Jacques 3:16 - NYANMIƐN NDƐ'N 1998

¹⁶ Afin lika nga bé nyin ci sran bɔ be bu be bɔbɔ be wun akunndan lɛ'n, sa sukusuku'n nin sa tɛtɛ'n kwlaa o lɛ.

Nyanmien nde Ufle

¹⁶ Afin lika nga bé nyin tyi swran bo bé bu bé bobo bé wun akunndan le'n, sa sukusuku'n nin sa tete'n kwlaa ô le.

Jacques 3:16 ပူးပေါင်းရင်းမြစ်များ

Bo Bolɛ 11:9

I sɔ'n ti yɛ be flɛli klɔ sɔ'n kɛ Babɛl nin-ɔn. Afin lɛ yɛ Anannganman sanngannin asiɛ'n sufuɛ'm be kwlaa be aniɛn nun-ɔn. Lɛ yɛ ɔ man be boli be bo sanndilɛ'n bo asiɛ wunmuan'n su-ɔ.

Bo Bolɛ 38:9

Sanngɛ, Ɔnan si kɛ sɛ ɔ nin i niaan bian'n i angboti'n be ´wu ba'n, ɔ su yo-mɛn i liɛ. I sɔ'n ti kɛ ɔ nin i be la, ɔ biebie asiɛ wun kɛ ɔ yo nan ɔ'a wu-man ba ɔ'a mɛn-mɛn i niaan bian'n ti.

Marc 3:25

Yɛ sɛ awlo kun nunfuɛ'm be bu be wun nun'n, awlo sɔ'n su kwla cɛ-man.

Sa nga bé yôli'n 19:29

Klɔ'n sufuɛ'm be kwlaa be kejeli nun be yoli oyo-oyo, bé bo yoli kun, be trali Pɔl sunmanfuɛ Gaiis nin Aristark bɔ be ti Maseduanifuɛ'n be wanndi kplukplukplu be fa be ɔli be anyia sua'n nun lɔ.

Rɔmfuɛ Mun 2:8

Be nga kusu bɔ be bu be bɔbɔ be wun akunndan'n, bɔ be bu-man sran uflɛ akunndan'n, bɔ be fa-man nanwlɛ ndɛ'n su'n, bɔ sa tɛ'n yɛ be klo i'n, ɔ ´fa be wun ya dan i anwlɛn su bɔ be fita'n ti.

1 Korɛntfuɛ Mun 14:33

afin Nyanmiɛn yo sa i nuan su, ɔ klo-man sa sukusuku'n. Nán man mmla'm be ijɔ asɔnun'n nun, afin sɛ be ijɔ'n, ɔ ti-mɛn i nuan su. Be bɔ be ti Nyanmiɛn liɛ'n, kɛ be yo i sɔ asɔnun'n kwlaa nun-ɔn. Man mmla'm bé nyin yi be bɔ be sie be'n, afin be klɛli mmla'n nun sɔ .

1 Korɛntfuɛ Mun 3:3

afin an tɛ yo kɛ sran bɔ be ti-man Kristfuɛ sa. ?Kɛ amún nyin ci amun wiengu bɔ utre wo amun afiɛn'n, an ti-man kɛ sran bɔ be ti-man Kristfuɛ sa? ?Yɛ nán sa nga klɔ sran yo'n yɛ an yo-ɔ?

2 Korɛntfuɛ Mun 12:20

Kɛ n ko ju amun wun lɔ'n bɔ n su wun-man amun kɛ nga m bu i akunndan kɛ n ´wun amun su'n sa'n, bɔ n kusu an su wun-man min kɛ nga an bu i akunndan kɛ amun ´wun min su'n sa'n, i sɔ ti yɛ man srɛ kun min-ɔn. Kɛ n ´ju lɔ'n bɔ n ´wun kɛ amun wie'm be di utre, wie nyin ci i wiengu, wie fa ya, wie si akplowa, wie kan sran wun ndɛ, wie bla, wie tu i wun, yɛ wie kpɛ saɛ'n, i sɔ'n ti yɛ man srɛ kun min-ɔn.

Galasifuɛ Mun 5:20

amuɛn sɔlɛ, bae dilɛ, sran kpɔlɛ, ɔ nin utre. Bé nyin ci be wiengu, be fa ya, bé bo ti-man kun, be bubu bé wun nun,

Jacques 3:14

Sanngɛ sɛ amun klunwi'n ti amún nyin ci sran yɛ an bu amun bɔbɔ amun wun akunndan'n, nán an fa amun ngwlɛlɛ'n di amún nuan, yɛ nán an fa nanwlɛ'n kaci ato.

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .