Jacques 4:12 - NYANMIƐN NDƐ'N 1998

¹² Nyanmiɛn kunngba'n b'ɔ sieli mmla'n, b'ɔ jran su di jɔlɛ'n, i yɛ ɔ man sran nguan-an, i yɛ man sran wu-ɔ. ?A ti ɔ liɛ sɛ bɔ a bu ɔ niaan fɔ-ɔ?

Nyanmien nde Ufle

¹² Nyanmien kunngba'n b'o siéé mmla'n, b'o dyran su di dyole'n, i ye o man swran nguaan, i ye man swran wuo. ?A ti o lie se bo a bu o niaan foo?

Jacques 4:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 38:2

?Wan yɛlɛ wɔ ti yɛ man a fa ndɛ nga a si-man be mun a fa sanngan sa nga n jajali be'n be nun nin-ɔn?

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

JÉSUS-CHRIST I DYASIN FE'N BO LUC KLELI'N 12:5

M ma kle amun sran nga bɔ yɛ an `sro i'n. An `sro Nyanmiɛn bɔ kɛ ɔ kun sran'n, ɔ kwla fɛ i yi nyrɛnnɛn lika nun'n, i yɛ an `sro i-ɔ.

Rɔmfuɛ Mun 14:13

I sɔ'n ti'n, nán man e kan e wiengu wun ndɛ kun, sanngɛ an `bu akunndan, nán an yo sa ng'ɔ saci amun niaan b'ɔ man ɔ ´yo sa tɛ'n.

Rɔmfuɛ Mun 14:4

?A ti ɔ liɛ sɛ bɔ a kan ɔ niaan wie i junman difuɛ'n i wun ndɛ-ɔ? Sɛ i nzuɛn ti kpa o, sɛ ɔ ti-man kpa o, nán ɔ ndɛ-ɔ, i min'n i ndɛ-ɔ. Ɔ ´yo kpa, afin e Min'n kwla suɛn i bo man ɔ yo kpa.

Rɔmfuɛ Mun 2:1

I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Rɔmfuɛ Mun 9:20

?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

Jacques 5:9

Aniaan mun, nán an kan amun wiengu wun ndɛ tɛ man Nyanmiɛn bu amun fɔ, afin i yɛ ɔ ti Jɔlɛ Difuɛ nin-ɔn, ɔ jin anuan'n sin.

1 Samiɛl 25:10

Kpɛkuun Nabal liɛ ng'ɔ ´fa tɛ bé su'n yɛlɛ kɛ: «?Wan yɛ be flɛ i David nin-ɔn? ?Wan yɛlɛ Izai i wa'n? Le nnyɔn nun kanga nga be wanndi bé si'm bé sa nun'n be di-man be yalɛ.