Jacques 3:1 - NYANMIƐN NDƐ'N 1998

¹ N niaan mun, nán amun nun kpanngban be ´kunndɛ kɛ be ´yo like klefuɛ, afin an si kɛ kɛ Nyanmiɛn ´di jɔlɛ'n, e bɔ e ti like klefuɛ'n, ɔ ´usa-usa e sa kpa tra be nga mun.

Nyanmien nde Ufle

¹ N niaan mun, nanh amun nun kpanngban bé kunnde ke bé yô liké kléfue, afin an si ke, ke Nyanmien dih dyole'n é bo é ti liké kléfue'n, oh usausah é sa kpa tra bé nga mun.

Jacques 3:1 ပူးပေါင်းရင်းမြစ်များ

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Malasi 2:12

Sran ng'ɔ yo i sɔ sa'n, nán Anannganman mɛn i atin man ɔ nyan Zakɔb i osu'n nun sran nan ɔ jrɛn i sin, wie kusu-ɔ, nán ɔ ko jrɛn i nuan yi tɛ man Anannganman b'ɔ sie mɛn wunmuan'n.

Matthieu 10:24

Sran b'ɔ suan like'n, ɔ ti-man kpa tra-man sran b'ɔ kle i like'n, yɛ sran b'ɔ su sran'n, ɔ ti-man kpa trɛ-mɛn i min'n.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Matthieu 23:14

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an de angboti mmla'm be awlo'n, yɛ an kan ndɛ tɛnndɛn kle Nyanmiɛn lelele kɛ sran'm be `bu amun sran kpa. I sɔ'n ti amun fɔ tulɛ liɛ'n ɔ wa yo tɛ kpa.]

Matthieu 9:11

Kɛ Farizifuɛ'm be wunnin i sɔ'n, be usɛli i sɔnnzɔnfuɛ'm be kɛ: «?Nguɛ ti yɛ amún si nin gua bo sika defuɛ nin sa tɛtɛ yofuɛ mun di like-ɔ?»

JÉSUS-CHRIST I DYASIN FE'N BO LUC KLELI'N 16:2

Ɔ flɛli i, ɔ usɛli i kɛ: ‹?Nguɛ sa yɛ a yoli bɔ be wa kan kleli min nin-ɔn? Kan ɔ junman'n i nun ndɛ kle min, afin a su kwla nian-man n ninnge'm be su kun.›

JÉSUS-CHRIST I DYASIN FE'N BO LUC KLELI'N 6:37

«Nán an kan sran wun ndɛ, yɛ Nyanmiɛn su kan-man amún wun ndɛ, nán an bu sran fɔ, yɛ Nyanmiɛn su bu-man amun fɔ, an `yaci sa nga be yo amun'n cɛ , yɛ Nyanmiɛn kusu ɔ ´yaci amun liɛ'n cɛ amun-ɔn.

Jean 3:10

Jésus seli i kɛ: «?Wɔ bɔ a ti Izraɛlfuɛ'm be ninnge klefuɛ dan'n, a wun-man sa nga wlɛ?»

Sa nga bé yôli'n 13:1

Asɔnun ng'ɔ o Antiɔs lɔ'n, Nyanmiɛn nuan ijɔfuɛ mun nin like klefuɛ'm be o nun. Be yɛ: Barnabas yɛ Simɔn bɔ be flɛ i Nizɛr'n, Lisiis b'ɔ fin Sirɛni'n, Manaɛn bɔ nin Erɔd b'ɔ sie nvle'n i bue'm be kaan nun be tran awlo kun nun'n, yɛ Sɔl.

1 Korɛntfuɛ Mun 12:28

Kɛ Nyanmiɛn sieli sran'm be sɔ asɔnun'n nun-ɔn. Be nun klikli'n yɛlɛ be b'ɔ sunman be'n, i nnyɔn su'n yɛlɛ be nga be ijɔ i nuan'n, i nsan su'n yɛlɛ be nga be kle ninnge'n. Bé sin liɛ'n yɛlɛ be nga be yo sa kekleekle'n, nin be nga be yo tukpacɛfuɛ'm be juejue'n, nin be nga be yo sran ye'n, nin be nga be di kpɛn'n, ɔ nin be nga be kan aniɛn wafa-wafa'n.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

1 Timote 1:7

Be klo kɛ be ´yo mmla'n i klefuɛ, sanngɛ ndɛ nga be bɔbɔ be kan'n nin like nga be jran su kɛ ɔ ti nanwlɛ sakpa'n, be wun-man be wlɛ.

1 Timote 2:7

Ɔ sieli min kɛ n kan ndɛ sɔ'n, yɛ ɔ sunmannin min kɛ n kan ndɛ nanwlɛ'n nin i sulafilɛ ndɛ'n kle be bɔ be ti-man Zuif'n. Nanwlɛ'n yɛ n di-ɔ, m bua-man ato.

2 Timote 1:11

Jasin fɛ'n i kanlɛ nin i klelɛ ti yɛ Nyanmiɛn fali min, yɛ ɔ sunmannin min-ɔn.

Hébreu 13:17

Man amún nyin yi amun kpɛnngbɛn mun, an `bu be sran. Be nian amún su titi, afin be wa kan be junman'n i su ndɛ kle Nyanmiɛn. An `yo sa nga b'ɔ man be klun ´jɔ be junman'n su'n. Sɛ amu'an yo-mɛn i sɔ bɔ be oto'n, ɔ man be su kwla uka-man amun.

Jacques 1:16

N niaan kpa mun, nán an laka amun wun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 3:10

Nyanmiɛn manmanlɛ'n nin amuɛnnwua'n be fin nuan kunngba sɔ'n nun. N niaan mun, nán man ɔ yo sɔ.

1 Piɛr 5:3

Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.