Jacques 4:11 - NYANMIƐN NDƐ'N 1998

¹¹ Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

Nyanmien nde Ufle

¹¹ Aniaan mun, nanh an kan amun wiéngu wun nde. Swran ng'o ken i niaan wun nde, annze o bu i fo'n, wuun mmla'n ye o ken i nde ke o ti sa o ti saa. O man se an sé ke mmla'n ti sa ti sa'n, wuun an fa'a su, i nde ye an kaan.

Jacques 4:11 ပူးပေါင်းရင်းမြစ်များ

Jue Mun 140:11

Man sɛnmlɛn kpukpu gua bé su. Man be kan bé bo guɛ i sin'n nun. Man be kan bé bo guɛ i ngblɔn nga be tɔ nun-ɔn be fite-man kun'n i nun.

JÉSUS-CHRIST I DYASIN FE'N BO LUC KLELI'N 6:37

«Nán an kan sran wun ndɛ, yɛ Nyanmiɛn su kan-man amún wun ndɛ, nán an bu sran fɔ, yɛ Nyanmiɛn su bu-man amun fɔ, an `yaci sa nga be yo amun'n cɛ , yɛ Nyanmiɛn kusu ɔ ´yaci amun liɛ'n cɛ amun-ɔn.

Rɔmfuɛ Mun 2:1

I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Rɔmfuɛ Mun 2:13

Nán be nga be si mmla'n yɛ be ti sran kpa Nyanmiɛn nyrun-ɔn, sanngɛ be nga be fa su'n be yɛ Nyanmiɛn ´bu be sran kpa-a.

Rɔmfuɛ Mun 7:7

?Ɔ man e ´se sɛ? ?E ´se kɛ mmla'n ti sa tɛ? Ɔ ti-man sɔ mlɔnmlɔn! Afin sɛ ɔ ti-man mmla'n ti'n, wuun n si-man kɛ sa tɛ'n ti tɛ, yɛlɛ kɛ sɛ ɔ ti-man kɛ be klɛli i mmla'n nun kɛ: «Nán ɔ́ nyin blo ɔ wiengu like su'n,» wuun n si-man like nga be flɛ i kɛ bé nyin blo like su'n .

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 12:20

Kɛ n ko ju amun wun lɔ'n bɔ n su wun-man amun kɛ nga m bu i akunndan kɛ n ´wun amun su'n sa'n, bɔ n kusu an su wun-man min kɛ nga an bu i akunndan kɛ amun ´wun min su'n sa'n, i sɔ ti yɛ man srɛ kun min-ɔn. Kɛ n ´ju lɔ'n bɔ n ´wun kɛ amun wie'm be di utre, wie nyin ci i wiengu, wie fa ya, wie si akplowa, wie kan sran wun ndɛ, wie bla, wie tu i wun, yɛ wie kpɛ saɛ'n, i sɔ'n ti yɛ man srɛ kun min-ɔn.

Efɛzfuɛ Mun 4:31

An `wla klunwi'n, nin anwlɛn fufu'n, nin ya falɛ'n, nin ndɛnngan'n, nin sran wun sacilɛ'n, ɔ nin sran kpɔlɛ'n be kwlaa be ase.

1 Timote 3:11

Man bé yi'm be kusu be yo sran nanwlɛfuɛ, nán man be yo abla difuɛ, man be yo akunndanfuɛ, man be yo sran bɔ be kwla fa be wla gua be su sa'n kwlaa nun.

2 Timote 3:3

be su klo-man sran, be yo be sa-a be su yaci cɛ-man, be ´di abla, be su si-man bé wun su nian, be ´yo wlɛ, be ´kpɔ sran kpa mun,

Tite 2:3

Kan kle bla kpɛnngbɛn'm be kɛ be kusu be yo sa nga Nyanmiɛn sran yo-ɔ ɔ ti su'n. Nán man be di abla, yɛ nán man be yo nzan nɔnfuɛ. Man be yo sa ng'ɔ ti kpa'n

Jacques 1:16

N niaan kpa mun, nán an laka amun wun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

Jacques 2:8

Nanwlɛ, mmla nga wie nun-mɛn i sin'n, bɔ be klɛli i Nyanmiɛn Ndɛ'n nun kɛ: «Klo ɔ wiengu kɛ a fa klo ɔ bɔbɔ wun'n sa'n,» sɛ an fa su'n, ɔ ti kpa .

Jacques 5:10

Aniaan mun, Nyanmiɛn nuan ijɔfuɛ bɔ be kannin ndɛ e Min'n i dunman nun'n, kɛ be ´kle be nyrɛnnɛn'n, be trali be anwlɛn. An `nian be liɛ'n su.

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.

Jacques 5:9

Aniaan mun, nán an kan amun wiengu wun ndɛ tɛ man Nyanmiɛn bu amun fɔ, afin i yɛ ɔ ti Jɔlɛ Difuɛ nin-ɔn, ɔ jin anuan'n sin.

1 Piɛr 2:1

I sɔ'n ti, an `wla klunwi'n kwlaa, nin gblɛ'n kwlaa, nin dunman kunndɛlɛ'n, nin amún nyin bɔ an fa ci sran'n, ɔ nin sran wun ndɛ tɛ kanlɛ'n kwlaa be ase.