Jacques 3:18 - NYANMIƐN NDƐ'N 1998

¹⁸ Be nga be siesie afiɛn'n, be ti kɛ fie difuɛ sa. Sɛ alaje o lɛ nan be lua like'n, like nga be nyɛn i nun'n yɛlɛ sa i nuan su yolɛ'n.

Nyanmien nde Ufle

¹⁸ Bé nga bé siésié afien'n, bé ti ke fié difue sa. Ke bé di aladyé bo bé lua bé liké'n, liké nga bé nyen i nun'n yele sa i nuan su yôle'n.

Jacques 3:18 ပူးပေါင်းရင်းမြစ်များ

Jue Mun 92:14

Be ti kɛ waka bɔ b'a ta be Anannganman i awlo'n nun'n sa. Be nnyrɛ'n ɔ kpuke Nyanmiɛn i lika'n nun.

Nyanndra Mun 11:18

Like nga sran tɛfuɛ'n yo'n, ɔ nyan-man su. Sran nga kusu bɔ kpa'n yɛ ɔ yo sin'n, kannzɛ ɔ yo sɛ san ɔ ´nyan su le .

Nyanndra Mun 11:28

Sran ng'ɔ fɛ i wla'n kwlakwla guɛ i anyanbeun'n su'n, san tɔlɛ yɛ ɔ ´tɔ-ɔ. Klun-ufuefuɛ'm be liɛ'n, be bua kɛ waka nnya sa.

Nyanndra Mun 11:30

Like nga klun-ufuefuɛ'n yo'n, ɔ mɛn i nguan tɛnndɛn. Akunndanfuɛ'n i nuan nun ndɛ'n ti, sran'm be su i su .

Ndɛ Nga Nyanmiɛn I Nuan Ijɔfuɛ Oze Kannin'n 10:12

Sɛ sa nuan su yolɛ'n ti mma'n, wuun n ´se kɛ an gua nan amu'an titi klun-ufue'n i mma. An `sɔn bo uflɛ, min Anannganman min mantanlɛ blɛ'n yɛ ɔ'a ju yɛ. Amun `fa amún wun `mantan min, nan sɛ m ´ba'n, m'an fa ti delɛ'n m'an blɛ amun .

Amɔs 6:12

?Nnɛn kpanngɔ'm be wanndi yɛbuɛ su-ɔ, ɔ yo ye? ?Be kwla fa nannin be trutru kpangba nun kɛ be ´lua nun like-ɔ ɔ yo ye'n? ?Yɛ wuun sɛ ti yɛ amu'an yo man nanwlɛ dilɛ'n ɔ'a kaci kɛ duwlɛ sa nin-ɔn, bɔ sa i nan su yolɛ'n ɔ'a kaci kɛ kondu sa nin-ɔn?

Matthieu 5:9

Be nga be ti ndɛ siesiefuɛ'n, be liɛ su ti ye, afin Nyanmiɛn wa flɛ be i mma mun!

Jean 4:36

B'a bo awie kpɛfuɛ'n i kalɛ tualɛ'n bo, yɛ ɔ ´tiɛn i nuan minndɛ Anannganman nguan'n nan sran ng'ɔ gua awie'n nin i kpɛfuɛ'n be nnyɔn'n be klun `jɔ.

Galasifuɛ Mun 6:8

Sɛ sran kun lua like nga i bɔbɔ klun klo'n, i mma nga b'ɔ ti'n yɛlɛ i bɔbɔ i klun sa bɔ i agualiɛ yɛlɛ wie'n. Sanngɛ sɛ ɔ lua like nga Nyanmiɛn Wawɛ'n klo i'n, i mma nga Wawɛ sɔ'n man ɔ ti'n yɛlɛ anannganman nguan'n.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Hébreu 12:11

Nanwlɛ, fɔ tulɛ'n kwlaa, kɛ be ´tu ye'n, i klikli'n nun ɔ yo e ya, ɔ yo-man e fɛ, sanngɛ be nga be fa su bɔ be kaci'n, ɔ man be yo kpa, yɛ be di alaje.

Jacques 1:20

Afin sɛ sran fa ya'n, ɔ kwla yo-man sa ng'ɔ ti kpa'n Nyanmiɛn nyrun'n.