Jacques 2:9 - NYANMIƐN NDƐ'N 1998

⁹ Sanngɛ sɛ an bu sran'n wie kpa tra wie'n, wuun amu'an yo sa tɛ. Kɛ be nian mmla nun'n, be wun kɛ amu'an tɔn mmla'n.

Nyanmien nde Ufle

⁹ Sannge se an bu swran'n wié kpa tra wié'n, wuun amuan yô sa te. Ke bé nian mmla'n nun'n, bé wun ke amuan ton mmla'n.

Jacques 2:9 ပူးပေါင်းရင်းမြစ်များ

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Jean 16:8

Sɛ ɔ ba'n, ɔ ´fa sa tɛ'n, nin sa kpa'n, ɔ nin jɔlɛ dilɛ'n kle mɛn nunfuɛ mun weiin.

Jean 8:46

?Amun nun onin yɛ ɔ kwla si i wue nun se kɛ n yoli sa tɛ-ɔ? ?Sɛ n di nanwlɛ'n, nguɛ ti yɛ an lafi-man n su-ɔ?

Jean 8:9

Kɛ be tili ndɛ sɔ'n, be kpɛnngbɛn mun nga jao blɛlɛ kɔ nga jao blɛlɛ kɔ lele ɔ fa toli be kanngan mun, ɔ kali Jésus nin bla'n b'ɔ jin afiɛn lɛ'n.

Sa nga bé yôli'n 10:34

Yɛ Piɛr kusu seli kɛ: «Nanwlɛ, m'an wun i wlɛ kɛ Nyanmiɛn liɛ'n, ɔ kpa-man sran nun ,

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

1 Korɛntfuɛ Mun 14:24

Sanngɛ sɛ sran'm be kwlaa be ijɔ Nyanmiɛn nuan nan sɛ sran wie b'ɔ ti-man Kristfuɛ'n annzɛ sɛ sran wie b'ɔ wun-man sa sɔ'n i wlɛ'n ɔ ba anyia i bo'n, ndɛ kwlaa ng'ɔ ti'n, ɔ man ɔ ´wun i sa ng'ɔ yoli'n i wlɛ, yɛ ɔ ´bu i wun fɔ.

Galasifuɛ Mun 2:19

Afin mmla'n ti'n, n wuli, min nin i a bu, ɔ man olɛ nga n wo yɛ'n, n wo Nyanmiɛn dunman nun. Be boboli min nin Krist waka'n su,

Mmla'n 1:17

Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.

1 Jean 3:4

Sran kwlaa ng'ɔ yo sa tɛ'n, wuun ɔ'a tɔn Nyanmiɛn mmla'n, afin sa tɛ'n yɛ ɔ ti mmla'n i tɔnlɛ nin-ɔn.

Jude 1:15

kɛ be `fa sran'm be kwlaa bla be ja su nan be nga be sro-man Nyanmiɛn'n bé sa nga be yoli'n, be `fɛ i nuan like man be. Afin sa tɛ yofuɛ sɔ'm bɔ be sro-man Nyanmiɛn'n, be yo Nyanmiɛn sa, yɛ be kɛn i wun ndɛ tɛtɛ.