Jacques 4:17 - NYANMIƐN NDƐ'N 1998

¹⁷ Sran ng'ɔ si kɛ like nga sɛ ɔ yo-ɔ ɔ ti kpa b'ɔ yo-man'n, wuun ɔ'a yo sa tɛ.

Nyanmien nde Ufle

¹⁷ Swran ng'o si ke liké nga se o yôo o ti kpa, b'o yôman'n, wuun wa yô sa te.

Jacques 4:17 ပူးပေါင်းရင်းမြစ်များ

Jean 13:17

Sɛ an si sa sɔ'n nan an fa su'n, amun liɛ su ti ye.

Jean 15:22

Sɛ m'an ba-man m'an kan kle-man be'n, wuun be su bu-man be sa tɛ yofuɛ. Sanngɛ siɛn'n, be kwla yi-man bé ti bé sa tɛ'n bo kun.

Jean 9:41

Jésus tɛli be su kɛ: «Sɛ an ti anyansifuɛ'n, wuun be bu-man amun sa tɛ yofuɛ, sanngɛ kɛ amun waan an wun ase'n, ɔ man amún sa tɛ'n ´ka amun wun.»

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 7:13

?Ɔ man like ng'ɔ ti kpa'n yɛ man n nyannin wie nin-ɔn? Ɔ ti-man sɔ mlɔnmlɔn! Sɛ sa tɛ'n ti sran'n, wuun n ´se kɛ i yɛ ɔ fa like kpa sɔ'n yo like b'ɔ man n nyannin wie nin-ɔn, ɔ man ɔ kle kɛ sa tɛ'n ti tɛ. Kɛ ɔ ´yo sɔ'n, ɔ fa mmla kun sɔ'n kle weiin kɛ sa tɛ'n ti tɛ sakpa.

2 Piɛr 2:21

Sɛ b'a wun-man atin ng'ɔ ti kpa'n, ɔ ti kpa tra kɛ be wunnin i bɔ be yaci Nyanmiɛn mmla'n b'ɔ fa mannin be'n.