Jacques 4:5 - NYANMIƐN NDƐ'N 1998

⁵ ?Nyanmiɛn Ndɛ nga be klɛli i kɛ Nyanmiɛn Wawɛ'n b'ɔ fa mannin ye'n jrɛn i nuan si i ti kwla'n, an bu i kɛ be klɛli i ngbɛn ?

Nyanmien nde Ufle

⁵ ?An bu i ke Nyanmien Nde nga bé klee ke, Nyanmien Wawe'n b'o fa maan yé'n dyren i nuan si i ti kwla'n, bé klee ngben?

Jacques 4:5 ပူးပေါင်းရင်းမြစ်များ

Bo Bolɛ 26:14

B'ɔ ti kɛ klɔ nnɛn sa'n, i bua o, i boli o, i nannin o, ɔ nyannin wie kpa. Yɛ i sa nun sran'm be sɔnnin. Filistifuɛ'm be nyin bloli Izaak i ninnge'm bé wun.

Bo Bolɛ 30:1

Kɛ Rasɛl wunnin kɛ ɔ wu-man ba man-man Zakɔb'n, i nyin bloli i niaan bla'n wun, ɔ seli Zakɔb kɛ: «Yo man n wu ba. Sɛ ɔ'a yo-man sɔ-ɔ, n ´wu.»

Bo Bolɛ 37:11

I niaan'm bé nyin bloli i wun. I si kusu fali sa sɔ'n sieli i klun.

Bo Bolɛ 38:9

Sanngɛ, Ɔnan si kɛ sɛ ɔ nin i niaan bian'n i angboti'n be ´wu ba'n, ɔ su yo-mɛn i liɛ. I sɔ'n ti kɛ ɔ nin i be la, ɔ biebie asiɛ wun kɛ ɔ yo nan ɔ'a wu-man ba ɔ'a mɛn-mɛn i niaan bian'n ti.

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Jue Mun 106:16

Kɛ be o nanmue nun lɔ'n, be fali bé nyin cili Moiz nin Aarɔn bɔ be fɛli i be wlali Anannganman sa nun'n,

Jue Mun 37:1

Jue nga ti David liɛ. I waan: Nán fa ya be nga be yo sa tɛ'n bé wun. Nán ɔ́ nyin blo be nga be fɔn mmla'n bé wun.

Nyanndra Mun 21:10

Klunwifuɛ'n i klun akunndan'n yɛlɛ i wiengu tɛ yolɛ. I janvuɛ mun bɔbɔ, ɔ yaci cɛ-man be.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Ezai 11:13

Kɛ ɔ yo sɔ'n, Efraim i kwla silɛ'n ɔ ´wie, yɛ Zida i kpɔfuɛ'm be ´wie nunnun. Efraim i nyin su blo-man Zida wun kun, yɛ Zida i nyin su ci-man Efraim kun.

Kalɛ 11:29

Moiz tɛli i su kɛ: «?A su si mín ti kwla? ?Sɛ i li Anannganman fɛ i Wawɛ'n sie i nvlefuɛ'm be kwlaa be su nan be ijɔ i nuan'n, nán ndɛ fɛ-ɔ?»

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Jean 10:35

E si kɛ sran fi kwla nunnun-man Nyanmiɛn ndɛ nga be klɛli'n. Be klɛli i kɛ be nga Nyanmiɛn fɛ i mmla mannin be'n be ti kɛ Nyanmiɛn sa.

Jean 19:37

Yɛ be kɛn i Nyanmiɛn Ndɛ'n nun lika uflɛ ekun kɛ: «Be ´nian sran nga be bɔbɔ be wɔli i cua'n .»

Jean 7:42

?B'a klɛ-mɛn i Nyanmiɛn Ndɛ nga be klɛli'n nun kɛ Krist'n ´fin David osu'n nun, b'a klɛ-mɛn i kɛ ɔ fin Bɛtleɛm b'ɔ ti David i klɔ'n i su lɔ ?»

Sa nga bé yôli'n 7:9

E nannan'm bé nyin cili Zozɛf, nan b'a yo i atɛ kɛ kanga sa nan be `fɛ i ɔ Ezipt, sanngɛ Nyanmiɛn jrɛnnin i sin .

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

Rɔmfuɛ Mun 9:17

Afin e kɛnngɛn i Nyanmiɛn ndɛ nga be klɛli'n nun kɛ Nyanmiɛn seli Ezipt famiɛn kɛ: «N sieli wɔ famiɛn kɛ n ´fa wɔ n yi mín wun nglo kɛ n kwla sa'n kwlaa yo nan n dunman'n fu mɛn wunmuan'n nun.»

1 Korɛntfuɛ Mun 6:19

?An si-man kɛ amun wunnɛn'n ti Nyanmiɛn i Wawɛ'n b'ɔ fa mannin amun b'ɔ wo amun nun'n i sua, ɔ man an di-man amun tiaun?

2 Korɛntfuɛ Mun 6:16

?Be kwla fa sua kun yo Nyanmiɛn nin amuɛn'm bé sua? Afin e ti Nyanmiɛn b'ɔ lafi-man'n i sua, afin Nyanmiɛn bɔbɔ waan: «Min nin be e ´tran, e ´san nun, n ´yo be Nyanmiɛn, yɛ be kusu be ´yo n sran .»

Galasifuɛ Mun 3:8

Yɛ be boli su Nyanmiɛn Ndɛ nga be klɛli'n nun kɛ cɛn wie be nga be ti-man Zuif bɔ be lafi Nyanmiɛn su'n, ɔ ´bu be sran kpa, ɔ man ɔ boli ndɛ fɛ sɔ'n su kleli Abraam, ɔ seli i kɛ: «Ɔ ti'n, n ´yo nvle-nvle'm be kwlaa be nunfuɛ'm be ye .»

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.