Jacques 2:5 - NYANMIƐN NDƐ'N 1998

⁵ N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Nyanmien nde Ufle

⁵ N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

Jacques 2:5 ပူးပေါင်းရင်းမြစ်များ

1 Famiɛn Mun 22:28

Yɛ Mise waan: «Sɛ a sa ɔ́ sin ba juejuejue'n, wuun nán Anannganman yɛ ɔ fa ndɛ wlali mín nuan yɛ n kannin-ɔn.»

Zɔb I Nyrɛnnɛn Wunlɛ 34:10

Amun bɔ amun wun sa wlɛ'n, amun `tie nga n kan'n. Klunwi yolɛ'n nin ndɛ kwlɛ bulɛ'n, be ti-man Nyanmiɛn i nzuɛn mlɔnmlɔn.

Zɔb I Nyrɛnnɛn Wunlɛ 34:19

I liɛ'n, ɔ sa-man famiɛn i awlo lɔ sran dandan'm be nyan. Ɔ bu-man sikafuɛ'm be sran tra-man yalɛfuɛ mun. Afin i yɛ ɔ yili be kwlakwla-a.

Zɔb I Nyrɛnnɛn Wunlɛ 38:14

Asiɛ'n ɔ su yo kɛ ufa bɔ b'a fa nzɔliɛ b'a sie su'n sa. Lika'n ɔ yo kɛ sran yɛ b'a wlɛ i wun tralɛ sa.

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Nyanndra Mun 13:7

Sran wie yo i wun anyanbeunfuɛ, sanngɛ kusu ɔ lɛ-man like fi. Wie kusu yo i wun yalɛfuɛ sanngɛ ɔ lɛ like kpa.

Nyanndra Mun 7:24

Nan i ti'n, min mma mun, an `sie amún su mín nuan'n bo, mín nuan nun ndɛ ng'ɔ fite'n, an `ti i kpa.

Nyanndra Mun 8:32

Min mma mun, an `sie amún su mín nuan'n bo. Be nga bɔ be fa min atin'n su'n, be liɛ su ti ye!

Ezai 14:32

?Be ´tɛ Filistifuɛ'm be sunmanfuɛ'm be su sɛ? Be ´tɛ be su kɛ: «Anannganman kplannin Siɔn klɔ'n, ɔ man be nga be ti yalɛfuɛ i sran'm be nun'n, be ´nyan fiawlɛ lɔ.»

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Sofoni 3:12

Amun nvle'n nun sran nga n ´yaci be lɛ'n, yɛlɛ wɛtɛɛfuɛ mun nin yalɛfuɛ mun. Be liɛ'n be ´lafi min su, be ´fia min sin.

Zakari 11:11

Kpɛkuun aenguɛ'n ka lɛ wieli. Kpɛkuun be nga be fia be yo bua'm be atɛ'n bɔ bé nyin wo min su'n, be wunnin kɛ kannzu ndɛ nga n kannin'n, Anannganman'n yɛ ɔ fa wlali mín nuan yɛ n kannin-ɔn.

Zakari 11:7

Kpɛkuun bua nga be ti dilɛ liɛ bɔ be yo annvɔ sɔ mun yɛ n kankannin be-ɔ. N fali kpɔnman nnyɔn yɛ n fa kankannin be-ɔ. N flɛli kun kɛ: «Aenguɛ fɛfɛ tralɛ.» Yɛ n flɛli kun ekun kɛ: «Anuansɛ,» yɛ n fa kankan nnɛn mun-ɔn.

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 5:3

«Be nga be si kɛ be di Nyanmiɛn ninnge'm be yalɛ'n, be liɛ su ti ye, afin Nyanmiɛn yɛ ɔ sie be sakpa-a!

Marc 7:14

Ɔ flɛli sran mun ekun nan ɔ'a se be kɛ: «Amun kwlaa an `tie min ndɛ'n, an `bu i akunndan.

JÉSUS-CHRIST I DYASIN FE'N BO LUC KLELI'N 12:21

Sran ng'ɔ kunndɛ ninnge kɛ ɔ ´nyɛn i wun, b'ɔ lɛ-man Nyanmiɛn ninnge'm be wie fi'n, kɛ ɔ ti sɔ-ɔ.»

JÉSUS-CHRIST I DYASIN FE'N BO LUC KLELI'N 12:32

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

JÉSUS-CHRIST I DYASIN FE'N BO LUC KLELI'N 16:22

Le kun yalɛfuɛ sɔ'n wuli, anz'm be wa fɛ i ɔli Abraam wun lɔ. Anyanbeunfuɛ'n kusu ɔ wa wuli nan b'a sie i.

JÉSUS-CHRIST I DYASIN FE'N BO LUC KLELI'N 16:25

Yɛ Abraam seli i kɛ: ‹?N wa, ɔ́ wla fi kɛ kɛ a wo asiɛ'n su lɔ'n, a nyannin ɔ ninnge kpakpa'n kwlaa? Lazar kusu wunnin i nyrun. Siɛn'n, ɔ o wa, i wla a gua ase, ɔ kusu a su wun ɔ nyrun.

JÉSUS-CHRIST I DYASIN FE'N BO LUC KLELI'N 22:29

Ɔ man kɛ n Si sieli n famiɛn'n, n kusu n ´sie amun famiɛn

JÉSUS-CHRIST I DYASIN FE'N BO LUC KLELI'N 6:20

Jésus niɛnnin i sɔnnzɔnfuɛ mun yɛ ɔ seli be kɛ: «Amun bɔ an ti yalɛfuɛ'n, amun liɛ su ti ye, afin Nyanmiɛn yɛ ɔ wa sie amun-ɔn!

