Jacques 3:8 - NYANMIƐN NDƐ'N 1998

⁸ Sanngɛ bé nuan'n, sɛ ɔ ti nnɛn'n, wuun sran fi kwla lo-mɛn i, ɔ ti tɛ, be kwla sie-mɛn i. Ɔ ti kɛ duwlɛ sa!

Nyanmien nde Ufle

⁸ Sannge bé nuan'n, se o ti nnen'n, wuun swran fi kwla lômen, o ti te, bé kwla siémen. O ti ke duwle sa!

Jacques 3:8 ပူးပေါင်းရင်းမြစ်များ

Jue Mun 140:3

Be liɛ'n, sa tɛ'n i akunndan yɛ be sunnzun i be klun lɔ-ɔ. Cɛn kwlaa alɛ ba yɛ be kpɛ-ɔ.

Jue Mun 55:21

Nian, gblɛfuɛ'n, ɔ nin i janvuɛ mun b'a nyɛn i. Nda ng'ɔ tali'n, ɔ'a di-man su kun.

Jue Mun 57:4

Kɛ ɔ o nglo lɔ'n, ɔ wa uka min. Ɔ wa yo man sran ng'ɔ su min su nin ndɛnngan'n ɔ ´wun nyannzuɛn. Man ɔ yi i klun-ufue b'ɔ wie-man'n i nglo kle min.

Jue Mun 58:4

Klunwifuɛ'm be klunwi'n be fa fin bé nin klun. Kɛ be gua ato buafuɛ'm be ase gblo'n, yɛ be bo be fɔnlɛ'n i bo-ɔ.

Jue Mun 59:7

Nnɔsua kɛ a ´nian-an, be yɛ b'a ba ekun yɛ. Be bo kɛ alua sa, be bo sin yia klɔ'n.

Nyanndra Mun 17:20

Sran ng'ɔ ti gblɛ'n, ɔ nyan-man muae. Sran nga i nuan nun ndɛ ti nnyɔn-nnyɔn'n, sa yalɛ'n yɛ ɔ tɔ i su-ɔ .

Akunndanfuɛ'n 10:11

?Ɔ waan a si wuo nun ngowa kan, sanngɛ kpɛkuun ɔ'a dun mmua ɔ'a ka wɔ, kɛ ɔ o lɛ'n be kwla yi wɔ ayɛ ekun?

Rɔmfuɛ Mun 3:13

Be klun lɔ'n ti kɛ ndia bɔ b'a tike su'n sa. Be fa bé nuan'n yɛ be laka sran mun-ɔn. Bé nuan nun ndɛ'n ti kɛ wuo bɔyre sa .

Mmla'n 32:33

Be nzan'n ɔ ti kɛ wuo bɔyre sa, ɔ ti kɛ poponde bɔyre sa.

Jacques 3:6

Bé nuan'n kusu ti kɛ sin sa, ɔ man be kwla yo sa tɛ dan. Ɔ ti e wunnɛn'n i bue, i yɛ ɔ saci é wun sa nin-ɔn. Ɔ ti kɛ sin sa, kɛ be wuli ye'n, ɔ saci é wun sa lele fa ju e wie cɛn, sin sɔ'n fin nyrɛnnɛn lika'n nun lɔ.

Jacques 3:7

Sɛ sran waan ɔ ´lo blo nnɛn wafa'n kwlaa, nin anunman mun'n, nin wuo mun'n, ɔ nin nzue nun ninnge mun'n, ɔ kwla yo. B'a lo be bɔbɔ.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .