Jacques 2:8 - NYANMIƐN NDƐ'N 1998

⁸ Nanwlɛ, mmla nga wie nun-mɛn i sin'n, bɔ be klɛli i Nyanmiɛn Ndɛ'n nun kɛ: «Klo ɔ wiengu kɛ a fa klo ɔ bɔbɔ wun'n sa'n,» sɛ an fa su'n, ɔ ti kpa .

Nyanmien nde Ufle

⁸ Nanwle, se an fa mmla nga wié nu'en i sin, bo bé klee Nyanmien Nde'n nun ke: «Klô o wiéngu ke a fa klô o bobo wun'n sa'n» su'n, o ti kpa.

Jacques 2:8 ပူးပေါင်းရင်းမြစ်များ

1 Famiɛn Mun 8:18

Sanngɛ Anannganman seli i kɛ: «Kɛ ɔ klun-ufue su a buli akunndan klanman kɛ a ´kplan sua kun man min'n, a buli akunndan klanman dan,

2 Famiɛn Mun 7:9

Yɛ be seli bé wun kɛ: «Nán sa kpa yɛ e su yo i yɛ'n! Y'a fite like kpa kun su ndɛkɛn, yɛ y'a muan é nuan yɛ. Sɛ e minndɛ kɛ aliɛ'n cɛn kwlaa nan y'a kan'n, wuun y'a fɔn, ɔ su yo-man é wun kpa. Nyanmiɛn ´bu e fɔ. I sɔ'n ti, man e ko bo su e kle famiɛn'n i awlofuɛ mun.»

Saun Yolɛ 19:18

Nán amun se kɛ sran nga sa ɔ'a yo amun sa ti amun ´yo i wie. Nán amun fa amun wiengu wun ndɛ be sie amun klun. Ɔ fata kɛ sran kun klo i wiengu kɛ ɔ fa klo i bɔbɔ wun'n sa. Min yɛ n ti Anannganman nin-ɔn .

Saun Yolɛ 19:34

Amun `trɛ i nun kɛ wie-ɔ ɔ ti amun niaan wie sa. Amun `klo i kɛ amun fa klo amun bɔbɔ amun wun'n sa. Nán amun wla fi kɛ amun bɔbɔ amun yoli aofuɛ'n wie Ezipt mɛn'n nun lɔ. Min yɛ n ti Anannganman amun Nyanmiɛn nin-ɔn.

Zonas 4:4

Anannganman'n usɛli i kɛ: «?Ya nga a fɛ i yɛ'n ɔ ti i su?»

Zonas 4:9

Nyanmiɛn usali Zonas kɛ: «?Ya nga a fɛ i waka'n ti yɛ'n, kɛ a nian'n ɔ ti i su?» Ɔ tɛli i su kɛ: «Ɛɛn! N kpa'n n waan n ´fa ya lele nan wie'n `kun min.»

Matthieu 22:39

Yɛ i nnyɔn su b'ɔ fɛ'n yɛ ɔ o yɛ: Klo ɔ wiengu kɛ a fa klo ɔ bɔbɔ wun'n sa.

Matthieu 25:21

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

Matthieu 25:23

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n ´fa wɔ sie like dan su. Bla man e si able.›

Matthieu 7:12

Like kwlaa nga an klo kɛ sran yo man amun'n, an `yo i kunngba sɔ'n man be, i yɛ ɔ ti Moiz mmla nin Nyanmiɛn nuan ijɔfuɛ'm be ndɛ nin-ɔn.»

Rɔmfuɛ Mun 13:10

Sran ng'ɔ klo i wiengu'n, ɔ yo-mɛn i tɛ, ɔ man sran ng'ɔ klo sran'n, wuun ɔ'a wie mmla'n kwlaa su fa.

Galasifuɛ Mun 5:14

Afin be boli mmla'n kwlaa kpɔlɛ ndɛ kun nun seli kɛ: «Klo ɔ wiengu kɛ a fa klo ɔ bɔbɔ wun'n sa .»

Galasifuɛ Mun 6:2

Sɛ an wun amun niaan kun bɔ i trɔ'n su ti i'n, an `ukɛ i. Sɛ an yo i sɔ'n, wuun amu'an wie Krist mmla'n su fa.

Filipfuɛ Mun 4:14

Kannzɛ ɔ ti sɔ'n, kɛ min nyrɛnnɛn'n wluli amún wun bɔ an ukali min'n, ɔ ti kpa.

1 Tɛsalonikfuɛ Mun 4:9

Amun niaan klolɛ ndɛ liɛ'n, e bo-man wɛ klɛ-man amun i su fluwa, afin Nyanmiɛn bɔbɔ kleli amun kɛ an klo amun wun.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

Jacques 2:12

Kɛ be wa jran mmla b'ɔ man e nyan é ti'n su di jɔlɛ'n ti, ɔ man ndɛ nga amun ´kan'n, nin like nga amun ´yo'n, an `yo i i nuan su.

Jacques 2:19

A lafi su kɛ Nyanmiɛn ti kunngba cɛ, ɔ ti nanwlɛ. Mmusu'm be kusu be lafi su sɔ wie, ɔ man bé wun usu be.

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .