Jacques 3:14 - NYANMIƐN NDƐ'N 1998

¹⁴ Sanngɛ sɛ amun klunwi'n ti amún nyin ci sran yɛ an bu amun bɔbɔ amun wun akunndan'n, nán an fa amun ngwlɛlɛ'n di amún nuan, yɛ nán an fa nanwlɛ'n kaci ato.

Nyanmien nde Ufle

¹⁴ Sannge se amun klunwi'n ti amun nyin tyi swran, an bu amun bobo amun wun akunndan'n, nanh an fa amun ngwlele'n di amun nuan, nanh an fa nanwle katyi atô.

Jacques 3:14 ပူးပေါင်းရင်းမြစ်များ

Bo Bolɛ 37:11

I niaan'm bé nyin bloli i wun. I si kusu fali sa sɔ'n sieli i klun.

Bo Bolɛ 38:9

Sanngɛ, Ɔnan si kɛ sɛ ɔ nin i niaan bian'n i angboti'n be ´wu ba'n, ɔ su yo-mɛn i liɛ. I sɔ'n ti kɛ ɔ nin i be la, ɔ biebie asiɛ wun kɛ ɔ yo nan ɔ'a wu-man ba ɔ'a mɛn-mɛn i niaan bian'n ti.

2 Famiɛn Mun 10:16

Zei seli i kɛ: «E `wɔ, a wa wun kɛ n klo Anannganman dan.» Yɛ be ɔli-ɔ. Zɔnadab o Zei i kakaklolo'n nun.

2 Famiɛn Mun 10:31

Ɔ nin i sɔ ngba'n, Zei ɔ'a nian-man Anannganman b'ɔ ti Izraɛl Nyanmiɛn'n i mmla'n su ɔ'a nanti-man kɛ ɔ fata'n sa. Ɔ'a kaci-mɛn i sin ɔ'a si-man sa tɛ nga Zeroboam yoli bɔ man Izraɛl fɔnnin'n.

Zɔb I Nyrɛnnɛn Wunlɛ 5:2

Klunngbɔ'n ɔ kun sinnglinfuɛ'n. Sran b'ɔ si-man sa'n, ɔ fa ya lele ɔ ka nun wu.

Nyanndra Mun 14:30

Bé wla b'ɔ gua ase'n ɔ yo man be yo juejue, sanngɛ anyinbloɛ ɔ ti kɛ ngbaciɛ b'ɔ o be owie'n nun'n sa.

Nyanndra Mun 27:4

Ya tɛ'n ɔ man be kun sran-an ɔ yo ye. Anwlɛn fufu'n ɔ man be ´yo sa-a be wun-man nun. Anyinbloɛ'n i liɛ'n tra ngba, sran fi kwla jrɛn-mɛn i nyrun.

Ezai 11:13

Kɛ ɔ yo sɔ'n, Efraim i kwla silɛ'n ɔ ´wie, yɛ Zida i kpɔfuɛ'm be ´wie nunnun. Efraim i nyin su blo-man Zida wun kun, yɛ Zida i nyin su ci-man Efraim kun.

Abakik 1:3

?Nguɛ ti yɛ a yo man n wun sa tɛ nga mun-ɔn? ?Nguɛ ti yɛ i sɔ sa nyrɛnnɛn-nyrɛnnɛn liɛ mun a tran lɛ nian be sɔ-ɔ? Mianmianlɛ nin sa kekleekle'n sin yia min pɛ! Lika'n kwlaa, jɔlɛ dilɛ nin ndɛ kpɛlɛ'n yɛ ɔ o nun-ɔn.

Matthieu 27:18

Afin ɔ si kɛ bé nyin b'ɔ ci Jésus'n ti yɛ be fɛ i ko mɛnnin i-ɔ.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Sa nga bé yôli'n 13:45

Kɛ Zuif'm be wunnin sran sɔ mun'n, be fa bé nyin cili Pɔl nin Barnabas, be nin Pɔl si akplowa, be kpalo i ndɛ'n, be kpɛ i nzowa.

Sa nga bé yôli'n 26:9

N liɛ'n, n jaoli kpa kɛ n ´nunnun Jésus b'ɔ fin Nazarɛt'n i dunman'n su.

Sa nga bé yôli'n 5:17

I sɔ'n yoli Nyanmiɛn nyrun jranfuɛ'm be su kpɛn'n nin i minniɛn Sadisefuɛ'm be kwlaa be ya, ɔ man bé nyin cili be bɔ Jésus sunmannin be'n,

Sa nga bé yôli'n 7:9

E nannan'm bé nyin cili Zozɛf, nan b'a yo i atɛ kɛ kanga sa nan be `fɛ i ɔ Ezipt, sanngɛ Nyanmiɛn jrɛnnin i sin .

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

Rɔmfuɛ Mun 13:13

Man e yo sa bɔ be ti nanwlɛ'n kɛ e o wia klengle kpa'n nun sa. Man e yaci aliɛ sa'n, nin nzanboɛ'n, nin bé wun wannzo yolɛ'n, bɔ yɛlɛ bla nin bian kunndɛlɛ'n, nin wlaka bolɛ'n, man e yaci utre'n, nin sran nyin cilɛ'n.

