Jacques 4:10 - NYANMIƐN NDƐ'N 1998

¹⁰ An `yo amún wun aenvuɛ e Min Nyanmiɛn'n i nyrun, yɛ ɔ man amun ´nyan nyrun.

Nyanmien nde Ufle

¹⁰ Anh yô amun wun aénvue é Min Nyanmien'n i nyrun, ye o man amunh nyanh nyrun.

Jacques 4:10 ပူးပေါင်းရင်းမြစ်များ

2 Be Nyoliɛ 7:14

amun bɔ amun ti min nvle nunfuɛ'm bɔ min dunman'n wo amun su'n, sɛ amun kan amun wun ase'n, sɛ amun srɛ min'n, sɛ amun fa amun wun mantan min'n, yɛ sɛ amun yaci amun nzuɛn tɛtɛ'n, kɛ n wo nyanmiɛn su lɔ'n, n ´sie min su n ´tie amun srɛlɛ'n. N ´yaci amún wun sa mun n ´cɛ amun, yɛ n ´yo man amun mɛn'n ´yo kpa sin i osu laa'n nun.

Zɔb I Nyrɛnnɛn Wunlɛ 22:29

Nyanmiɛn man wun tufuɛ'm be like nga be siesie kɛ be ´yo'n, ɔ kpi ase. Sanngɛ ɔ uka be nga be kan bé wun ase'n.

Zɔb I Nyrɛnnɛn Wunlɛ 5:11

Ɔ man be nga be lɛ-man nyrun'm be su. Yɛ ɔ yo man be nga be akunndan'n ɔ'a sanngan'n be klun jɔ.

Jue Mun 113:7

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan nga be gua wla lɛ'n, ɔ kuku be lɛ.

Jue Mun 147:6

Anannganman suan yalɛfuɛ'm bé bo. Ɔ kan klunwifuɛ'm be ase lele be tɔ asiɛ wun bɔ.

Jue Mun 27:6

Kpɛkuun min yɛ m'an nyan kɔmin min kpɔfuɛ nga be sin yia min'n be nyrun yɛ. N ´yi sraka Anannganman i sua'n nun n ´fa mɛn i. M ´bo awɛ, n ´to jue, m ´mɛnmɛn i.

Jue Mun 28:9

Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Jue Mun 30:1

Jue nga ti David liɛ. Kɛ be ´yi Nyanmiɛn i sua'n i nglo'n, yɛ ɔ kpɛli-ɔ. I waan:

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Ezekiɛl 21:26

Afin Babilɔni lɔ famiɛn'n ɔ ko trannin atin nnyɔn be anngɔnda'n su lɛ yili wunnzue, ɔ kejeli cua mun, ɔ usali amuɛn'm be sa, ɔ niannin nnɛn'm be afɔkɔ'n.

Matthieu 23:12

Sran ng'ɔ yo i wun dandan'n, Nyanmiɛn wa guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.

JÉSUS-CHRIST I DYASIN FE'N BO LUC KLELI'N 1:52

Ɔ kpaloli famiɛn ngbli-ngbli'm bé bo bia'n, ɔ mannin yalɛfuɛ'm be su.

JÉSUS-CHRIST I DYASIN FE'N BO LUC KLELI'N 14:11

Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

1 Piɛr 5:6

I sɔ'n ti, an `yo amún wun aenvuɛfuɛ'm Nyanmiɛn b'ɔ kwla sa kwlaa yo'n i nyrun nan sɛ cɛn ng'ɔ sieli'n ju'n ɔ'a man amun su .

1 Samiɛl 2:7

Anannganman man sran di yalɛ, i kunngba'n man sran ɔ nyɛn i wun. I kunngba'n ɔ man sran su, i kunngba'n ɔ kan sran ase.

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.