Jacques 4:2 - NYANMIƐN NDƐ'N 1998

² An klo kɛ amun ´nyan ninnge mun, sanngɛ an nyan-man be, ɔ man an kun sran. Amún nyin blo sran like su, kɛ an nyɛn-mɛn i'n, an si akplowa, yɛ an di utre. Like nga an klo i'n, an nyɛn-mɛn i, afin an srɛ-man Nyanmiɛn kɛ ɔ fa man amun.

Nyanmien nde Ufle

² An klô ke amunh nyanh ninngé mun, sannge an nyenmen, o man an kun swran. Amun nyin blô swran liké su, ke an nyenmen'n, an si akplôwa, an di utré. Liké nga an klôé'n, an nyenmen, afin an sre'a Nyanmien ke o fa man amun.

Jacques 4:2 ပူးပေါင်းရင်းမြစ်များ

1 Famiɛn Mun 21:6

Akab tɛli i su kɛ: «N seli Nabɔt b'ɔ ti Zizreɛlfuɛ'n kɛ ɔ fɛ i vinyi fie'n man min man n to, annzɛ sɛ ɔ klo'n, n ´fa vinyi fie uflɛ n ´sie i osu, kpɛkuun ɔ tɛli mín su kɛ: ‹N fa-man min vinyi fie'n n man-man wɔ.› »

Nyanndra Mun 1:19

Be nga be waan be ´kpli be ´nyan bé wun'n, ɔ lɛ cɛn bɔ be anyanbeun sɔ'n ɔ ´kun be-ɔ. Sran nga be konvi'n ti kpli'n, be nguan'n kpɛ sin .

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Ezai 7:12

Sanngɛ Akaz tɛli su kɛ: «N su usa-man like fi, n su sa-man Anannganman n nian-man.»

Abakik 2:5

Nanwlɛ, wunmiɛn'n ti tɛ: tutre difuɛ'm be tran-man diin mlɔnmlɔn. Be lɛ konvi kɛ blɔlɔ lɔ klɔ dan'n sa bɔ kannzɛ sran'm be ´wu sɛ sanngɛ ɔ flɛn-mɛn i'n. Be ti kɛ anannganman wie'n sa, bé nyin yi-man like. Asiɛ'n su nvle'm be kwlaa'n, tutrefuɛ sɔ'm be waan be yɛ be sie be-ɔ.

Jean 16:24

Lele ndɛ'n, an nian srɛ-man like fi min dunman nun. An `srɛ, amun ´nyɛn i yɛ amun klun'n ´jɔ lelele.»

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Jacques 5:6

An buli be nga be ti sran kpa'n be fɔ, yɛ an kunnin be, be nin amun a kpli-man.

1 Jean 3:15

Sran kwlaa ng'ɔ kpɔ i niaan'n, wuun ɔ ti sran kunfuɛ, yɛ an si kɛ sran kunfuɛ'n ɔ lɛ-man anannganman nguan.