Rɔmfuɛ Mun 2:17

Sanngɛ amun'n, an flɛ amun wun Zuif, an di mmla'n su, an fa Nyanmiɛn di amún nuan,

Rɔmfuɛ Mun 2:8

Be nga kusu bɔ be bu be bɔbɔ be wun akunndan'n, bɔ be bu-man sran uflɛ akunndan'n, bɔ be fa-man nanwlɛ ndɛ'n su'n, bɔ sa tɛ'n yɛ be klo i'n, ɔ ´fa be wun ya dan i anwlɛn su bɔ be fita'n ti.

1 Korɛntfuɛ Mun 13:4

Sran b'ɔ klo sran'n, ɔ trɛ i anwlɛn sran wun, sran b'ɔ klo sran'n, ɔ yo aklunye, yɛ i nyin blo-man sran like su, sran b'ɔ klo sran'n, ɔ di-man tutre, ɔ tu-mɛn i wun,

1 Korɛntfuɛ Mun 3:3

afin an tɛ yo kɛ sran bɔ be ti-man Kristfuɛ sa. ?Kɛ amún nyin ci amun wiengu bɔ utre wo amun afiɛn'n, an ti-man kɛ sran bɔ be ti-man Kristfuɛ sa? ?Yɛ nán sa nga klɔ sran yo'n yɛ an yo-ɔ?

1 Korɛntfuɛ Mun 5:2

Yɛ an fa amun asɔnun'n di amún nuan! Sa sɔ'n ɔ'a yo-man amun ya nan amu'an yi sran ng'ɔ yo sa sɔ'n amun nun!

1 Korɛntfuɛ Mun 5:6

Amún nuan dilɛ sɔ'n ti-mɛn i su! ?An si-man kɛ kpaun ayre kaan'n bɔ be fa guɛ i kpaun nzuɛn'n nun'n yɛ man i wunmuan'n wla-a?

2 Korɛntfuɛ Mun 12:20

Kɛ n ko ju amun wun lɔ'n bɔ n su wun-man amun kɛ nga m bu i akunndan kɛ n ´wun amun su'n sa'n, bɔ n kusu an su wun-man min kɛ nga an bu i akunndan kɛ amun ´wun min su'n sa'n, i sɔ ti yɛ man srɛ kun min-ɔn. Kɛ n ´ju lɔ'n bɔ n ´wun kɛ amun wie'm be di utre, wie nyin ci i wiengu, wie fa ya, wie si akplowa, wie kan sran wun ndɛ, wie bla, wie tu i wun, yɛ wie kpɛ saɛ'n, i sɔ'n ti yɛ man srɛ kun min-ɔn.

Galasifuɛ Mun 5:15

Sanngɛ sɛ an kaka amun wun bɔ an titi amun wiengu sa bui'n, an `nian amún wun kpa, sɛ ɔ ti-man sɔ'n, amun wiengu saci amun.

Galasifuɛ Mun 5:20

amuɛn sɔlɛ, bae dilɛ, sran kpɔlɛ, ɔ nin utre. Bé nyin ci be wiengu, be fa ya, bé bo ti-man kun, be bubu bé wun nun,

Galasifuɛ Mun 5:21

be lɛ konvi, be nɔn nzan bo, be yo sa finfin mun, yɛ be yo i sin sa wie mun ekun. Ndɛ kunngba nga n kan kleli amun laa'n, n ´kan kle amun ekun. Be nga be yo i sɔ sa'n, be su tran-man be nga Nyanmiɛn sie be'n be nun mlɔnmlɔn.

Galasifuɛ Mun 5:26

Nán man e kunndɛ dunman, nán man e yo sa b'ɔ kun e wiengu ya, yɛ nán man e fa é nyin ci e wiengu.

Galasifuɛ Mun 6:13

Be nga be wla klɛn sɔ'n, be bɔbɔ be fa-man mmla'n su, sanngɛ be klo kɛ an wla klɛn nan like nga be yoli i amún kplo'n su sɔ'n, be ´fa di bé nuan.

Filipfuɛ Mun 1:15

Nanwlɛ, be nun wie'm bé nyin b'ɔ ci min'n nin akplowa silɛ'n ti yɛ be kan Krist ndɛ nin-ɔn, sanngɛ wie'm be akunndan bɔ be fa kan'n ti kpa.

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

1 Timote 2:4

Ɔ klo kɛ ɔ ´de sran'm be kwlaa nan be wun sa ng'ɔ ti nanwlɛ'n i wlɛ kpa.

1 Timote 6:4

wuun i sɔfuɛ'n wun tufuɛ-ɔ yɛ ɔ si-man like fi. Ndɛ'm be akplowa silɛ'n ɔ nin like'm be su utre dilɛ'n be kaci kɛ tukpacɛ yɛ ɔ wo i su sa. I kwlaa sɔ'n yɛ man sran'm bé nyin ci sran b'ɔ man be di utre yɛ be kpɛ bé wun nzowa, b'ɔ man be bu sran'n wie sa tɛ yofuɛ nin-ɔn.

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

Jacques 1:18

I ndɛ nanwlɛ'n ti ɔ fa e kaci i wa i klun klo su nan y'a yo like ng'ɔ yili be'n be kwlaa be nun klikli.

Jacques 3:16

Afin lika nga bé nyin ci sran bɔ be bu be bɔbɔ be wun akunndan lɛ'n, sa sukusuku'n nin sa tɛtɛ'n kwlaa o lɛ.

Jacques 5:19

N niaan mun, an si kɛ sɛ amun nun sran wie yaci atin kpa'n b'ɔ fa-man ndɛ nanwlɛ'n su kun'n nan sran wie kle i atin kpafuɛ'n,