Jean 7:48

?E kpɛnngbɛn mun nin Farizifuɛ'm be nun wie a lafi i su?

Sa nga bé yôli'n 7:2

Etiɛni tɛli i su kɛ: «Min niaan nin min si mun, an `tie! I nun nga e nannan Abraam tɛ o Mezopotami lɔ'n, Nyanmiɛn yili i wun kleli i i sin nan ɔ'a ko tran Karan lɔ ,

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

1 Korɛntfuɛ Mun 2:9

Sanngɛ b'a si-mɛn i, afin ɔ ti klɛwa kɛ: «Like nga sran fi nyinma a wun-mɛn i'n, bɔ bé su a ti-man, bɔ i wun akunndan a ba-man be klun'n, like sɔ'n yɛ Nyanmiɛn yo mɛnnin i klofuɛ mun-ɔn .»

2 Korɛntfuɛ Mun 4:15

Amun ye yolɛ ti yɛ sa sɔ'n kwlaa yoli sɔ-ɔ, ɔ man kɛ Nyanmiɛn yo sran kpanngban bɔ bé nuan uka su titi'n be ye dan'n, ɔ man sran sɔ'm be kusu be wa lɛ i ase, yɛ be ´bo i dunman.

2 Korɛntfuɛ Mun 6:10

Be bo é wla, sanngɛ e klun jɔ titi, be bu e yalɛfuɛ, sanngɛ e yo man sran kpanngban be nyan bé wun, yɛ be bu e kɛ e lɛ-man like fi, sanngɛ ninnge'n kwlaa ti sin yia ye.

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.

Efɛzfuɛ Mun 1:18

N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

1 Tɛsalonikfuɛ Mun 2:12

afin e mannin amun afɔtuɛ, e wlali amun fanngan, yɛ e kan kleli amun kɛ an yo sa ng'ɔ ti Nyanmiɛn b'ɔ flɛli amun kɛ an di i famiɛn'n wie nan an nyan nyrun kɛ i liɛ'n sa'n, i klun sa.

2 Tɛsalonikfuɛ Mun 1:5

I sɔ'n kle ye weiin kpa kɛ Nyanmiɛn yo sa i nuan su. Ɔ ´bu amun kɛ amun nin i famiɛn dilɛ'n wie fata, afin i ti yɛ an wun nyrɛnnɛn nin-ɔn.

1 Timote 6:18

Se be kɛ be yo sa ng'ɔ ti kpa'n, yɛ be yo sran ye, i sɔ'n yɛ ɔ ti anyanbeun kpa nin-ɔn. Man be yo aklunye, yɛ be cɛ sran like.

2 Timote 4:18

E Min'n ´de min sa tɛtɛ'n kwlaa nun, ɔ ´nian n su, ɔ ´fa min kɔ i mɛn'n nun nyanmiɛn su lɔ. Man e yi i ayɛ tititi, nán e yaci i le! Man ɔ yo sɔ!

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Hébreu 11:26

Ɔ wunnin i kɛ finfin nga Krist ti be yo i'n ɔ ti kpa tra Ezipt lɔ like kpakpa'n kwlaa, afin like ng'ɔ wa nyɛn i cɛn wie'n, i nyin tɛ i mmua lɔ.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 1:16

N niaan kpa mun, nán an laka amun wun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 1:9

Aniaan ng'ɔ ti yalɛfuɛ'n, man ɔ fa nyrun bɔ Nyanmiɛn man ɔ'a nyɛn i'n di i nuan.

1 Piɛr 1:4

Ɔ wuli ye sɔ nan e `nyan like kpa ng'ɔ sieli i nyanmiɛn su lɔ'n. Like sɔ'n kwla saci-man, ɔ yo-man fiɛn, yɛ ɔ mlin-man.

2 Piɛr 1:11

I sɔ'n nun yɛ e Min Jésus-Krist b'ɔ ti e Defuɛ'n, ɔ ´sɔ amun nun kpa, yɛ ɔ ´fa amun wlɛ i sran ng'ɔ sie be titi'n be nun-ɔn.

Sa nglô yile 2:9

N si sa ng'ɔ tɔ amun su'n nin yalɛ bɔ an di'n. Sanngɛ an ti anyanbeunfuɛ! N si amún wun ndɛ nga be nga be wan be ti Zuif'n be kan'n. Be ti-man Zuif, sanngɛ be ti Satan i minniɛn.

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .

Sa nglô yile 3:18

I sɔ'n ti, n ´kan kle amun kɛ sika ɔkwlɛ bɔ b'a klo i'n wo ń sa nun, an `to nan an yo anyanbeunfuɛ. Yɛ an `to tralɛ ufue fa wla amun wun nan b'a wun-man kɛ amún wun ti kplɛn nan amún nyin a gua-man ase. An `to ayre fa kpɛ amún nyin su nan an wun ase.

Jɔlɛ Difuɛ Mun 9:7

Zɔtam tili ndɛ sɔ'n, yɛ ɔ ɔli ko fuli Garizim oka'n su nan ɔ'a bo ndolo ɔ'a se kɛ: «Sisɛm kpɛnngbɛn mun, amun `sie amun su bé tie ndɛ wie. Man Anannganman kusu ɔ tie amun aniɛn'n.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.

1 Samiɛl 2:8

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan be gua wla lɛ'n, ɔ kuku be lɛ, kpɛkuun ɔ man be nin sran dandan'm be tran likawlɛ bia kpakpa'm be su. Afin sɛ n kwla ´se'n, asiɛ'n i ja'm be ti Anannganman'n liɛ. I yɛ ɔ fali mɛn'n takali su-ɔ.