Jacques 3:17 - NYANMIƐN NDƐ'N 1998

¹⁷ Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

Nyanmien nde Ufle

¹⁷ Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

Jacques 3:17 ပူးပေါင်းရင်းမြစ်များ

1 Famiɛn Mun 3:12

i ti like nga a usali'n, n wa yo man wɔ. N wa man wɔ ngwlɛlɛ, a ´yo akunndanfuɛ dan. Sran fi nian nyɛn-mɛn i sɔ ngwlɛlɛ'n le, yɛ sran fi su nyɛn-mɛn i sɔ le nan kɛ ɔ ´yo ɔ'a yo-ɔ.

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

1 Be Nyoliɛ 22:12

Sɛ Anannganman fa wɔ sie Izraɛlfuɛ'm be su kɛ a sie be'n, man ɔ man wɔ ngwlɛlɛ nan w'a kwla fa fɛ i mmla'm be su.

1 Be Nyoliɛ 22:9

A wa nyan ba kun, ɔ ´yo sran diinfuɛ. N ´yo man i kpɔfuɛ nga be bo sin yiɛ i'n, be su kle-mɛn i yalɛ. Be ´flɛ i Salomɔn. I blɛ su'n, n ´yo man Izraɛlfuɛ'm bé wun ´jɔ be fɔun yɛ be ´di alaje.

Zɔb I Nyrɛnnɛn Wunlɛ 28:12

?Sanngɛ ngwlɛlɛ'n, be ´ko wun i ninfan? ?Ninfan yɛ akunndan'n i bo'n ɔ taka-a?

Zɔb I Nyrɛnnɛn Wunlɛ 28:23

Nyanmiɛn yɛ ɔ si i atin nin-ɔn. I yɛ ɔ si i tranwlɛ nin-ɔn.

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Ezipt Lɔ Tulɛ'n 36:2

Moiz yiali Bɛzaleɛl, nin Ɔɔliab, yɛ junman difuɛ'm be kwlaa bɔ Anannganman mannin be ngwlɛlɛ'n bɔ be waan be ´tu be klun di be junman'n i kpa'n.

Nyanndra Mun 2:6

afin Anannganman yɛ ɔ man akunndan nin-ɔn. Sa silɛ'n nin ngwlɛlɛ'n be fin i.

Ezai 2:4

Ɔ wa yo nvle-nvle'm be jɔlɛ difuɛ, yɛ ɔ ´yo sran kpanngban be afiɛn siesiefuɛ. Be wa fa be tokofi mun be ´bo tokpo, yɛ be ´fa be cua mun be ´yo wlɔsɔ. Nvle kun su fa-man alɛ wlɛ-mɛn i nvle uflɛ sin kun. Be su suan-man alɛ dilɛ'n kun.

Ezai 32:6

Sinnglinfuɛ'n i nuan nun ndɛ'n ti tɛtɛ ngunmin. Sa tɛ'n i yolɛ'n yɛ ɔ o i akunndan'n nun-ɔn. Ɔ kpɔ Nyanmiɛn. Ndɛ nga be saci i wun'n yɛ ɔ kan be-ɔ. Sran nga awe kun i'n, ɔ mɛn-mɛn like ɔ di-man. Yɛ nga nzue we kun i'n, ɔ mɛn-mɛn i nzue ɔ nɔn-man.

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Daniɛl 1:17

Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Malasi 2:9

N kusu n wa yo man Izraɛlfuɛ'm be ´yo amun finfin, be ´gua amún nyin ase, afin amu'an fa-man min atin'n su, amu'an jran-man ndɛ sin, sran sin yɛ amun jran be di ndɛ mun-ɔn.»

Malasi 3:3

Ɔ ´tran ase, ɔ ´tɔn sika'n, ɔ ´yi i nun fiɛn'n, ɔ ´yo Levi i osu'n nun Nyanmiɛn nyrun jranfuɛ'm be saun kɛ be fa yo sika ɔkwlɛ ɔ nin jɛtɛ ufue'm be saun'n sa. Kpɛkuun siɛn'n, sɛ be wa man Anannganman i like'n, be ´nanti i mmla'n su yɛ be ´mɛn i-ɔ.

Matthieu 23:28

Amun kusu kɛ an ti sɔ-ɔ. Kɛ sran'm be wun amun'n, an fa sran kpa, sanngɛ dunman klolɛ'n nin sa tɛtɛ'n kwlaa be o amun anwlɛn'n nun.

Matthieu 5:8

Be nga sa tɛ fi nun-man be anwlɛn'n nun'n, be liɛ su ti ye, afin be wa wun Nyanmiɛn !

Matthieu 5:9

Be nga be ti ndɛ siesiefuɛ'n, be liɛ su ti ye, afin Nyanmiɛn wa flɛ be i mma mun!

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

JÉSUS-CHRIST I DYASIN FE'N BO LUC KLELI'N 6:36

An `si aunnvuɛ, kɛ amun Si kusu si aunnvuɛ'n sa.»

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:47

Kɛ Jésus wunnin Natanaɛl kɛ ɔ su bɛ i wun lɛ'n, ɔ kɛnnin i ndɛ kɛ: «An `nian, Izraɛlfuɛ kpa kun yɛ ɔ ´ba yɛ, ɔ ti-man gblɛfuɛ kaan sa.»

Sa nga bé yôli'n 9:36

Jésus sɔnnzɔnfuɛ bla kun o Zope lɔ, be flɛ i kɛ Tabita. Grɛk nun'n, dunman sɔ'n yɛlɛ Dɔrkas'n, i bo yɛlɛ wannzannin. Ɔ ti klun ufuefuɛ kpa yɛ ɔ yo yalɛfuɛ'm be ye.

