Jacques 3:2 - NYANMIƐN NDƐ'N 1998

² E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.

Nyanmien nde Ufle

² É kwlaa é fon sa sunman nun. Swran nga i nuan fitéfité'a tete'n, o ti swran kpa b'o kwla nien i wun su.

Jacques 3:2 ပူးပေါင်းရင်းမြစ်များ

1 Famiɛn Mun 8:46

Sran kun nun-man lɛ b'ɔ yo-man sa tɛ-ɔ. I sɔ'n ti, sɛ Izraɛlfuɛ'm be yo wɔ sa'n, atrɛkpa-a, a ´fa bé wun ya, yɛ a ´fa be ´wla be kpɔfuɛ'm bé sa nun. Yɛ be kpɔfuɛ sɔ'm be ´fa be kɔ bé mɛn nun mmua lɔ annzɛ koko lɛ.

2 Be Nyoliɛ 6:36

Sran kun nun-man lɛ b'ɔ yo-man sa tɛ-ɔ. I sɔ'n ti, sɛ Izraɛlfuɛ'm be yo ɔ sa'n, atrɛkpa-a, a ´fa be wun ya, yɛ a ´fa be wla be kpɔfuɛ'm bé sa nun. Yɛ be kpɔfuɛ sɔ'm be ´fa be kɔ bé mɛn'n wun mmua lɔ annzɛ koko lɛ.

Zɔb I Nyrɛnnɛn Wunlɛ 15:13

?Nyanmiɛn wun yɛ a fa ya dan nga-a? ?Bɔ i ti yɛ a ijɔ beblebe kɛ nga sa-a?

Jue Mun 34:13

Sran ng'ɔ klo kɛ ɔ ´di alaje'n nan i klun jɔ titi'n

Jue Mun 39:1

Jue nga ti David liɛ. Ɔ o jue tofuɛ'm be su kpɛn'n nin Zɛditɛn be fluwa'm be nun wie. I waan:

Nyanndra Mun 10:19

Sran ng'ɔ ijɔ ngboko'n, ɔ yaci-man sa tɛ yolɛ le. Sran nga kusu b'ɔ ijɔ-man plapla'n, ɔ ti ngwlɛlɛfuɛ.

Nyanndra Mun 13:3

Sran ng'ɔ si i nuan'n sie'n, wuun ɔ si i wun sasa. Sran nga kusu b'ɔ ijɔ-ɔ ɔ lɛ-man kpɛbo'n, san mlinlɛ yɛ ɔ mlin-ɔn.

Nyanndra Mun 20:9

?Wan yɛ ɔ kwla se kɛ: «Mín wla'n ɔ'a gua ase. N si n klun lɔ weiin kɛ sa tɛ nun-man mín wun-ɔn ?»

Nyanndra Mun 21:23

Sran nga b'ɔ ´kan ndɛ-ɔ ɔ bu i sin'n, ɔ nyan-man saɛ.

Akunndanfuɛ'n 7:20

Sran kun b'ɔ yo sa kpa lele guɛ i ti nin i bo'n, b'ɔ yo-man sa tɛ kaan sa le'n, i sɔ nun-man nyanmiɛn'n bo wa .

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Saun Yolɛ 13:39

man min nyrun jranfuɛ'n ɔ niɛn i. Sɛ ɔ nian nan like nga be tɛtɛ i wun ufue-ufue sɔ'm be nyrun'n ti kpawa fuaii'n i'n, wuun tukpacɛ ng'ɔ yili i wun nglo sɔ'n ti-man tukpacɛ kekle, i ti man fiɛn nun-man sran'n i wun.

Matthieu 12:34

?Ɔnda mma mun, amun bɔ an ti sran tɛ'n, ɔ yo sɛ yɛ ndɛ kpa kwla fin amún nuan fite-ɔ? Afin ndɛ kwlaa ng'ɔ o sran anwlɛn'n nun'n yɛ ɔ fite i nuan-an.

Matthieu 12:37

Afin ndɛ ng'ɔ fin ɔ́ nuan fite'n yɛ man ɔ́ wun ´sa-a, yɛ ndɛ ng'ɔ fin ɔ́ nuan fite'n i su yɛ be ´fa bu ɔ fɔ-ɔ.»

Rɔmfuɛ Mun 3:10

Afin be klɛli kɛ: «Sran kpa bɔ kun sa nun-man lɛ, ɔ lɛ-man be nun bɔ kun.

Rɔmfuɛ Mun 7:21

Ɔ man m'an sie i nzɔliɛ kɛ cɛn kwlaa kɛ n klo kɛ n ´yo sa kpa'n, kpɛkuun sa tɛ'n jin m bue.

1 Korɛntfuɛ Mun 9:27

Kɛ n ko yo nan b'a se-man m bɔ n kannin ndɛ kleli sran mun'n kɛ n nun-man be nun wie'n, i ti n nian min wun su kpa, yɛ n tra min anwlɛn lele ɔ si min wun.

Galasifuɛ Mun 3:22

Sanngɛ e kɛnngɛn i Nyanmiɛn Ndɛ nga be klɛli'n nun kɛ sa tɛ'n ti mɛnmɛnfuɛ'm be kwlaa be nzuɛn. Ɔ yoli sɔ nan like nga Nyanmiɛn waan ɔ ´yo man sran'n, be nga be fa ndɛ sɔ'n su'n be nyɛn i Jésus-Krist bɔ be lafi i su'n ti.

Galasifuɛ Mun 5:17

Like nga klɔ sran klo i'n, Nyanmiɛn Wawɛ'n klo-mɛn i, yɛ like nga Nyanmiɛn Wawɛ'n klo i'n, klɔ sran klo-mɛn i, be nnyɔn'n bé nuan sɛ-man, ɔ man sa nga an klo kɛ amun ´yo'n, an kwla yo-man .

Kolɔsfuɛ Mun 1:28

Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

Jacques 1:26

Sɛ sran kun bu i wun kɛ ɔ su Nyanmiɛn sanngɛ ɔ sie-mɛn i nuan'n diin'n, i Nyanmiɛn sulɛ'n ti ngbɛn, ɔ su lɛkɛ i wun.

Jacques 1:4

An `tra amun anwlɛn lele guɛ i ti nin i bo nan amu'an yo sran, yɛ like fi su mian-man amun.

Jacques 2:10

Afin sran ng'ɔ fa mmla'n kwlaa su b'ɔ yaci kun'n, wuun ɔ'a saci i kwlaa.

1 Piɛr 3:10

«Sran ng'ɔ klo kɛ ɔ ´di alaje nan i klun `jɔ titi'n, nán man ɔ ijɔ tɛtɛ kun. Man ɔ yaci ato bualɛ'n.

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.