Jacques 3:5 - NYANMIƐN NDƐ'N 1998

⁵ Kɛ bé nuan'n kusu ti sɔ-ɔ, ɔ nin i kaan b'ɔ ti'n, i yɛ man be ijɔ kpakpa nin-ɔn. An `nian, sin kaan sa yra bo dan kpa.

Nyanmien nde Ufle

⁵ Ke bé nuan'n kusu ti soo, o nin i kaan b'o ti'n, i ye man bé idyo kpakpa nion. Anh nian sin kaan sa, o yra bô dan kpa.

Jacques 3:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 22:17

Be se Nyanmiɛn kɛ: «Fɛ i li sɔ'n kɔ lɔ. ?Nguɛ yɛ a kwla yo man ye-ɔ?»

Jue Mun 10:3

Klunwifuɛ'n i nyin blo ninnge tɛtɛ'm bé su, ɔ fa be di i nuan. Lufle klofuɛ sɔ'n ɔ bo Nyanmiɛn i sannzan, ɔ yo i finfin.

Jue Mun 17:10

Like nga be flɛ i aunnvuɛ silɛ'n, be si-mɛn i. Bé nuan nun ndɛ'n ti dandan ngunmin.

Jue Mun 39:1

Jue nga ti David liɛ. Ɔ o jue tofuɛ'm be su kpɛn'n nin Zɛditɛn be fluwa'm be nun wie. I waan:

Ezipt Lɔ Tulɛ'n 15:9

E kpɔfuɛ'm be waan: ‹E ´fuan be lele e ´to be kpɔ, e ´cɛcɛ bé bo ninnge'm be nun, e ´fɛ i kwlaa nga e klo'n, e ´fa tratra su, e ´cuɛn e tokofi mun nan e ´nunnun be.›

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 15:2

Ndɛ ng'ɔ fin ngwlɛlɛfuɛ'm bé nuan fite'n, sran ti-ɔ ɔ yo i fɛ. Be nga be si-man ngwlɛlɛ'n, be liɛ, ng'ɔ fin bé nuan fite'n, ɔ ti sinnzin ndɛ ngunmin.

Nyanndra Mun 18:21

Ndɛ ng'ɔ fin e nuan fite'n, i ti yɛ e wu-ɔ, i ti yɛ e nyan nguan-an. Sran ng'ɔ kwla ijɔ'n, sɛ i ijɔlɛ'n ti sa nyɛn i'n, ɔ fata kɛ ɔ sɔ nun .

Nyanndra Mun 26:20

Kɛ yie'n wie'n, sin'n nuan. Kɛ ablafuɛ kusu nun-man lɛ'n, utre'n kusu wie lɛ.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Ezekiɛl 28:2

«Klɔ sran, kan kle Tir famiɛn'n kɛ: ‹Anannganman Nyanmiɛn wan yoo: A tuli ɔ́ wun dan. A seli kɛ: N ti kɛ Nyanmiɛn sa. M'an tran be nga be ti kɛ Nyanmiɛn sa'n be bia'n su jenvie i afiɛn! Sanngɛ sran yɛlɛ wɔ, wɔ akunndan'n ti klɔ sran akunndan.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Jacques 3:4

An `nian mmeli'n kusu, ɔ ti dan, yɛ aunngban dan'n fɛ kɔ. Sanngɛ ɔ nin i sɔ'n ngba'n, like nga be fa kan'n ti kaan sa, i yɛ man ɔ sin lika nga i kanfuɛ'n klo kɛ ɔ sin nin-ɔn.

2 Piɛr 2:18

Be ijɔ dandan ngbɛn, be fa ninnge nga klɔ sran nyin blo su'n laka be nga be nin be wiengu bɔ be fa-man atin kpafuɛ su'n be su bu'n.

Jude 1:16

Sran sɔ'm be ijɔ be konviabo, be fa sa'n kwlaa gua sran wie'm bé su, be yo sa nga be klun klo'n, be di bé nuan, yɛ be fa bé nuan nun fɛ kunndɛ like sran'm bé sa nun.