Jacques 4:4 - NYANMIƐN NDƐ'N 1998

⁴ An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Nyanmien nde Ufle

⁴ An ti ke bla b'o kunnde bian i wun bô sa. ?An si'a ke swran ng'o klô men'n i dile'n, wuun o kpo Nyanmien? O man swran nga i waan oh fah men'n teke i ti su'n, o katyi Nyanmien i kpofue.

Jacques 4:4 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Jue Mun 21:8

Famiɛn'n ɔ fɛ i wla'n gua Anannganman su. Nyanmiɛn'n bɔ like fi nun-mɛn i sin'n, i kpa b'ɔ yo famiɛn sɔ'n ti, sa fi su nyɛn-mɛn i.

Jue Mun 50:18

Kɛ a wun awiefuɛ'n, a nin i-ɔ, sran ng'ɔ kunndɛ bla i yi bo annzɛ bian i wun bo'n, a nin i bé bo ti kun.

Jue Mun 73:27

Be nga be jaso ɔ wun lɛ be kɔ mmua'n, san be ´tɔ. Yɛ be nga be kaci be sin si wɔ'n, a yi be sran nun mlɔnmlɔnmlɔn.

Ezai 57:3

Amun bɔ amun ti bla'n b'ɔ yi wunnzue'n i mma mun'n, amun bɔ amun kunndɛ bla nin bian amún yi nin amún wun'm be bo'n, amun bɔ amun bo tekle'n, amun `wunnge wa.

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zeremi 9:2

«B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Ezekiɛl 16:32

Ɔ liɛ'n, a ti kɛ bla b'ɔ lɛ bian b'ɔ nin bian uflɛ be la'n sa.

Ndɛ Nga Nyanmiɛn I Nuan Ijɔfuɛ Oze Kannin'n 3:1

Anannganman'n seli min kɛ: «Kɔ nan bla nga b'ɔ lɛ bian, bɔ sanngɛ bian cɛ yɛ ɔ kunndɛ i wun bo'n, a nin i be ko la ekun. Klo i kɛ m bɔbɔ min Anannganman n fa n kloli Izraɛlfuɛ mun sa, bɔ sanngɛ amuɛn mun yɛ be kpɛ be sin atin-ɔn. Yɛ vinyi mma gato dilɛ yɛ be klo-ɔ.»

Matthieu 12:39

Yɛ ɔ seli be kɛ: «Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be klo kɛ be `yi atrɛ kle be. Be su yi-man atrɛ fi kle-man be san Nyanmiɛn nuan ijɔfuɛ Zonas liɛ'n cɛ.

Matthieu 16:4

Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be waan be yi atrɛ kle be. Be su yi-man atrɛ fi kle-man be, san Zonas liɛ'n cɛ yɛ be ´yi-ɔ .» I sin ɔ yaci be lɛ ɔli.

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

JÉSUS-CHRIST I DYASIN FE'N BO LUC KLELI'N 19:27

Siɛn'n, be nga be kpɔ min bɔ be klo-man kɛ n `sie be'n, an `fa be bla wa kun be min nyrun wa.› »

Jean 15:19

Sɛ an ti mɛn nga nunfuɛ wie'n, wuun be klo amun yɛlɛ kɛ an ti be fuɛ. Sanngɛ kɛ n fali amun'n, n yili amun mɛn nunfuɛ'm be nun, i ti yɛ man be kpɔ amun nin-ɔn.

Jean 17:14

N kannin ɔ ndɛ'n kleli be, ɔ man mɛn nunfuɛ'm be kpɔ be, afin be ti-man mɛn nunfuɛ kɛ n kusu n ti-man mɛn nunfuɛ'n sa.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Rɔmfuɛ Mun 5:10

Afin sɛ laa bɔ e ti Nyanmiɛn i kpɔfuɛ'n b'ɔ fɛ i Wa'n siesieli ye afiɛn'n, siɛn'n bɔ e nin i ye afiɛn a sɛ'n, i Wa'n i nyin b'ɔ o su'n ti ɔ ´de é kpɛ blu.

Rɔmfuɛ Mun 8:7

Afin be nga klɔ sran ninnge'n lo be'n, be kpɔ Nyanmiɛn, be klo-man kɛ be fa Nyanmiɛn mmla'n su, yɛ kusu be kwla fa-man su bɔbɔ.

1 Korɛntfuɛ Mun 1:20

?Ngwlɛlɛ sifuɛ'n wo nin? ?Mmla sifuɛ'n wo nin? ?Blɛ nga nun be bɔ be kunndɛ kɛ be ´si sa'm bé bo'n be o nin? ?Sran nga be ti ngwlɛlɛfuɛ mɛn nga nun'n, Nyanmiɛn bu-man be sinnglinfuɛ?

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

Galasifuɛ Mun 1:10

?Ndɛ nga n ´kɛn i yɛ'n, sran'm be nyrun annzɛ Nyanmiɛn nyrun dunman yɛ n kunndɛ-ɔ? ?N waan n ´yo sɔ nan sran'm be klo min sa? Sɛ n waan n ´yo sɔ nan sran'm be klo min sa'n, wuun n su yo-man Krist i sran.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.