Rɔmfuɛ Mun 12:18

Like kwlaa nga amun kwla yo bɔ amun nin sran su kan-man ndɛ'n, amun yo.

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Rɔmfuɛ Mun 15:14

N niaan mun, m bɔbɔ n lafi amun su kpa kɛ an ti klun-ufuefuɛ kpa, n lafi amun su kɛ amun wun sa'n kwlaa wlɛ yɛ an kwla tu amun wiengu fɔ.

1 Korɛntfuɛ Mun 12:8

Afin Nyanmiɛn Wawɛ'n man sran'n wie ngwlɛlɛ ɔ fa si ijɔ, yɛ i Wawɛ kunngba'n man sran'n wie kusu wun sa wlɛ ɔ kan kle sran wie mun.

2 Korɛntfuɛ Mun 10:1

M bɔbɔ m Pɔl m ma srɛ amun like kun. Be se kɛ kɛ n wo amun nyrun lɔ'n, n ti wɛtɛɛ kpe nun, sanngɛ be waan kɛ n nun-man lɔ'n, ndɛ nga n kan kle amun'n, n kɛn i yasua su. Krist b'ɔ ti wɛtɛɛ b'ɔ ti sran kpa'n i dunman nun

2 Korɛntfuɛ Mun 6:6

Sa ng'ɔ kle kɛ e ti Nyanmiɛn junman difuɛ'n be yɛ: e yo-man sa sukusuku, e wun sa wlɛ, e blu sa'm bé su, e klun ti ufue, Nyanmiɛn Wawɛ'n sie ye, e klo-man Nyanmiɛn nin sran é nuan bui su,

2 Korɛntfuɛ Mun 7:11

An `nian amun ngokoɛ'n b'ɔ yo Nyanmiɛn fɛ'n, kɛ i agualiɛ ti kpa-a. Ɔ man an nian amun wun su kpa, an kpli amún ti, an fa ya sa tɛ'n ti, amun nyin yi Nyanmiɛn, an de min awuliɛ kpa, an jran min sin, yɛ an tu sran ng'ɔ yo sa'n i fɔ kpa! Sa sɔ'n kwlaa nun, e wun kɛ amún wun sa'n ɔ'a wie .

2 Korɛntfuɛ Mun 9:10

Nyanmiɛn b'ɔ man awie guafuɛ'n i awie b'ɔ gua'n, b'ɔ man sran nuan nun aliɛ'n , i kunngba'n ɔ ´man amun like nga amun ´fa yo aklunye'n, ɔ man ɔ ´yo kpanngban, yɛ amun agualiɛ'n ɔ ´gua amun kpa.

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

1 Tɛsalonikfuɛ Mun 2:7

Sanngɛ kɛ e o amun wun lɔ'n, y'a yo-mɛn i sɔ, e yoli wɛtɛɛfuɛ kɛ bla ta b'ɔ yɛyɛ i mma mun'n sa.

1 Timote 5:21

Fa ndɛ nga m'an kan kle wɔ yɛ'n su kpa, sɛ a nian ti-man sran kun i nuan nun ndɛ'n, nán bu i fɔ, nán bu sran'n wie kpa tra wie. Nyanmiɛn, nin Krist-Jésus, ɔ nin Nyanmiɛn i anz'm b'ɔ kpali be'n be ti min lalofuɛ kɛ n kan ndɛ sɔ'n kleli wɔ.

2 Timote 2:24

Afin e Min'n i sran'n nin utre'n fata-man. Sanngɛ ɔ yo sran'm be kwlaa be kpa, ɔ si like kle, sa nga be yo i'n sɔn i nun,

Tite 1:15

Sran nga be akunndan'n ti kpa'n, like kwlaa ti kpa be nyrun, sanngɛ sran nga be akunndan'n ti-man kpa'n, bɔ be lafi-man Nyanmiɛn su'n, like fi ti-man kpa be nyrun. Afin be akunndan'n ti tɛtɛ, be ´yo sa-a be klun ti-man be.

Tite 3:2

Nán man be kan sran wun ndɛ, nán man be klo utre, man be yaci sa cɛ, man sran'n kwlaa be wun kɛ be ti wɛtɛfuɛ.

Hébreu 12:11

Nanwlɛ, fɔ tulɛ'n kwlaa, kɛ be ´tu ye'n, i klikli'n nun ɔ yo e ya, ɔ yo-man e fɛ, sanngɛ be nga be fa su bɔ be kaci'n, ɔ man be yo kpa, yɛ be di alaje.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Jacques 2:4

wuun an bu amun nun wie kpa tra wie, yɛ amu'an yo akunndan tɛ bufuɛ.

Jacques 3:15

I sɔ ngwlɛlɛ liɛ'n fin-man nyanmiɛn su, ɔ ti asiɛ'n su wa liɛ, ɔ ti klɔ sran liɛ, ɔ fin mmusu'm bé si Satan.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:1

I sɔ'n ti, an `wla klunwi'n kwlaa, nin gblɛ'n kwlaa, nin dunman kunndɛlɛ'n, nin amún nyin bɔ an fa ci sran'n, ɔ nin sran wun ndɛ tɛ kanlɛ'n kwlaa be ase.

1 Piɛr 2:18

Kanga mun, man amún nyin yi amun min mun kpa, an `bu be sran. Nán be nga be ti kpa bɔ be ti wɛtɛɛ'n be ngunmin yɛ an `yo be sɔ-ɔ, sanngɛ man amún nyin yi be nga be yo wlɛ'n.

1 Jean 3:18

M mma mun, nán man amun sran klolɛ'n yo amún nuan bui su, nin nuan nun fɛ su, sanngɛ man be wun i sakpa like nga amun yo'n nun.

1 Jean 3:3

Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.