Jacques 4:1 - NYANMIƐN NDƐ'N 1998

¹ ?Utre'n nin akplowa ng'ɔ o amun afiɛn'n, be fin nin? ?Be fin-man amún nyin b'ɔ blo ninnge'm bé su b'ɔ man amun klun jɔ-man'n?

Nyanmien nde Ufle

¹ ?Utré'n nin akplôwa ng'o ô amun afien'n, bé fin nin? ?Bé fi'an amun nyin b'o blô liké'm bé su, b'o man amun klun dyoman'n?

Jacques 4:1 ပူးပေါင်းရင်းမြစ်များ

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

Rɔmfuɛ Mun 7:23

sanngɛ n wun kɛ sa uflɛ o lɛ. Min nzuɛn b'ɔ man n yo sa tɛ'n, ɔ nin akunndan nga b'ɔ man n klo kɛ n ´yo sa kpa'n, be ti kɛ sran nnyɔn bɔ be si akplowa sa, lele n fa tɛfuɛ'n su, ɔ man n kaci sa tɛ yofuɛ mlɔnmlɔn.

Rɔmfuɛ Mun 7:5

Afin kɛ e nzuɛn'n tɛ yo klɔ sran liɛ'n, mmla'n bɔ e di su'n ti'n, akunndan tɛtɛ b'ɔ o ye anwlɛn nun'n ɔ man e yo sa nga i agualiɛ yɛlɛ wie'n.

Rɔmfuɛ Mun 8:7

Afin be nga klɔ sran ninnge'n lo be'n, be kpɔ Nyanmiɛn, be klo-man kɛ be fa Nyanmiɛn mmla'n su, yɛ kusu be kwla fa-man su bɔbɔ.

Galasifuɛ Mun 5:17

Like nga klɔ sran klo i'n, Nyanmiɛn Wawɛ'n klo-mɛn i, yɛ like nga Nyanmiɛn Wawɛ'n klo i'n, klɔ sran klo-mɛn i, be nnyɔn'n bé nuan sɛ-man, ɔ man sa nga an klo kɛ amun ´yo'n, an kwla yo-man .

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

2 Timote 2:23

Sanngɛ nán fa ɔ wun wla sinnzin akplowa silɛ b'ɔ yo-man sa fi ye'n nun, afin a si kɛ akplowa'n i bo agualiɛ yɛlɛ utre.

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

Tite 3:9

Sanngɛ nán fa ɔ wun wla sinnzin akplowa silɛ'n, nin be nannan-nannan'm be osu finwlɛ i kunndɛlɛ'n, nin utre, nin mmla'n su akplowa silɛ'n be nun. Be ti like ngbɛn, be yo-man sa fi ye.

Jacques 1:14

Sanngɛ sran kun i lakalɛ'n fin i bɔbɔ i konvi'n, yɛ man be lɛkɛ i be nyɛn i-ɔ.

Jacques 4:3

Sɛ an srɛ'n an nyɛn-mɛn i, yɛlɛ kɛ amun klun akunndan'n ti-man kpa, afin an klo kɛ sɛ an nyɛn i-ɔ amun ´fa yo like nga amun klun klo'n.

1 Piɛr 1:14

Man amún nyin yi Nyanmiɛn, like nga i nun bɔ an nian wun-man sa wlɛ'n amún nyin blo be su bɔ an yoli be'n, nán an yo be kun.

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.

2 Piɛr 2:18

Be ijɔ dandan ngbɛn, be fa ninnge nga klɔ sran nyin blo su'n laka be nga be nin be wiengu bɔ be fa-man atin kpafuɛ su'n be su bu'n.

2 Piɛr 3:3

Man an si kpa kɛ cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´yo sa nga be klun klo'n, yɛ be ´sri amun ,