Matthieu 15:2

«?Nguɛ ti yɛ ɔ sɔnnzɔnfuɛ'm be fa-man e nannan'm be nzuɛn'n su-ɔ? ?Nguɛ ti yɛ be wunnzin-man bé sa nan b'a di like-ɔ?»

Matthieu 27:24

Kɛ Pilat wunnin kɛ ɔ su kwla yo-man sa fi bɔ alowa'n yo dan tra su'n, ɔ fa nzue wunnzinnin i sa nun sran'm be nyrun lɛ, yɛ ɔ seli kɛ: «Sran nanwlɛfuɛ nga i kunlɛ'n, n liɛ nun-man nun, amun bɔbɔ amun ndɛ-ɔ .»

Sa nga bé yôli'n 15:9

Ɔ'a bu-man ye kpa a tra-man be, afin Jésus su bɔ be lafi'n ti, Nyanmiɛn man bé wun sa'n kwlaa wieli.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

Hébreu 7:19

Mmla sɔ'n man like fi kwla yo-man kpa, yɛ like uflɛ bɔ i kpa trɛ i'n, bɔ e kwla fa é wla'n gua su'n, be fa sieli i osu, ɔ man e kwla mantan Nyanmiɛn.

Jacques 1:8

Ɔ ti sran bɔ i akunndan'n ti nnyɔn-nnyɔn. I sa'n kwlaa nun ɔ kacikaci.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 3:21

Nzue sɔ'n ti batɛm b'ɔ man amu'an nyan amún ti ndɛ'n i nzɔliɛ. Nán kɛ ɔ wunnzin amun wunnɛn'n su fiɛn-ɔn, sanngɛ ɔ man e srɛ Nyanmiɛn kɛ nán man e klun titi ye kun. Jésus-Krist i cɛnlɛ'n ti yɛ e nyannin é ti-ɔ.

1 Jean 3:3

Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.

1 Samiɛl 14:35

Sail i Nyanmiɛn sɔwlɛ klikli'n b'ɔ ´kplan man Anannganman'n yɛ ɔ o lɛ-ɔ.